Sura 15

1 Kala ay di beena ra alaama fo koyne, ibeeri kaŋ ga kaanu boro se: Malayka iyye kaŋ yaŋ go ga balawu iyye gaayi ngey kambe ra, kokorantey, zama I ngey no na Irikoy futa kubandi. 2 kala ay di teeku, danga butal himandi, kaŋ margu nda danji, nda borey kaŋ yaŋ zaama alman laala nda a himando boŋ, hala nda a mayo lambey. I go ga kay teeko bo kwaara boŋ, I gonda Irikoy mooley. 3 Kulu I go ga Mussa beyto te, Irikoy goyteero, hala nda feejiizo bayto kaŋ ga ne « Ni goyey ga beeri, I ga boori, Rabbi Irikoy hina kulu koyo! Ni cimi fondey ga saba dumey kulu koyo! 4 May no si hamburu, Rabbi, a si ni mayo zuga mo? Zama ni hinne no ga hanan, dumey kulu ga ka mo, I ga gurfa ni jine, zama ni jiitey bangay . 5 Wodin banda ay di goray fuwo do, jingara ra, seeda wano, I na feeri beena. 6 kala Malayka iyyey kaŋ yaŋ go ga balawo iyyey gayi fatta jingara ra nda lin bankaaray ɲalanteyaŋ. I cantey ga gonda wura guddamayaŋ. 7 Kala baafuna taaca ra afo na wura hangasiya iyye no Malayka iyya se, kaŋ yaŋ to nda Irikoy futa, kaŋ yaŋ ga funa zamaani nda zamaani. 8 Kala Irikoy fuwo to dullu irikoy darza nda a hino gaabo se. Boro kulu mana hini ga furo jingara ra, kala wati kaŋ Malayka iyya balawu iyya kubay jina.