¹ ŋan tie yua kuli ki ja a lielo buudi,a kan baa sugili.kelima ŋan ja ti buudi leni nitoa yeni a cuo a yuli, kelima a moko tiendi nani bani yeni. ² Ti bani ke U TIENU buudi ,yaaba n tiendi laa bonla po tie i moamoani. ³ Naani a tama ke fini yua n ja ti buudi leni yaaba n tiendi laa bonbuolu,ki nan tiendi la fini aba yeni ke a baa ciadi U TIENU bujiali po bii? ⁴ Bi a fali o ŋanbicianli leni o yansoangima leni o juunli ki naa bani ke U TIENU tieni a po li ŋanbili ki bua ki gobidi a ŋan tuo ki lebidi a yama yoo? ⁵ Ama ŋan juagi a pali kaa go tuo ki lebidi yeni a taagi a yuli po ya piama n tie pabienli U TIENU pabienli leni o bujiali yaali n tiegi n baa doagidi ya daali. ⁶ Yaa daali ke U TIENU ba pa nilo kuli nani o tuona n tie maama. ⁷ Yaa miali n kan gbeni ye yaaba n tiendi yaala n ŋani kaa cedi,ki lingi U TIENU kani ti kpiagidi leni ti jigidi. ⁸ Ama U TIENU buudi leni pabienli ye yaaba n pia mi niama yantiali ki yie kaa tuo ki ŋua i moamoani ki ŋua yaala n ki tiegi ki tiendi yaala n bia kuli po. ⁹ Yaaba n tiendi mi biadima kuli,ki cili jufinba ki ŋoadi grekinba baa le fala leni ti yanyagidi. ¹⁰ U TIENU ba pa yua n tiendi yaala n ŋani kuli ti kiagidi,ti jigidi leni mi yanduanma ki cili Jufinba ki ŋoadi Grekinba. ¹¹ Kelima U TIENU ya kani ,gagidima ki ye bi niba leni bi yaba siiga. ¹² Yaaba n tiendi ti tuonbiadi kaa pia U TIENU balamaama kuliba bodi kaa pia li balimaama,ama yaaba n tiendi ti tuonbiadi ki pia li baliomaama kuli,U TIENU ba jia ba leni ti buudi nani O balimaama n bili maama. ¹³ Kelima laa tie yaaba n cengi li balimaama ka tiegi U TIENU nintuali,ama yaaba n tiendi li balimaama n bili yaala n ba baa li moamoansaali. ¹⁴ Yaaba n tie bi nilanba ki naa pia li balimaama ya tiendi li balimaama n bili yaala kelima bi yama po,bi bili li balimaama bi yula po baa ke ba pia li balimaama. ¹⁵ Bi doagidi ke li balimaama n bili yaala diani bi pala nni,bi pala siedi moko yen bu leni ba bi ki saagi bi po i moamoani. ¹⁶ Lani n ba doagidi U TIENU n ba teni JESU n jia ti buudi leni bi nisaaliba n wuoni yaala kuli yaa daali. Min wangi ya labaaliŋamo moko yedi ke li baa tie yeni. ¹⁷ Fini yua n yedi ke a tie Jufi,a jigi co U TIENU balimaama nni ,ki kpiagi a yuli kelima ŋan pia ya ŋantaado leni U TIENU. ¹⁸ Fini yua n bani O yanbuama,ki go bani ki gandi yaala n ŋani ki cie kelima bi den bangi a li balimaama. ¹⁹ Fini yua n nua a yuli ke a tie gobidikoa a juama po,leni mi yenma yaaba n ye li biigili nni po. ²⁰ A go nua a yuli ke a tie tundikoa bi yapiidanba po,leni bangikoa a biwaala po.Kelima a nua ke a pia li balimaama nni yaala n wangi mi bandima leni i moamoani kuli. ²¹ Lani wani fini yua n bangi nitoaba,ŋaa bangi a yuli! Fini yua n wangi nitoaba ke ban da su,a moko nan su. ²² Fini yua maadi nitoaba ke ban da conbi,a moko nan conbi! Fini yua n sengi i buli, a su yaala n ye a budiena nni! ²³ Fini yua n kpiagi a yuli ke a pia li balimaama, a teni ke bi niba sugidi U TIENU kelima a miidi li balimaama. ²⁴ Nani lan diani maama:yinba yaa po n teni ke bi nilanba sugidi U TIENU yeli ²⁵ Moamoani ku koaciagu pia mayuli a ya tiendi li balimaama n bili yaala.Ama a ya miidi li balimaama a tua nani li jifoli yeni ba ke a tie jungili. ²⁶ Yua n tie jifoli ya tiendi li balimaama n bili yaala,li ba tua o po nani li juginli yeni,baa ke o tie jifoli. ²⁷ Yua n tie jifoli buolu ya tiendi li balimaama n bili yaala,o ba bu leni a, fini yua n pia li balimaama leni ku koaciagu ama ki nan miidi li balimaama. ²⁹ Jufi naa tie yua n pia li nannanli ka,li jungili moko naa tie yua n pia li maalima o gbannandi nni ka. ²⁸ Ama Jufi tie yua n tie yeni ŋali o pali tugu nni;ku koanciagu moko ŋua U TIENU Fuoma n tieni yaala o nilo pali tugu nni,ke laa ŋua li balimaama ka.Yua n tie yeni naa baadi ti pagidi bi niba kani ka,ama U TIENU kani.