¹ Gnon o ya wolíè a mlí gulè a, o gron a bgazílè mou a o ya o youô so, í wā lé tchítchassa bhía dí. Èní n'a moyouô ngon a ma gnoan ā yíbhlí tchítchassa. ² Tchítchassa a za ā Kou āmon mou lé ānaka kohoko āmon ko kou. ³ Tchítchassa lé wawou a mlí, Touh Lago, Zozi-croissí a tout a you. O bloblou, wawou ou tchiélé, poupouè kou àmon djí. ⁴ Lolo bhla mon cémou í gnrí nan youô ā ana namlílè thítchassa a mlí, cémou djrama atouh gnin āmon a. ⁵ Kakamlin tchí, ngron, na sramon wrou , djrama yala nì lamon à. Man à bhalè kou a, à tchía, ā yia mi ngoma à wawa. ⁶ Le Bhouaní wawouo o mou ngoma à nan n'a djrama à mlí. Djrama ā thía bhada lé ama mou kalé à ka nan. ⁷ Gníglítnoan kokomlin ya gnoan gnídí planle á ni ngbou man Zozi-croissí o nyí yroukagnoan yéké a mlí. Bhoaní gnon o ngon gníglígnon lé Croissí a gblígnon. ⁸ N'a drou í gnokou ko lé nonnonhon í zríè a ní ka o père tí. man la o dazíè kokomlin yè. ⁹ O ni dílí nékou a lé o ní wolo Croissí a tchíatchía wolíè a mlí a o ní Lago ka. O ní kā Croissí a tchiatchía wolíè a ní bhla. o ka Touh lé youh. ¹⁰ Gnon o níyi āmon ngoan lé Bhouaní tchíatchou lia oumou o níní laa , a na gnin o saboda a wrouh a mlí. A na poyouô. ¹¹ Ō ní poyouô a, o pla gnoumogbí a mlí. ¹² Í ka wolí kokomlin âa mon djídjrè Man ní yra lé bogou djí kí pla. Man í bhobho à goyiyié lé ya agnísso aka koutchi āa lolo à ka mlí. ¹³ Í níayou a you á pa mon youô "mougbazí ngron"