¹ Bi den pundi nepo ya boanjaali,jelasa diema nni. ² Jesu n den ǹani ku ǹinbiagu nni ,o joa den ǹani a kakula nni ki cua o nintuali ki pia a cicibiada o ni nni. ³ Laa joa den ye a kakula nni oba kuli kan den fidi ki loli o,baa leni i kuseseli . ⁴ Yenma yenma o den luo leni i kuseseli o taana kani,oba kuli ki den pia ya gbamanu n ba fidi ki sieni o. ⁶ O yen ye akakula nni leni a juana nni u yesiinu leni ku ǹiagu kuli ki kuuda ki ja o yuli leni a tana . ⁵ Wan den laa Jesu foagima,o den sani ki cua ki gbaani o nintuali ⁷ Oden kpaani boŋanla :bee n ye mini leni fini siiga ,Jesu tanpojoma Tienu bijoa ?n mia ŋa U TIENU po ,da yagi n yama . ⁸ kelima Jesu den tua o: ǹa o naa joa nni fini ki cicibiadiga ne . ⁹ O den buali o a yeli yi lede? o den guani ki yedi o n yeli yi ti yaba kelima ti coali yabi. ¹⁰ O den miadi Jesu ke wan da ǹani o laa tinga nni. ¹¹ Li juali den ye likani ke u duokulu kpaa li kani . ¹² a cicibiada den miadi o ki tua soani ti u duokulu nni ,tin ban kua u ni nni . ¹³ O den tuo ban yedi yaala .A cicibiada den ǹana ki kua u duokulu nni, ke u duokulu den jaligi ki ŋoadi mi tibidima ki ban kua mi ñincianma nni bi coali den bua ki pundi tudalie(2000),bi kuli den mili mi ñincianma nni. ¹⁴ yaaba n den kpaa ba den sani ki ban waani i labaali i dociami leni a dobila nni.bi nibaden gedi ki ban la yaala n den tieni . ¹⁵ bi den pundi Jesu kani ki la ki cicibiadiga n den ye yua ya ni nni ke o ka ki yie o tiadi ki go pia o yama ke ti jawaandi den cuo ba. ¹⁶ Yaaba n den la yaala n tieni kuli den togidi ba yaala n tieni ki cicibiadiga n den die yua leni u duokulu. ¹⁷ Lani yaa po bi den miadi Jesu ke wan ǹa bi tinga nni . ¹⁸ Wan den ba kua ku ǹinbiagu nni ,a cicibiada n den die yua den mia Jesu n cedi wan ya ye leni o . ¹⁹ Jesu den yie o po,ama o den yedi o :gedi a denpo, a niba po ki ba waani ba o diodo n tieni a po yaala leni wan gbadi a po ya niǹima . ²⁰ O den gedi ki ban waani Jesu n tieni o po yaala dekapola dogu nni .Bi niba kuli den ye leni li pagili. ²¹ Jesu den kua ku ǹinbiagu nni ki guani ki duodi ki gedi nepo ya boanjaali ,ya niligu n yaba den taani o kani.O den ye mi ǹincianma kunu. ²² Lanwani li balimaama bangikaaba diena yudanba siiga yendo ke o yi jayulisa n den la Jesu o den gbaani o taana kani ²³ ki mia o boncianla ki yedi :n bisalo yia ŋali ki bua ki kpe , cua ki maani o po a nii ke wan paagi ki ya ye. ²⁴ Jesu den yegi leni o .Ya niligu n yabi den ŋua Jesu ki miabi o . ²⁶ Li den pia ya pua ke o soama wuliti ŋali piiga n bina lie . ²⁵ O den la fala boncianla a lotola nu nni ,o den biani wan den pia yaala kuli,ama leni lankuli laa den tungi o po li den biagidi ki go pugidi. ²⁷ Wan n den gbadi ke bi maadi Jesu maama,o den cua ku niligu puolipo ki sii o tiayiekaadi . ²⁹ Kelima o den tua n ya fidi ki sii o tiayiekaadi bebe n ba paagi. ²⁸ Lanyogunu mi soawulima den sedi.O den bandi ke o faabi leni o yianu. ³⁰ Jesu moko den bandi ke u paalu ǹani o ni nni ;o den jigidi ki noanli ku niligu ki yedi: ŋmee n sii n tiayiekaadi? ³¹ o ŋoadikaaba den yedi o:A nua ku niligu n miabi a maama,ke a go yedi ŋmee n sii nni? ³² o den diidi o gaanilindima ki ba le yua n tieni la. ³³ O pua den jie ki digibi,ki bandi yaala n tieni o ni nni,o den cua ki gbaani o taana kani ki waani o i moamoani kuli. ³⁴ Ama Jesu den yedi o: n bisalo a dandanli faabi a ;gedi leni mi yanduanma,a yianu n gbeni a po. ³⁵ Wa n den maadi ya yogunu li balimaama bangima dieli yudaano niba den ǹani o denpo ki cua ki tuogi o ki yedi o:A bisalo kpe be ya po ke a yagini canbaa yama? ³⁶ Ama Jesu ki den cengi ban maadi yaala o den yedi li balimaama bangima yudaano: ŋan da jie liba,daani bebe ³⁷ .waa den tuo o ba kuli n yegi leni o li ya ki tie Pieli bi Jaka leni Jan,Jaka waalo. ³⁸ Bi den pundi li balimaama bangima yudaano deni,Jesu den la yaa niligu n yaba ke bi tianba buudi ki kpaani boncianla. ³⁹ O den kua ki yedi ba:Be yaapo ke yi tiendi bu lanbu,be yaapo ki buudi?ki biga naa kpe ama o goa ⁴⁰ .Bi den ǹuadi o.Lanwani o den ǹani bi niba kuli ki taa ki biga baa leni ki biga naa leni yaaba n den yegi leni o ki kua ki biga n den ye naani. ⁴¹ O den cuo ki biga yeni nuu ki yedi o:talita kumi,lani n bua ki yedi:O jafaano n yedi a fii . ⁴² Lanyogunu o jafaano den fii ki cili ki cuona; kelima o den pia piiga n bina lie.Li pagicianli den cuo ba. ⁴³ Jesu den teni ba li ǹoabonli ke ban da waani o ba kuli ya ntieni; o den yedi ke ban pa o jafaano yeni wan je