¹ Fesitusa n den cua laa dogunni , da na taa puoli , o den fii ki ñani cesale ki gedi jelusalem. ² Bi kopadicianba yudanba leni jufinba nikpela , den cua o kani ki wani o ban pia ya mama leni polo.Leni ki nanga yantiali. ³ Ki den miadi o , ki go tigini o wan ŋanbi bipo , ki cedi polo cua jelusalem.ama bi den pia li djagibiadili , ki bua kpa o u sanu ni. ⁴ Fesitusa den yedi ba , ke bi kubi o cesale ,ke wani o ba , mo ba guani lipo likan waagi. ⁵ o den yedi ba , yiniini ya pia nikpela n pia ban kuti o yaala , ban cua tin gedi. ⁶ Fesitusa , naa den kali , bi siiga yala cie dana nii li dana jiiga , ki den lebidi goani cesale.lan den fii fa wan den ka u bujiakaanu , o den yedi ke ban cuani polo. ⁷ Wan n den cua . Jufinba nikpela yaaba n den ñiani jelusalem den lindi o , ki kuliti o leni li bonla boncianla yaala n bia , ki nan kan fidi ki doagidi ke li tie moamoani. ⁸ polo den cili ki maadi biba ga o yuli ki yedi mii tieni yala bia jufinba po , bi U Tienu diegu po , bi o bado sesa po. ⁹ Fesitusa n den bua mangi jufinba pala , den yen polo: A bua ki gedi jelusalema leni , nni , ban ba jia ti buudi n nintuali laa bonla kuli po? ¹⁰ Polo den yedi: n se sesa bujia kaanu kani , nanin pundi ban jia buudi , mii tieni tagili ba jufinba po , nani ŋan bani la , maama bonŋanla. ¹¹ N ya bi tieni tagili biadi ke pundi kuuma , n kan yie ki kpe , ama ban kulidi nni yaa la yaa tie faama , o ba kuli ki pia ya sanu n taani ki teni ba .n bua n buudi n tieni sesa po. ¹² Fesitusa leni o nijuoginkaaba n den juogi ki gbeni laa maama po. o den yedi ke a bua a buudi n tieni sesa po , to , lanwani o ba gedi sesa po. ¹³ Dana wamu n den pendi , o bado agilipa leni belenisa den cua sesale ki ba fuondi fesitusa. ¹⁴ nani ban den tieni dana wamu , Fesitusa den waani o bado yeni polo maama fuuli ki yedi: ja yendo ye li kadi dieli nni, ne , ke felisi n fii ki ŋa o. ¹⁵ M=in den gedi jelusalema , bi kopadicianba yudanba leni jufinba nikpela den maadi nni o maama ki mia ke min jiaa o buudi ki teni ban kpa o. ¹⁶ n den waani ba , ke laa tie loma yaaba bogida nni ki teni o nilo ban kpa o , ke waa baa ki maadi yaaba n kulido nituanli ki gaa o yuli. ¹⁷ Lani bi den cua ne , mii den waagi , lan den fii fa , n den kali n bujiakaanu , ki den teni ke bi cuani o joa yeni. ¹⁸ Yaaba den kuliti o n den sedi ki togidi , baa den fidi ki togidi ki waani , min den tama ke o pia ya tagili. ¹⁹ Bi den nia leni o , ya maama n nua leni bi jaanma sanŋoadima fuuli leni yaa nilo n yi Jesu , yua n den kpe , ke o mo tua ke o fo. ²⁰ Min ki den bandi , min baa jaa li maama , maama , n den buali o , o ya bua ki gedi jelusalema ban, ban jiaa o maama lanpo. ²¹ Ama , nani wan den yedi , ke o bua ke o buudi n gedi sesa o badiciamo po yeni , lanwani n den teni ke bi gu o li kadi dielini , kali min ba fidi ki gedi nni o sesa po. ²² Agilipa den yedi fesitusa: N moko bi bua ki gbadi o joa yeni maama . Fesitusa den yedi o , saala a ba gbadi o maama. ²⁴ Lan den fii fa,agilipa len belenisa den cua ki kua u buujiakaanu leni ti kpiagidi, leni a minteela yudaano, leni u dogu nikpela. festisa den teni ke bi cuani polo. ²³ lanwani festusa den yedi: O bado agilipa leni yinba yaaba n ye ne leni ti kuli. i nua ke ya joa tene yaapo ke jufinba kuli, yaaba n ye ne leni jelusalema kuli taani ki tua ke laa pundi wan go ya ye leni miali. ²⁵ Mini yaapo, mii den laa ke o tieni yaa tagili n pundi ban kpa o, ke wani o ba mo den mia ke o bua ki gedi o badiciamo sesa po. n den bili ke n ba gedini o. ²⁶ Mii pia min n baa diani yaala o maama po, ki soani o badiciamo po. lani yaapo yo ke n teni ke bi cuani o fini obado agilipa nintuali, leni yinba kuli nintuali. yeni ti kuli yaa taani ki biigi o, min baa, min baa diani yaala. ²⁷ Kelima n sua ke li tie yanfoluoma yo ke min soani ki kadi-biga, kaa waani ban kuli o yaala.