1 « Wa si ciiti, i si araŋ mo ciiti. 2 Zama ciito kaŋ dumo araŋ te no i ga araŋ ciiti nda. Neesijo mo kaŋ araŋ ga neesi nda no i ga daŋ ga neesi araŋ se. 4 Koyne, ifo se no ni go ga guna subo kaŋ go ni ɲayzo moa ra, ni si no ga di bundu izo kaŋ go ni bumbo wano ra. 3 Mate no ni ga hini ga ne ni ɲayzo se : « Naŋ ay ma subuizo ka ni moyzey ra ‘, a gar kaŋ bundu ize go ni moyizey ra ? 5 Munaacifo ! bundu izo kaŋ go ni moa ra ka jina, kulu ni ga di ga boori, waato din ga, ni ma du ga subu izo ka ni ɲayzo moa ra. 6 Wa si hay kaŋ ga hanan no hansey se, wa si araŋ hiirey catu gursuney jine, da manti yadin no, i ga hini ga i kulu taamu-taamu, ga i ma bare ga araŋ pati-pati, ikayna. 7 Wa hã, i ga araŋ no, wa ceeci, araŋ ga du, wa kar-kar, i ga fiti araŋ se, 8 Zama boro kaŋ ga hã ga du, boro kaŋ ga ceeci mo g agar, bora kaŋ ga kar-kar mo, i ga fiti a se. 9 Araŋ ra boro go no kaŋ, da a izo na ŋwaarat buuru zanjarmi, a ga a no tondi ? 10 Wala da a na ŋwaaray hamisa, a ga a no gondi ? 11 Yadin ga, ba kaŋ araŋ ya boro laalo yaŋ no, araŋ ga waani ga hari hanno yaŋ no araŋ izey se, mate no araŋ baabo kaŋ go beene si hari hanno yaŋ no borey kaŋ na hã se ? 12 Yadin ga hay kulu kaŋ araŋ ga ba borey ma te araŋ se, araŋ mo hima ga wodin te i se, zama annabey nda Asaria no. 13 Wa furo nda fu me kayna zama me beero nda fonda beeri wo, halaciyaŋ do no a ga konda borey. Boro boobo mo nodin no i gag ana. 14 Zama fu me kayna nda fonda me kayna wo, fundi do no i ga konda borey. Boro guryaŋ mo no ga di a. 15 Wa araŋ boŋ gaayi nda Annabi taarikomey kaŋ yaŋ ga ka araŋ do danga feeji ize yaŋ cine, amma kaŋ Zonŋo yaŋ no kaŋ haray. 16 I wane te-goyey ga no araŋ ga i bay. I ga rayzin kosu karji ɲa ga ? Wala jajay (Sardon) ga ? 17 cine no, tuuri ɲa hanno wo ize hanno no a ga hay, tuuri ɲa laalo mo ize laalo yaŋ no a ga hay. 18 Tuuri ɲa hanno si hini ga ize laalo yaŋ hay, wala ilaalo ma ize hanno yaŋ hay. 19 Tuuri ɲa kulu kaŋ si ize hanno yaŋ hay, i ga a pati ga catu danji ra. 20 Yadin no, i te-goyey ga no araŋ ga i bay. 21 Manti borey kulu kaŋ ga ne ay se : « Rabbi, Rabbi no ga furo Irikoy koytara ra bo, kala borey kaŋ ga ay baaba kaŋ go beene bayo te. 22 Hano din, boro boobo ga ne ay se : « Rabbi, Rabbi, iri mana Annabitaray te ni ma ga no, wala iri mana ganji yaŋ gaaray ni ma ga, ga dobo hari boobo te ni ma ga no ? » 23 A binde ay ga ne i se taray kwaaray : « Ay mana bay ga ti araŋ ba ce fo, wa mooru ay, araŋ kaŋ ga taali te ! » 24 Yadin ga, boro kulu kaŋ ga hangan ay sanney se ga goy ndey ga hima alboro lakkal kooni kaŋ na nga fuwo cina tondi boŋ. 25 Beene hari kaŋ, haro na batama ŋwa, hawey faaru fuwo din gaa amma a mana gusam zama tondi boŋ no i na a cina. 26 Amma boro kulu kaŋ ga ma ay sanney a mana goy ndey, a ga hima boro kaŋ sinda lakkal, a na nga fuwo cina taasi boŋ. 27 Beene hari kaŋ, haro na batama ŋwa haw faaru, a binde gusam, a kulu mo no say. » 28 Waato kaŋ Yeesu na sanney din ci ga ban jama dambara nda cawandiyaŋo. 29 Zama a go ga i cawandi sanda boro kaŋ gonda hini, amma manti danga asaria dondonandikoyey cine.