1 Diani Kilisiti n yini yaaba, yaaba n ye Efesa po yaa maleko po ki yedi o: diidi ki le yua n muubi a ŋmabileleeda o najienu nni, ki go cuoni wula fidisantuan-kaani lelee siiga yeni yedi: 2 N bani a bontienkaala, leni a tuona, leni a juunli; n bani ke a kan tuo bi nibiadiba po. A den biigi yaaba n tua ke bi tie tondiba kinaa tie yeni, ki sua ke bi tie tuofadanba. 3 A pia li juunli, a laa fala kelima n yeli po, ki naa den cedi baa waamu. 4 Ama min fu leni a yaala, tie ke a ŋa a buakpiama. 5 Lanwani ŋan tiadi ŋan baa naani, ki lebidi a yama, ki go ya tiendi nani ŋan den kpa tiendi maama. Lani yaaka, n baa cua a kani ki tuadi a fidisantuankaanu ki ñani u u kaanu, hali a yaa lebidi a yama. 6 Baa yeni, a pia line wani, kelima a nani nikolasa ŋoadikaaba bontienkaala, mini moko n nani yaala. 7 Yua n pia a tuba, wan cengi mi Fuoma n tua Kilisiti n yini yaaba nitaana yaala. Yua n koani mi jama ki paadi n baa pa o wan ya ti di li miali tibu, yaabu n ye U Tienu ŋalijani diema nni bonluonkaala. 8 Diani Kilisitin yini yaaba similina po ya maleki po ki yedi o : Diidi ki le o kpialo leni o juodikoa, wani yua n den kpe , ki go ye ki fo yedi line: 9 N bani ŋan ye leni ya fala leni a luoma ( ba ke a pia ) n go bani yaaba n tua ke bi tie jufinba ki naa tie yeni , n maadi yi po tuofamaama , bi tie sutaani nitaanli yaaba . 10 Han da jie , ŋan baa le ya fala diidi sutaani baa kuani yi siiga bi nitianba li kadidieli nni lani ki biigi yi , bi baa waani yi fala dana piiga. ya tie nidugika , hali mi kuuma lani n baa pa ŋa li miali ya badifogiliga . 11 Yua n pia a tuba , wan cengi mi fuoma n tua Kilisiti n yini yaaba nitaana yaala yua n koani mi jama ki paadi, mi kuliedima fala kan pundi o. 12 Diani Kilisiti n yini yaaba peligama po , ya maleki po ki yedi o: diidi yua n kubi ki jugisieñoaliedi manga n yedi line: 13 N bani a ye kaanu , likani tie Sutaani balikalikaanu n ye naani, a kubi n yeli , ŋaa nia li dandanli , baa ban den kpa n nidugika anti pasa ya dana nni yi dogu nni Sutaani n ye naani. 14 Ama a pia min nani yaala a kani, li tie ke a pia a kani yaaba n ŋua balaama bangima, yua n den bangi balaaka ke o tulini isalele yaaba ke bi ŋmani ti padi nandi ki go conbi. 15 Li go tie yeni , ke a moko pia a kani yaaba moko n ŋua nikolasa bangima. 16 Han lebidi a yama, lani yaaka, n baa cua a kani ke li kan waagi , ki koani leni laa niba leni n ñoabu jugisiega. 17 Yua n pia a tuba, wan cengi mi Fuoma n tua Kilisiti n yini yaaba nitaana yaala. Yua n koani mi jama ki paadi, n baa pa o ya mana n wuo, ki go pa o li tanpienli, ban diani li yepanli yaali ya po, oba kuli ki bani li kali yua n baa litanpienli bebe. 18 Diani Kilisiti n yini yaaba tiatila po, ya maleki po ki yedi o: Utienu Bijua, yua ya nuni n nani u mupienu yeni , ke o taana mo tie nani ya kumoandi n ñuliti yeni, n yedi yaala n te na . 19 n bani a bontienkaala, leni a buama, a dandanli leni a todima nitoaba po, leni a juunli. ŋan go yuandi ki tieni ya tuonŋama yabi ki cie, a kpiala. 20 Ama min fu leni a yaala yaapo tie a cedi ke ya pua n yi Jesabela, yua n tua ke o tie sawalipoalo, bangi n naacenba ki tulini ba, ke bi tiendi mi conconma, ki go ŋmani ti padinandi. 21 N den puni o u yogunu wan lebidi o yama o conconma po. 22 Diidi, n baa lu o u duanu po, ki taani leni yaaba n conbi leni o kuli, ki waani ba o falabiado, kali bi lebidi bi yama bi tuona po. 23 N ba cedi mi kuuma n kpa o bila, lani kilisiti n yini yaaba nitaana kuli baa bandi ke n tie yua n bigidi bi niba yantiana leni bi pala kuli, ki go baa pa yi siiga yua kuli o panpaani nani yi tuona n tie maama. 24 Yinba, leni Tiatila yaaba, yaaba n sieni kaa ŋoadi laa bangima, kaa bandi Sutaani ŋasiili, nani ban yi ba maama n yedi yi: N kan tuni yi tugitoali, 25 kali yin yaa kubi yin kubi yaala bonŋanla, hali min baa cua. 26 Yua n koani mi jama ki paadi, ki kubi n tuona hali mi juodima, n baa dini o li bali, wan yaa die i nibuoli. 27 O ba ti yaa gobidiba leni ti kudi yaa badi- gbianu, nani ban mudi ti tandi tiadi maama yeni. nani mini n ba, min ba li bali n Baa kani maama yeni. 28 n go ba ti pa o ki taŋaŋmabiga. 29 Yua n pia a tuba, wan cengi mi Fuoma n tua Kilisiti n yini yaaba nitaana yaala.