1 n buakaaba , yin da dugi mani yaaba kuli n tua ke bi pia Utienu Fuoma po , ama yin biigi la ki bandi bi yaa tie Utienu yaaba . kelima bisawali pua - fadanba boncianla cua li ŋandilinni . 2 line ba teni yin bandi yua n pia Utienu Fuoma , yua n tuo ke Jesu kilisiti cua ki tie nisaalo kuli pia Utienu Fuoma . 3 yua n nia kaa tuo Jesu kuli , waa pia Utienu fuoma , ama o pia kilisiti - yeka yama po . nani yin den gbadi ke yua baa cua yeni , baa moala o ye ŋanduna nni . 4 yinba a biwaala , yi tie Utienu yaabe ! yi paadi ba , kelima yua ye yi ninni , paalu cie yua n ye ŋandunanni . 5 ban woni , tie ŋanduna yaabe , lani teni ke bi maama tie ŋanduna yaama , ke ŋanduna yaaba mo cengi ba . 6 tinba wani tie Utienu yaabe , yua n bani Utienu kuli cengi ti maama - yua kaa tie Utienu yua mo kan cengi ti maama :lani n teni ke ti bani imoamoani fuoma leni mi tuofaama gagidima . 7 n buakaaba , tin ya bua mani ti yaba , kelima mi buama ña Utienu kane , yua n pia mi buama mo kuli , Utienu n mali o , ke o bani Utienu mo . 8 yua kaa pia buama kuli , naa bani Utienu , kelima Utienu tie buama. 9 Utienu den doagidi ti po o buama , kelima o den soani o bonjayenyenga ŋanduna nni ke tin yaa pia li miali o ninni . 10 mi buama naa tie ke tinba ka bua Utienu , ama ke wani n bua ti , ki soani o Bijua ke o tua i candanbaani padili ti ya tuonbiadi po . 11 n buakaala , Utienu ya bua ti yeni , li pundi ti moko n bua ti yaba . 12 o ba kuli daa la Utienu , ama ti ya bua tiyaba , Utienu ye ti niinni , ke o buama mo dagidi ti niini cain . 13 ti bani ke ti ye o niinni , ke o mo ye ti niinni , kelima o puni ti o fuoma . 14 tinba wani la , ki tieni siedi , ke baa soani o Bijua ke o tie ŋanduna candaano . 15 yua n tuo ke Jesu tie Utienu Bijua kuli , Utienu ye o niinni , o moko ye Utienu ya niinni . 16 tinba wani bandi Utienu n pia ya buama ti po , ti dugi mi po mo . Utienu tie buama , yua nye li buama nni kuli , ye Utienu nni , ke Utienu moko ye o niinni. 19 tinba wani , ti bua o kelima wani n den kpa bua ti . 20 yua n tua: ke o bua Utienu , ki nan nani o kpiilo , tie tuofadaano , kelima yua n ki bua wan n nua o kpiilo yua , baa ga lede ki bua Utienu , yua ke o nua ? 21 ti baa o kani ya balimaama n tie na : li pundi ke yua n bua Utienu , n bua o kpiilo moko .