Sura 7

1 Wodin banda ay di Malayka taaci go ga kay andunɲa kambu taaca ga, I na andunɲa haw faaruyaŋ taaaca gaayi haw ma si faaru koyne andunɲa nda teeko nda tuuri ɲa kulu dumi boŋ. 2 Kulu ay di Malayka fo koyne, a go ga zigi wayna funay haray, Irikoy fundikoyo, hino wane seeda go kamba ra; A kaati nda jinda beeri Malayka taaca ga, wo kaŋ yaŋ du hini I ma andunɲa gurzugandim hala nda teeku harey. A ne I se: 3 Wa si taali te andunɲa nda teeku harey, nda tuurey se jina hala iri ma deeda dan Irikoy borey taŋey ga 4 Kulu ay maa boro marje kaŋ yaŋ du seeda, zambar zangu nda waytaaci cindi taaci, Israyla kundey wane izey ra 5 Yahuda kunda boro zambar way cindi hinka du seeda Ruben kunda boro zambar way cindi hinka du seeda Gad kunda boro zamabar way cindi hinka du seeda 6 Aser kunda boro zambar way cindi hinka Neftalia boro zambar way cindi hinka Manasa boro zambar way cindi hinka 7 Simeyon kunda boro zambar way cindi hinka Lawitey kunda boro zambar way cindi hinka Isacar kunda boro zambar way cindi hinka 8 Zabulon, boro zambar way cindi hinka Issufu kunda boro zambar way cindi hinka Benyamin kunda boro zambar way cindi hinka no du seeda 9 wodin banda ay guna kala nga ne ya boro jama’a nda jama’a kaŋ i si hini ga kabu, andunɲa laabey, nda kundey nda dumey nda ciiney kulu wano, I go ga kay koytara karga jine nda feeji izo jine, jabba kwaaray go I ga. Dabina kobto dumi go I kambey ra, 10 I kaati nda jinda beeri: « faaba go iri Koyo se, kaŋ ga go ga goro karga boŋ, a go mo feeji izo se.» 11 Malaykey kulu kaŋ yaŋ go karga windanta, nda arkusey nda takari taaca din, I sombu ga ngey mondu,mey naagandi laabo ga, karga jine, I na sujudu Irikoy se nda kaŋ I ne: 12 « Ameen, kukuyaŋ nda darza, nda lakkal kaŋay nda beeray, gaabi nda hini go iri Irikoyo se, zamaani nda zamaani, Ameen! » 13 Arkusey ra afo na sanno sambu, a ne :borey kaŋ yaŋ ga jabba kwaray go may yaŋ no, man no I funu? 14 ay tu a se ga ne : ya Rabbi, ni ga bay. A binde ne : «borey kaŋ yaŋ funu taabi beero do no. I na I wane jabbey ɲum, I na I kwaarandi feeji izo kuro ra. 15 Wodin se no I go no ga kay Irikoy karga jine ga may a se ciini nda zaari a jingara ra. Bora kaŋ go ga goro ga I dan nga hukumo cire, 16 Haray si ye ga I di koyne, jaw si I di, wayna mo si ye ga I kar koyne, nda ba dungay fotto. 17 Cimi no feeji izo kaŋ go karga game ga I saajaw, a ma kondey hari-zuray fundi wano do, Irikoy ga Mundey kulu tuusu I se.