¹ Laa dana siiga Jesu ŋɔdikaaba bo pugdi pugdi,k Heleniti jufinba bo fii k yie Ebliba yaaba po ,pakuano bo ki laadi mi jiema . ² Jesu tuonsɔnba piiga n bonmilie yeni bo yini bi ŋɔdikaaba ki yedi bi : «laa dagdi ti ŋa u Tienu maama ke ya bɔgdi mi yema. ³ N naataani lugdi mani i siiga nni niba lele yaaba pia ti kpiagdi ki gɔ gbie yeni mi yanfuonma ke ti ba fidi ki teni ba li tuonli. ⁴ tima wani ti ba guani ki tugni ki ya jaandi yeni u Tienu ñɔmaama .» ⁵ Bi laabaalo bo mangi yaaba n bo taani kuli po .Yeni ke b bo lugdi Etieni o ja yua gbi yeni tu dugdi yeni mi yanfuonma, yeni Filipi ,Prokori,Nikanɔri ,Timɔn ,Parmenasi, yeni Nikola yua lebidi bi niba pala Antiosi. ⁶ Yaaba gaa u tienu ñɔmaama bo kua yeni li niba jesu ŋɔdikaaba kani ke bi jaani ki gɔ maani i nui b po. ⁷ Yeni u Tienu maama bo yadi kaan kuli ke bi ŋɔdikaaba bo pugni Jerusalemi diema nni . ⁸ Etieni bo gbie yeni ŋalbaligi yeni u paaciamu ki tiendi mi banciama boncianla ke li pia mi yaalidma bi niba siiga nni . ⁹ Ama ya niba n bo tie Sinagɔg nni yaaba ke b yi bi Sirenian yeni Alesandrian nba yaaba pia mi yaama yeni Silisi yeni Azi bo fii.Li niba bo pagi yeni Etieni. ¹⁰ Ama b bo kan fidi ki sedi Etieni nunga nni yua gbie yeni u Tienu paalu ki maadi mi yanfuomaama. ¹¹ Li puoli po ke b wuoni lebidi b niba pala ke bi maadi: «ti gbadi ke Etieni ñani a ñɔbona ki sugi u Tienu yeni Myiisi. ¹² ke suadi b niba ,a nikpela yeni a gbandianla ke b cendi Etieni ki cuo o ki gedi yeni o b ceglikaaba kani. ¹³ B bo baa yeniu faagu siedanba ke b maadi : «O ja ne li maadi ki sugdi u kaanŋanmo ne yeni yikodi. ¹⁴ Kelima ti gbadi k yedi ke naazareti jesu ba mudi u kaanŋanmo ne k gɔ lebdi balmaama tunda. ¹⁵ Ke ya niba kuli bo kali i celi tema bo cini a nubina o po i ki la k o nunga tie nani meleki yeni.