Jonas 4

1 L din te k Jonas pal wat bɔncien , k u wutuol din duo . 2 U din jiin kangbenu , ŋaan yet a : Ah ! kangbenu , ma din jiien l nba k a na , yuo n ba kin din be n duo ni na ? ma din k luon l nba é na kin tiin k sa Tarsis . K maan n din ban nan a tie soml yennu é , k bie tie ninbatnu yennu , ka wutuol bie k do , a ŋant yab , k a bie gbientl bonbil paak . 3 Mɔtana , kangbenu , ŋann jiin n manfuol , k maan kuun ma sɔn po k cie manfuol . 4 Kangbenu din jiin a : Tie l nba ŋan na nan fa dont wutuol na ? 5 K Jonas nŋi duo ni , k sa kal duo yendo po , lenŋ ku pa lanbɔnŋ , k ba l méyu , kaka nan wa tan la lin ba din tan bal duo ni . 6 Kangbenu yennu din té ricin fiil , k kpaat duuo k gal Jonas , k tien méyu u yul paak ŋaan nŋin n u wutuol . Jonas la palman ciɔnŋ ricin na paak . 7 ŋaan l won , sannyafal , yennu te k cuncuanu bal k jun ricin , k l ricin din tan kuol . 8 Yendu nba duuo , k yennu din nik wan tolin m nba nyi yendopo , k yendu cuua Jonas yul bienŋ nba k u panŋ tan gben . U din boi kuun , ŋaan yet a : Kuun ma sɔn n po nan manfuol . 9 Yennu yet Jonas : a tie lin ba ŋan é nan fii dont wutuol ricin paakii ? K u jiin a : n tie bɔnŋanna nan don n wutuol ka ka nan n kuun . 10 K kangbenu yet a: a tiin nunbang ricin nba ka k la fala nan yen na , k k te k l kpaat , k l mal nyiɔk ni k b ie kpo nyiɔk ni . 11 N mɔnŋ tan ki mok lom nan man tin ninbaauk ninive , dingbangbenŋl na ni , k niib koɔbk nan siial bé k k bant b ganŋ diitu , k boɔn kobt mun bie yab !