¹ Mini Polo Jesu kilisiti n sua yua otienu yanbuaminni ke min ya wangi , ya ŋoanianu n pia limiali Jesu kilisiti nni . ² n diana fini Timote n bi buadiga ,ke otienu ti ba leni Jesu kilisiti ŋanbili leni O ninhingbadima , leni oyanduanma n ya ye leni ŋa . ³ ntuondi utienu ti yajanba n den suani yua ya po , ke n moko go tuuni O po leni liyantia hanli . yoguni kuli yensiinu leni ñiagu n tiadi a po i jandi nni. ⁴ ki tiadi a ninsiidi po ,ki sugini ki lee ŋa n paali n mangi . n go tiana ŋan pia ya dandanmoanli a niini ,yaalin den ciili ki ye a yaa lowisa leni a na yunisa niini, ⁵ kin n go dugi cuain ke li yee a niini . ⁶ lan ya po n tundi ŋa ,ŋan ya tigi yaa ŋanbili paabu ke a den baa ya yoginu ke n den maani a po n ni . ⁷ kelima utienu naa punti juwaandi fuoma ka ,ama ya fuoma npia u gbamanu ,mi buama , leni miyanfuoma . ⁸ ŋan da jie fee kelima ŋan ba waani ya siedo Odiedo po leni mini yua n tie O kadibiga po . ŋan taani yeni nni laa falani , o laabaali ŋamo po . ⁹ Leni utienu paalu yu n den faabiti , ki go yinti ya yiinu ngagidi , ki laa tie ti tuonŋama po ka . ama o yan buama leni O ŋanbili po yo .yaali ke ti den ba Jesu kilisiti niini hali ke ŋanduna daa tagi . ¹⁰ ke jii doagidi moala ti po kelima Jesu kilisiti ti candaano cuami po .wan yua n biidi mi kuuma paalu ,ki doagidi ya miali n kan gbeni yaa laabaali ŋamo . ¹¹ laa laabaali ŋamo ya po yo ,utieni den puoginni ke min tua tondo leni bangi ka . ¹² Li go tie lan kuli yaa po yo, ke n laadi fala ama fee naa pia n ni ,kelima n bani min daani yua . n bani cuain ke O pia ya paalu ba kubi O pianli n niini . ¹³ ŋan kubi ya dandanli leni yaa buama ye Jesu kilisiti nni, ŋan den gaa n kani ya mamoanma ke mi tie nananmoanli . ¹⁴ u tienu fuomi yua ,yuan ye ti kuli niini n todi ŋa ŋan kubi Opianli. ¹⁸ A bani yaabi n ye leni nni Asi diema kuli ŋaani ,bi siiga : Fijela leni Elimojela . ¹⁶ N miadi O tienu ninñingbadima n jiidi Onisifola diegun ni kelima wani n yen baagidini min den luo li kadidielinni . oo go den jie fee kelima li po. ¹⁷ wan den cua Loma ya yogunu ,o den tieni a nia ki lingi nni hali ki ban laani . ¹⁵ O diedo n gbadi o po mi ninñima O gua cua daali. kelima a bani ki cie yua kuli ya todima ke o den todini wan den gedi ki ban laa nni Efesa .