DCS-Mirror-parfait-ayanou_mbm_3jn_text

Obari 1

¹ Okuru na bugha e' dìa Gaius, a mè è ma dìa ntsa asisiele. ² Abugha dia, mé e' vuomo mbiri we' dje na vusu o ntsa mami aso we' ka yenughi, telê mva odu duma a djè na vusu. ³ Mè ki ntsa osuéré okuma o ntini abugha ma yi a yi ma wobo m'asisielé a we', mva o wè a lanagha telè ntsa asisielè. ⁴ Me osueré okma onìni mva kî ognagha, mo yugha ndi bana a mé ma lana o ntsa asisiélé. ⁵ Abugha a dia we' a siagha mami a telé a ntini aso a wè a ndjodja m'abugho ma andjiha, ⁶ Ma wobì o Dìa wè o mua okugha. Wè a siagha nga yèmîghi ma otu ma bo ntsa epîngha ma osumbu a télè a Ndjiami, ⁷ Obìla o nkumì è wé è bo mo tughi, bo a ka yagha bibi è bari mabi y ya Ndjiami ni. ⁸ Ové lè yambi bari a vua, sabè aso leki a ndjadji m'asisielè. ⁹ Mè ma tendi osangumu bpilè okugha, ngha diotrephes, ndè ndjala o ka levusu ompanighi è bo, nde y yamba sabè ni. ¹⁰ Ngha, yughu mé è ya, me yo oyibagha mami a ndè a siagha, moma ndé adugha mami m'otsa o sabê ma mbari embi. Ndè mi, ndè y yamba abugha ni. Ndè a ligha abugha ma saghî osa ndjadja djia na le tsuagha lè bo ntsa okugha. ¹¹ Abugha à Dia lè ka siagha mami mabi nì, ngha ma vé. Oshi levé muanda Ndjiami; oshi lèbi o kìnì o mono Ndjìami nì. ¹² Ma wobo mamì mave o Dèmétrius m'asisielê mo anku. Bisi sé le dugha bé lé djiabî mami a bisì le dugha mâ djadja. ¹³ Ntimi è mé è bani o tendé osangumu kì, mè ki na mamî kuna m'odugha wé o o ngha, me y bano odugha we mo o ntsa osangumu. ¹⁴ Me é sagha o ya na mono wè ntsa e'tchughu bi. Mo vua, sa wè lé wobo telètélé. ¹⁵ Mè evuono Ndjiamî o mpa wé odugu. Andighi a sa wè kuni mo tuma wé a mbulu.