¹ Emana tsughu è pulu, Marie a Magdala Na Marie a ngughu a Jacques na Salomé bo a sumi e'yombo ma okila ma ombimi o Jesus. ² Na éntsieré è fu, o tchughu è ntsomi, bo a ya ma djé o muma ma etughu é tughu é muhi. ³ Bo a yo ma wobo npanighi e' bo: «A tsiesè sabé kèlè ma ognua muma na?» ⁴ Bo a ma sara misi, bo a moni mvuru à ki a ma tsièsé kèlè é kighi na anini. ⁵ Bo agnunighi ntsa mumo a moni onkèrè o balagha na oringa o kubughu, o ntsi o kuogho olumi bo aso akimi. ⁶ Ndè na bo ndi: «lè ka nonogho vuogho ni. Bè lé sagha Jesus a Nazarien, maki mama buma, mo kuri. Ndè o ma gnusagha! Ndé o gha kalei. Lékèsè biri maki mama tsusa ndè. ⁷ Ngha, le djè, lè dugha na a luoni a' ndè na Pierre ndi: ndè mi tsuomo Galilée. Ngha, bè lè mono ndeè ma osumbi é' nde a dughi bè.» ⁸ Bo a tughi ntsa numa ma ntini. Na antirighi na leékima. Bo aka dugho na mvuru ni obila o bo makighi na vuogho. ⁹ Na é ntsìere é fu o tsughu é ntsomi, ndeè oki o ma gnusagha, ndè wasighi levusu mpìlì è Marie Magdeleine à ndè a turi édidima meébi ntsami. ¹⁰ Ndè o yenî na dugha antsia bla bari makighi bla ndè, o ntìnì è bo ma monighi obi na o lila. ¹¹ Bo a yughi ndi ndè oli muho ndè oki a ma mono ndè, bo aka yalagha ewobighi è ndè ni. ¹² Emana mami mâa, ndè owasighi omua bari vuèlè ma osumbu okma, bo a ki ma djé ma émpupughu. ¹³ Bo a ki ma djè na le dugha lè antsia bla aluoni okè, bo a ka yalagha ni. ¹⁴ A ntini a ma yira, Jesus owasighi o mpanighi è bari kumi na omo, bo aki a ma kumagha o biri ékighi bo, ndè o biè na bo mo kama è tari na étíma èbo mo onono, obila obo maka yalagha bari ma moni ni émana égnusighí onkèsè bari mama kua. ¹⁵ Ndè na bo ndi:«lè djè ntsa éshi éso mo toso nbari Ndjiami na mbari eso. ¹⁶ A yaligha o bagha atèmî o vughi, a bisi oyalagha o yénì o mbâ. ¹⁷ Le mono a ndimi na yira bla ma bari mama yalagha: bo ma djo otura eédidima mébi o nkumi è me'. Bo ma djo owobo a djuhi ma gnarighi. ¹⁸ Bo ma djo okuara a ntari o djiala è bo, bo ognua ati ma bumagha bari, bo ma ka yugha ngaha ni. BO ma djo olèghè djiala o yulu abiéri bo a wumi.» ¹⁹ Nkumu o ma mana o wolo bla bo, ndè yéni yulu ndè ya o ntsi o kuogho olumi o Ndjiami. ²⁰ A luoni à ndè a yénighi na o toso mbari é Ndjiami é'biri éso, ma osumbu a nkumu a ndjadji bla bo na le djisagha le mbari ma andimi ma luoni bo.