1 Ifono ir ga ne, ir Kaayo Ibrahim wo ga baasi do harey. 2 Da i na adilandi no do harey, a ga cia a se fomayan haray, amma manti Irkoy jine. 3 Zama ifo no sanno ci? " Ibrahim cimandi Irkoy ga , i na wodin ciya a se adiltarey." 4 Boora kan na goy te, ga du banando, manti danga gomni bo, amma danga a goyo banando. 5 Nda boro kqn mana goy te amma cimandi , bora kan ga taaliteri ciya adilante, a cimibero ga adilandi. 6 Yadin no Daouda na bina kana cabe, boro kan Irkoy ga adilandi kan manti goy do harey ga. 7 Albarkante boora kan i na a taaley yaafa, nda kan se i ga zunubi daabu. 8 Albarkante no bora kan no mo Rabbi si taali laasabu a se. 9 Bina kaani yonon din borey kan i dan bangu hine wone no, walla ba wookan i mana dan bangu? zama iri hine ir na Ibrahim adilandi agoyey do harey. 10 Mate no i na wodin lasabu nda? hala i ga danbangu no walla a bando no? i mana dan bangu jina. 11 Wodin banda a du alama kan ga ti adilitarey wono kan a du danbangu yonon do harey kan ga nan a ma du ga ciya borey kulu kan yan i mana dan bangu kan cimandi yan se Baaba, i ma du ka du adilitara din. 12 A ciya danbangantey se baaba, kan manti danbanguyan hine, i go ga dira baabo Ibrahim wone cimi bero fonda bon za wati kan i mana dan bangu. 13 Manti asaria do harey no Irkoy ne Ibrahim nda nga dumo ga ndunya tubu. 14 Zama nda asaria do harey no a na tubu, yadin ga cimiberi ciya yamo, alkawlo mo si hay kulu anse. 15 Zama asaria ga futay candi, zama nan kan asaria si taali mo si noodin. 16 Woodin sabey no alkawlo go cimberi ra, zama a bara gomni bon, kan ga nan alkawlo ma bangey i bandey mo se. Manti borey kan yan go asaria ra hine, amma hala nda borey kan yan gocimiberi ra Ibrahim iri kulu baabo do danga mate kan i na hantum nda. 17 Ay ni dan ni ma cia dumi boobo se baaba. Iri baabo no boro kan ga a cimandi jine, Irkoy, kan ga fundi dan buko gaa, nga kan a ce yonon ga hay kan sino te danga a goono. 18 Ibrahim na beeje dan ga cimandi, za beeje sino. Zama a ma du ga te dumi boobo se baaba, sanno kan i ci a bon ga ne: "yadin no a banda ga ciya." 19 A mana gaze nga cimibero ga baa kan gaahamo nganda buuko ga saaba, (zama a ga to danga jiiri zangu cine,). Wando Saratu mo gunda si hine ka ize gayi, zama gunda zenu. 20 A mana sikka nda Irkoy sanna, a mana te bonsandey mo Irkoy alkawlo ga. A na nga cimibero gaabandi ga Irkoy beerandi ga daarza no a se. 21 A goonda taabat diyan, kan da na alkawli sambu a ga tonandi. 22 Woodin sabey se no a na wone cimibero laasabu a se adiltarey. 23 Gune mo, manti Ibrahim hine maa ga no i na woodin hantum ga ne Irkoy na laasabu a se. 24 Amma ir bunbey sabey se no i na hantum, ir kan Irkoy na woodin laasabu ir se, ir kan go ga cimandi a ga, nga kan na ir rabbo Yesu Almasihu tunandi ga kaa bukkey game ra. 25 I na noyandin ir talley sabbey se. Irkoy na tunandi ir adiltareyon saabey se.