¹ Mini o nikpelo , n diani ŋa cannaa li naa tili , fini utienu n gandi yua leni ŋa bila n bua kaaba imoamoanini . laa tie mini baba kaa ama yaaba n bandi i moamoani moko bua yi . ² Ti bua yi, kelima imoamoani ye ti niini . i go baa yaa ye ti niini o yogunu kuli . ³ Utienu ti Ba leni Jesu Kilisiti,Ba Bijua ŋanbili ,o ninñingbadima leni o yanduanma n ya ye leni i moamoaninileni mi buaminni . ⁴ N pali den mangi boncianla kelima n den laa a bila bi tianba cuoni i moamoaninni ti ba Utienu n teni ti yaa balimaama . ⁵ moala min miadi ŋa yaala cannaa , li tie tin bua ti lieba.laa balimaama naa tie boncanma kaa , ama hali mi cilima mi den ye. ⁶ Mi buama tie tin yaa cuoni nani wan bili ti po yaa balimaama . i baa cuoni laa balimaama yaa niini nani mi cilima yin den bangi maama . ⁷ kelima yaabin tulundi bi niba yabidi ŋandunanni . bani kaa tuo ke Jesu kilisiti den cua ŋandunanni leni ti gbanandi. ⁸ yaa nibuolu n tie yeni tie nitulunnka leni yua yie kilisiti. Yin yaa faami yi yula , ki da biani yi tuona bonluonkaala, ama ke yindi faa ki gaa yi panpaani. ⁹ Yua n suagi liiga , ki na ye Klisiti yaa bangiminni kuli waa bani Utienu . ¹⁰ Ama yua n se laa bangimi yaa niini , o pia Ba leni Bijua . yaa nilo n cua yi kani ki naa kubi kilisiti bangima yin da ga o cangu yin da go biali o . ¹¹ Kelima yua n biali o kulo taani lini o o tuonbiadanni. ¹² N go bi pia maama boncianla kibi bua ki diani yi , ama n kan diani yi leni u tidianmuanu, kelima n sugini ki bi cua ki lee yi , ki boe leni yi lani n tie ti kuli paala n mangi bonŋanla. ¹³ Akpiilo ya pua ke Utienu gandi yaa bila fuondi ŋa.