Sura 6

1 I fo no iri ga ne binde? Iri ma soobey ka zunubi te za ma gomni ma baa no? 2 Abada, iri kan bu zunubi se, mate no iri ga te ga funa ra koyne ? 3 Wala aran mana bey kan iri kulu kan i na baptisma te iri se Yesu Almasihu ra, a buuyono ra no ina baptisma din te iri se? 4 Yaadin gaa baptisma do no i niri fiji a banda buuyan ra. Zama sanda mata kan cine Irikoy na Almasihu tunandi ka kaa buukoy game ra baabo darza do, yaadin no iri mo ma iri gorey te fundi tajo ra. 5 Zama da iri margu nda Almasihu ka bu a banda misa ri, yaadin gaa iri ga margu nda a tunyono ra mo. 6 Iri ga bay kan Irikoy niri boro zeena kanji Almasihu banda, zama a ma zunubi gahamo dabaro halaci , hala irir ma si ye ga bara zunubi tamtarey ra koyne. 7 Zama boro kan bu fun zunubi tamtarey ra 8 Amma za kan iri bu Almasihu banda, iri ga cimandi kan iri ga funa a banda mo. 9 Iri bay mo kan Almasihu kan Irikoy tunandi a ma fun buukoy game ra , a si ye ka bu koyne, buuyan sinda dabari kulu a bon. 10 Za kan a bu zunubi se sorro follon. Amma fundi kan a goono ga funa nda, a goono ga funa irikoy se. 11 Yaadin no mo: Waran bon laasabu buukoy yan zunubi se, amma fundi kooniyan Irikoy se Almasihu ra. 12 Yaadin gaa, wa si nan zunubi ma soobey ka koytara nwa aran gaahamey kan ga anniya ka bu ra, hala aran mi ibaay laaley gana. 13 Wa si aran gaaham jarey nooyandi mo zunubi se hal i ma ciya laala goy jinayyan. 14 Zama zunubi si ye ka koytarey nwa aran bon, zama aran si asariya cire, amma gomni sabbu cire no aran go. 15 Mate no binde? za kan iri si asariya dabaro ra, amma day gommi meyra ra, woodin se no iri ga zunubi te? Abada 16 wala aran mana bay kan bora kan se aran garan bon no sanda bannya yan aran maa gana se, aran yaa a bannya yan no, nga kan se aran gono ga may? da zunubi se no, a ga kande buuyan. Da gana yan se mono, a ga kande adiltarey. 17 Amma iri ma Irikoy saabu , baa kan waato aran te zunubi se bannya yan., soho aran na dondonandi yono dumi gana nda bine follon kan gaa i na aran talfi. 18 Irikoy naran fansa zunubi gaa karan ciya adiltarey se banya yan. 19 Ay go ga salam da boro misa gazeyao kan ga aran adam-ize daalalo gaa sabbey se. mate kan cine waato din aran naran gaaham jarey nooyandi sanda banya yan ziibi se, daa lalo se ka koy to laalo boobo teeyan ga, yaadin mono soho kala aran maran gaham jarey nooyandi i ma cia banya-yan adilitarey se ka koy to hanan yan gaa. 20 Zama waato kan aran goro bannya yan zunubi se, aran si adilitarey se tamtarey sanney ra. 21 Albarka fo dumi no aran du waato din hayey din ra kan soho i haawi gaono garan di? Zama hayey din kokora ya buuyon no 22 Amma soho kan Irikoy naran fansa zunubi ga, hala aran cia a se bannya yan aran gonda aran albarka ka koy to hanan yan ga. A kokoro mo fundi hala abada no. 23 Zama zunubi alhako ya buuyan no,amma Irkoy gomno nooyono ya, fundi hala abada no, iri Rabbi Almasihu yesu ra.