¹ Pɔɔlè tɛ́ lɛ kàsolàmì ká Zézu mɔ́ɔ ̀wɔ̃̀ mɔɔ wà ko lèegé Timotè óò wèe Filèmɔ̀ tɛ́ lɛ kò sã̀ã kɛ ɓɛ̀ì káa bà, ² E kɛ bɛ̃̀ɛ̃ ko lèegé léezɛ̀ Afìào, tó ko gèlè gɔ̃ ɓɛ̀ì Alisipè wà Wȧ́là-mìà tɛ́ ò pa o kiè̵mɔ̀ i píékɛìa. ³ Gó Wàlà tɛ́ lɛ kò Dàa kàa wà kò Midàami Zézu o zì zòkɛ̀sɛ̀ wa ̀ zoyagél ó kɛ ka píé. ⁴ Ḿm̀ m̀ Wálà sɛ̀kɛɛ ɓo lúo séĩ́ ká, m̀ḿ ló lèmaà i mɔ̀ sɛ̃̀nɛ̃ɓoà ka. M̀ḿ lèma i mɔ̀ sɛ̃̀nɛ̃ɓoa yi, ⁵ Maà lɔ̀ɔ kɛ̀à mɔ̀ ɛ̃́ɛ̃ zòdɔ̀àmɔ̀ tɛ́ lɛ i kɛ̀lɛ̀ e gbɛ̃̀ã Zézu wà Wállà mìà o mɔ̀ɔ wɔ̃̀ má, ⁶ Ḿm̀ sɛ̃̀nɛ̃ɓo Wálà lɛ̀ɛ kɛ i zì zòdɔ̀àmɔ̀ mɛ́ é kɛ gágà Kilisì wɛ̃́ĩ,kɛ ko kɛwɔ̃́ yiè sé tɛ́ lɛ ko yia ko zɔ̃̀ɔ̃, ⁷ À mɔ́ɔ̀ wɔ̃̀mɔ̀ɔ maà gélia wà zò (yàà)gé o sɔ̀lɔ́ɓo mia zì lɔ̀kpɔ̀ i mɔ̀ kololàzàa, ɓii m lèegé ɓaà kɛ Wálàml̀à zò aà̀ yà o gé. ⁸ Yé bɛ̃̀ɛ̃ à lɛ̀ nɔ̃̀ɔ̃ lɛ m lɛ̀ɛ ̀Zézu yi kɛ m i vɔ́ kɛ í wɔ̃́ lɛ i mɔ̀ ɓá kɛɛ ́ kɛɛ̀ɛ, ⁹ Ma naà ká lɔ̀kɛ̀á mɔ̀ kololà zàa, ḿ pɛ̃́ i mɔ̀ (ma Pɔ́ɔ̀lè, gɔ́ɛ̀ìkòlò kɔ̀fɛ́kɔ̀fɛ́, ɛ̃́ɛ̃ lɛ́ m dɛɛ ká kàsólà Zézu wɛ̃́ĩa.) ̀ ¹⁰ Ḿm̀ sɛ̃̀nɛ̃ɓó i lɛ̀ɛ m gbe Onezimè tɛ́ ma sɔ̀lɔɓo gɛɛ̀ yi kɛ m kàsokà wìa kpɔ i kɔ ̀là, ¹¹ tɛ́ bèĩzɛ̀ɛ à tɔ̃̀nɔ́ nɔ̃ɔfé dò lɛ̀ɛ́ gbaa kɛ à mɔ̀ i lɛ̀ɛ, kɛɛ dɛɛ káa à tɔ̃̀nɔ́ aà kɛ gbaa à mɔ̀ kò ɓí ko lɛ̀ɛ. ¹² Ḿm̀ à vɔ́ i pie, lɛ́ kelɛ̀ m yé nɛ̀ lɛɓe . ¹³ Ma naà kɛ̀ì à ká é tó m sɔ̃́nɔ̃ kɛ é sã̀ã kɛ m lɛ̀ɛ i dɔ̀lɔ̀ yi, yé m tiã kàsol̀a Wálà léwè wɛ̃́ĩa ka, ¹⁴ Wɔ̃́ séĩ́ kɛɛ̀ yia, m̀ḿ gbaa naà m wɔ̃́ tɛ́ ye wɔ́ i zò dà wɔ̃̀ káa kɛ. Yékɛ̀ i zì wɔ̃́ yiè kɛɛ̀ m lɛ̀ɛ e kɛ lɛ̀ mii lɛ́ wa kṹ gáá lɛɓè. kɛɛ e kɛ i zòdà wɔ̃̀ ka. ¹⁵ A kɛɛ̀ e kɛá kili lèĩ kɛ Onezimè e gó i pié lúo ɓéĩ pie, kɛ i yɛ́ i zí ɓá sɔ̀lɔɓo tòákili ka e mɛ̀ĩ. ¹⁶ Yewɔ́ gbaa lùò ka, lɛ gbaa fìè e dieá lùò là. Lɛ gbaa kò ɓí ko yemì ka gbĩkpàlà ɛ̃́ɛ̃ Miidàamì yizàa. ¹⁷ E kɛa íì m gɛ̃̀ i ɓɛì káa ì í kɔ̀ yà à wì lɛ̀ zí ì í kɔ̀ yàà m wìa lɛɓe. ¹⁸ To e kɛá aà wɔ̃́ yɔɔ dò kɛ i káa ɛ̃́ɛ̃ e kɛá ɓà wɔ̃́ dò lɛ à mɔ̀ɔ, à kpɔ́ m wĩ́ĩ. ¹⁹ Ma Pɔ́ɔ̀lè ma dìè lɛ́ m sɛ́ɓɛ̀ tɛ wɛ bɛ̃̀ɛ̃ m kɔ̀ káa : Ḿm̀ lo à dɛ̀i nɔ̃ɔ i lɛ̀ɛ, lɛ sɛ̀ ɓá yídɔ kélɛ̀ ɓi mɔ̀ɔ zɛ̀ i m pɛ ka ɓíì m kèlè tɛ́ lɛ i mɔ̀ɔ yelɛ̀ e ɓà laɓo káa. ²⁰ À mɔ́ɔ̀ wɔ́ɔ̀ mɔɔ̧ m ɓɛ́i yemi íì lo wṍ yéa tóà m mɔ̀ ɓɔ̀ɔ ká kɛ zòyàgé é tó m kɛ̀lɛ̀ kò dàa mi tɔ́ yi zàá. ²¹ Ɓà mia wee kɛ̀ɛ lɛ́ m m zò dɔ̀á i mɔ̀ máà sɛ́ɓɛ̀ tɛ́ wɛ bɛ̃̀ɛ̃ i píéa ɛ̃́ɛ̃ ḿm̀ à yídɔ̀ kélɛ̀ íì lo a kɛ̀ɛ gbuo é díea ká à yé tɛ́ m pɛ̈ i mɔ̀ɔ là. ²² Tó ì gă mɔ̀ í wɔ̀lɔ̀ dò bɛ̀i m lɛ̀ɛ ɓíì ḿm̀ yídɔ̀ kélɛ̀ Wálà lɛ́ɛ̀ lo sɛ̃̀nɛ̃ kà ɓoa maa kɛ ḿ kɛ̀ ká píé dɛɛ ka. ²³ M lèegé Éfálásè tɛ́ kò yenì kò kàso ́là kò dàami Zézu mɔ́ɔ̀ wɔ̃ wɛ̃̀ĩa lɛ́ɛ̀ wèe ì bà. ²⁴ Zí nɔ́ dóoa káa Málíkèo wà Álízákào e bɛ̀i Díma é dàa ká Lúkè bàa óò wèe i bà. ²⁵ Gó kò Dàami Zézu kilísa é kɛ̀ ka gɛɛ píee. E kɛ kíli