¹ Dana ba n den pendi ,Jesu den guani kapenayuma dogu nni .Bi den gbadi ke o ye denpo, ² ku niligu den taani ki yabi maama hali ke yaa fanma n ye u luolu nni kan den fidi ki ga ba bikuli.Jesu den wangi u TIENU maama ³ Ku niligu den cua o kani,bi ni nni niba naa den tugi yua ya gbannandi nkpe. ⁴ Ku niligu den yabi maama ke bi kan fidi ki pundi okani,lani bi den doni ki cibi wan ye yaa dieli po ki kuani o leni oduanu. ⁵ Jesu n den laa ban pia ya dandanli,o den yedi yua ya gbannandi n kpe:N biga a baa a tuonbiadi sugili ⁶ . Li bali maama bangikaaba yaaba n den ka likani den diidi bi yaba ki tua: ⁷ O joa na maadi lede ?O sugidi u TIENU.Hee n ba fidi ki pa sugili ti tuonbiadi po li yaa ki tie U TIENU yaka. ⁸ Lanyogunu U TIENU fuoma den doagidi JESU po ban den maliti yaala bi pala nni,ke o yedi ba :Be ya po ke yi pia ya yankpaaga n yene yi pala nni? ⁹ JESU den guani ki yedi ba bee n faala ki cie ki yedi yua ya gbannandi n kpe a baa a tuonbiadi sugili bi fii ki taa a duanu ka cuona ¹⁰ Ke yin fidi ki bandi ke o Joa Bijoa pia li bali ki pa ti tuonbiadi sugili li handunli nni ¹¹ , n yedi yua yaa gbannandi n kpe yeni ,fii ki taa a duanu ki ya kuni a denpo. ¹² Lanyogunu o den fii ki taa o duanu ki cuoni ku niligu kuli nintuali ke li pakili cuo ba ke bikuli kpiagidi U TIENU ki tua ti daa bi kpa maani ki laa ya bonla n tie na. ¹³ JESU go den ñani ki gedi mi ñincianma kunu.Ku niligu kuli den cua o kani ke o bangiba ¹⁴ . JESU n den pendi o den laa Alife bijoa Lefi ke o kaa ki gaani li lubili ke o yedi o:Fii ki ŋoadi nni.Lefi den fii ki ŋoadi o. ¹⁵ JESU n den kaa u saajekaanu kani Lefi diegu nni, bi lubigaaba leni i tagibiadi danba kuli den taani ki kaa u sajekaanu kani leni JESU leni o ŋoadikaaba; kelima ku niligu den yabi ki go den ŋua JESU . ¹⁶ Li bali maama bangikaaba leni falisieninba n den laa ke o di leni bi lubigaaba leni i tagibiadi danba,bi den yedi o ŋoadikaaba: Bee ya po ke yi taa ki di ki go ǹu leni bi lubigaaba leni i tagibiadi danba? ¹⁷ oJesu n den gbadi laa maama o den yedi ba :Laa tie yaaba n pia li laafiali ka bua logitoli kali yaaba n yia.Mii cua bi niteginkaaba po ka ama ti tuonbiadi danba po. ¹⁸ Jan ŋoadikaaba leni falisieninba den luo a ǹoana.Bi den cua ki yedi Jesu be yaa po ,ke jan ŋoadikaaba leni falisieninba luo a ǹoana ke a yaa ŋoadikaaba wani naa luo ? ¹⁹ JESU den guani ki yedi ba: naani o pocaano calo danlinba baa loli bu ǹoabu ban taa ki ye leni o pocaano calo yaa yogunu?Ban taa ki ye leni o pocaano calo yaa yogunu bi kan loli bu ǹoabu. ²⁰ A dana kpendi ke o pocaano calo baa ǹa bi siiga,laa yogunu bi baa loli bu ǹoabu. ²¹ Obakuli kan taa li cabipanli ki biini li liadikpeli ; o yaa tieni yeni li cabipanli baa taa li cabikpeli boagidiyenma,yeni mi toadima ba yaa bia ki cie. ²³ Danyenli mi fuodima daali Jesu leni o ŋoadikaaba den poandi ŋalikama kuanu nni ke o ŋoadikaaba den jobidi ŋalikama siandi. ²⁴ falisieninba den yedi o:Diidi, be yaa po ke a ŋoadikaaba tiendi yaala n kua mi fuodima daali? ²⁵ Jesu den guani ki yedi ba naani yii cogi Dafidi n den tieni yaala yaa yogunu ke wani leni o yegininlieba den coagi ki ye leni mi koma, ²⁶ o den kua U TIENU diegu nni , li den tie o kopadiciamo Abiata yogunu ki ŋmani ya dupen n gagidi ki teni o yegininlieba ,ba ke li den kua nitoa n ŋmani laa dupen li ya ki tie bi kopadicianba ya ka ²⁷ Lani o den yedi ba mi fuodima daali ye o nisaalo po yo ,ama o nisaalo ka ye mi fuodima daali po, ²⁸ lanwani o joa bijoa n die ba mi fuodima daali.