DCS-Mirror-parfait-ayanou_mbm_2jn_text

Obari 1

¹ Osangumu okuru a tendi okasi a Ndjiami a suoli bila bana à ndè, a mè ma dìa a ntsa asisielê, ka me otu ni na bari oso ma djiabi asisiele; ² Obila m'asisielé mali o sabé ma yo ka bila sabé misumbu. ³ Puha è Ndziami, nkerêghî, odusu o Ndjiami tara na o Jesus Krist oka bila bé, muana tara, ntsa asisielé na dia. ⁴ Mè li ntsa osuéré mo basagha bana a wé aké ma lana ntsa asisielê, lèmîghî na ngri le basighi o tara. ⁵ Ngha, kolokolo è wé, okasi, ka mva mo tèndé we ngrì è gnarighi mì, a sabè le basighî m'ebanighì, mbiri sabè le dia abugha. ⁶ Ngha dìa djìa èlanighi è m'angrì a ndè. Ngri m'ayisighi bè m'ebanighi besé olana o ntsa yo. ⁷ Ngha bari ma dhìma bari ntsa andjila mabi a mi tugha a mi ya oyuba ntsié, bo y komboso ndi Jesus o ma yo ma kabi ni. Ndè Jesus o ma kagha mvuru a dhima babi m'andjila mabi ndè onga mbèlê. ⁸ Le sa oyérî o bé amku, mo duma bè le ma yelè l'èmburu lè djadja è bè, gha bè li basighi wura e'nini. ⁹ Mdinî mvura o yè la nde sè y ka o ntsa oyisighi è Krist nî, ndé Ndjiami kali. Aka ntsa éyisighi ê Krist ndé oli ma tara ma muana. ¹⁰ Mvuru o ya mpilè bè yughu nde y ya na èyisighi bia ni, bè y yamba ndê ntsa ndjo è bé nî be se y mpa ndé mbulu ni. ¹¹ A woso ndè asa mpani yìa bila nde. ¹² Mè ma mami kuna ma otendè bé gha mè è ka sagha o tendè bé osangumu ni. Mé ètsimina mbiri mé è yo ya mpilì gha sabè lè wobo o ntsi na ntsi, osuèré o sabé oka yèmighî. ¹³ Bana a nkeré a wè ma sumi ma woso wè.