¹ Mini polo , Jesu Kilisiti tondo kelima U tienu yanbuama po , leni ti kpiilo Timote , ti taani diani yinba Utienu nitanli yaaba n ye Kolinta , leni Utienu nigagidiŋanba yaaba n ye Akayi diema nni kuli . ² Utienu ti ba leni Jesu Kilisiti ŋanbili leni Oyanduanma n yaa ye leni yi. ³ Utienu n baa ti kpiagidi wani yua n tie Jesu Kilisiti ba , mi ninñingbadima ba leni i baagi kuli yaa ba . ⁴ Wani n baagiti falabuolu kuli n ni ke ti moko n tua baagi kaaba yaaba n ye fala tiamo nni leni tin ba yaa baagi Utienu kani . ⁵ Nani tin laadi yaa falaciamo kelima kilisiti po n yaba maama yeni , tin baadi yaa baagi Kilisiti kani moko yabi ki da yene . ⁶ Ti yaa laadi fala li tie kelima ti bua yin paagi yi ba mi tindima ya sanun ni , ti yaa baadi yi baagi li tie ke yi moko n ba i baagi , li tie yin baa li juunli li yaa tie ke yi moko laa tin laadi yaa fala . ⁷ Ti pala pa yi po boncianla kelima yi yaa tuo fala , i baagi moko baa tua yi biinu . ⁸ N kpiiba li tie ke tii bua wuoni li ba kuli leni tin laa yaa fala biado Asi diema nni . laa fala biado den kpiagi ki pendi ti fidu banlu hali ke ti den taama ke ti kaa pia miali. ⁹ Ti den nua cain nani bi tianba , ke ti kuumi yogunu pundi hali ke ti den bangi ke ti kan yaa dugi ti yucela po ka ,ama ti baa yaa dugi Utienu po wan yua fiindi a tinkpila . ¹⁰ Wani n den faabi ti , ki go baa faabi leni laa kuubuolu . ti tama ke O go baa faabi ti. ¹¹ Yinba yi moko n yaa todi ti i jaandi nni, yaa niba kaa wa tuondi Utienu leni O ŋanbili ti po kelima niba boncianla den jandi ti po . ¹² Kelima tin pia yaa jigidi tie ke ti pala siedo doagidi ke ti ye ŋanduna nni leni yaa tagu n gagidi leni yaa yantugupiengu n ñani Utienu kani . yaala n cie mo n tie ke ti tagu den tie yene yi siiga . tii den pia laa tagiŋamu kelima o nisaalo yanfuoma po ka , ama li tie kelima Utienu ŋanbili po . ¹³ Tii diani yi po bontoala kaa tie yin cogi yaala ki go ban yaala . n sugini yin bandi la ki pugini hali ki ban bandi cain . ¹⁴ Nani yin bandi waamu maama ,ke ti yi jigidi nani yi moko n ba ti tua maama O Diedo Jesu cuama daali . ¹⁵ Min den bandi cain ke li baa tie yene yi po , lan yaa po n den jagi ke n baa cua i kani lani n tie yin baa li ŋanbili ki pugini . ¹⁶ N bi bua ki tagini yi kani ki yuandi ki suagi Maseduana diema nni . n yaa gedi Maseduana ki guani yi kani , yin ciani nni min gedi Jude diemanni . ¹⁸ Min den bua ki tieni maama yeni , naani li tie ke mii nuanli la bonmoanli bii? bi min jagi maama yeni tie nisaali yanjagili yo? ke n niini pia yantiana lie «nm» leni «aa» a . ¹⁷ U tienu tie siedi ke tin den waani yi yaa maama yeni , naa den tie «nm» ki go tie «aa a». ¹⁹ Mini leni Silivin leni timote n den wangi yi yua yaa maama yeni lan tie Jesu Kilisiti Utienu bijua naa tie «nm» ki go tie «aa a» . ama «nm» bebe n ye O kani . ²⁰ Kelima Utienu ŋoanianu kuli «nm» bebe n ye . wan yaa po yo ke ti gani «amina» O yeli kpiagidi po . ²¹ Yua n teni ke tinba leni yinba se ke pa Kilisiti nni tie Utienu wani yua n go gandi ti . ²² O go den tieni ti po O maalima , yaa maalima n tie Utienu Fuomi yua ti pala nni . ²³ Utienu tie n siedo , ke mii pua faama li yaa tie moamoani won ta n miali ; mii den guani ki gedi Kolinta , kelima mii den bua ki cuagi yi . ²⁴ Laa tie ke tinba gobidi yi dandanli ka , ama li tie ki todi yi yin yaa pia li pamanli kelima yi se ke li pa li dandanli nni .