¹ Limiali Diedo den teni Amitayi bijua Jonasa o ñoabonli ki yedi : ² Fii ki gedi Ninife doguciamu nni, ki ban kpaani ki fu leni u nuba! kelima bi biadima pundi hali n kani. ³ Ama Jonasa den fii ki sani ki gedi Talisisi, ki bua ki fuagidi leni limiali Diedo. O den pundi Jafo,ki baa yaa ñinbiaciangu n caa Talisisi, o den pani ku panpaani ki den yegi leni yaaba n den caa Talisisi yeni ki bua ki fuagidi leni limiali Diedo. ⁴ Ama limiali Diedo den teni ku tafabiadigu fii mi ñincianmi yeni niini, ku den fiigi hali ku ñinbiaciangu yeni den lingidi ki bua ki mili. ⁵ Ku ñinbiaciangu yeni danba den jie , ke yua kuli ji den jandi ki miadi o tienu todima. bi go den luni, ku tuga kuli mi ñincianmi nni, ki bua ku n yuagi. Jonasa den jiidi ki kua ku ñinbiaciangu yeni tugu nni ki gua bonŋanla. ⁶ Yua n den kudi ku ñinbiaciangu yeni den nagini Jonasa kani ki yedi:bee yaa po ke a goa? amo n fii ki mia a yaa tienu! li fidi ke, won tiadi ti po tin da bodi. ⁷ Bi go den tua, cua mani tin biigi gi bandi yua n cuani tipo yaa fala n yene! ⁸ Lan wani bi den yedi o:fini n cuani ti po yaa fala yene,a tuonli tie bee ? a ñani lee? a tie mi laa diema yua yo? a tie bee nubuolu yo? ⁹ O den goa ki yedi ba : n tie Ebulu buolu, n go pia Limiali Diedo tampoli Tienu po li fangili,wan yua n tagi mi ñincianma leni ki tinga. ¹⁰ Ti jawanciandi den cuo bi jaba yeni, ke bi den yedi o :bee yaapo ke a tieni laa bonla? bi jabi yeni den bandi ke Jonasa den tiini Limiali Diedo ki bua ki foagidi leni o kelima o den kaadi ki waani ba . ¹¹ Bi den buali Jonasa : ti nan baa tieni ŋa lede, mi ñincianmi nne n duani tipo , kelima mi den lingidi ki pugidi. ¹² Jonasa den guani ki yediba : taa mani nni ki lu mi ñincianmi nni, lan tie man duani yipo suo; kelima n bani ke mini yaapo n cuani yipo laa tafaciangu. ¹³ Bi jaba yeni den kudi ki bua ki pundi li boanjaali , ama baa den fiidi kelima mi ñimi yeni den lingidi boncianla ki pugidi bi po. ¹⁴ Lan wani bi den taani ki yini liamiali Diedo , ki yedi: oo limiali Diedo, ŋan da bolinti kelima yaa jua yene po , da tuni ti o jua yua n kaa tieni ti li baa yaa tagili. ¹⁵ Li puoli bi den taa Jonasa ki luni o mi ñincianmi nni, lani mi ñincianmi yeni fuugu den sedi . ¹⁶ Bi jaba yeni den jie limiali Diedo boncianla, ki bi den paadi li paadili limiali Diedo po. ¹⁷ Limiali Diedo den teni ke o janciamo den cua ki nali Jonasa,Jonasa den tieni o janmo yeni tugini yensiinu leni ñiadi taa.