1 Cimi no, Irikoy koytara si hima kala Farikoy fo kaŋ fatta za susubay nda hinay ga goyteeri yaŋ sambu nga faro ra. 2 Alwaato banda kaŋ i saba nga nda goyizey zaari nooro boŋ, (kaŋ ga ti denier folloŋ), a na i samba nga faro ra. 3 Guuru hinza lasaabay, a fatta, kulu a di goyize fo yaŋ kaŋ go habo ra, i si ga hay kulu te. 4 A ne i se : « Araŋ mo wa koy ay reyzin kalo ra , ay ga araŋ no hay kaŋ ga saba. » A bindie i koy ga goy. 5 Koyne, a fatta guuru iddu, nda guuru yagga lasaabay, a te sani follonka. 6 Ce fo koyne, guuru way cindi fo lasaabay, a fatta, a di boro fo yaŋ, i si ga hay kulu te, a ne i se: ifo se araŋ go ne zaaro, kulu muraadu si ? » 7 I tu ga ne : « zama boro kulu mana iri za goy » Kulu a tu ngey mo se : « Wa koy ay reyzin faro ra. » 8 Kaŋ wicirkambo to, fari koyo ne nga faro jine funa se : « Goyizey ce, ma i bana, za kokorbanda bora, ga koy sintina ga. » 9 Waato kaŋ goyizey kaŋ i sambu guuru way cindi fo ka, afo kulu du nooro follonka kaŋ ga ti denier fo. 10 Waato kaŋ sintinay goyizey ka, i miila ngey ga du ga bisa cindey, amma afo kulu du nooru follonka. 11 Kaŋ i du ngey banado, kulu i go ga ziniini faro koyo ga. 12 I ne : « Kokor banda goyizey, guuru follonŋ goy no i te amma banandi follonka no ni na iri no, iri kaŋ yaŋ taabi za susubay dunga ra. » 13 Amma farikoyo tu i ra afo se : « Ay cora, ay mana taali kulu te ni se, manti denier nooru fo boŋ no i nda araŋ saba ? » 14 Wa ta araŋ nooro ga sobay W. Ay suuban ga kokorbanda fari-fariizey no banandi follonka. 15 Ay sinda fondo ay ma te hari kaŋ ay ga ba nda ay arzaka no ? Wala araŋ ga canse zama se ay ga no ? 16 Yadin cine no boro kaŋ ga kokor ga te sintina, sintinay bora mo ga te kokor banda bora. (Tira zeeno hanney mana dan : i na iboobo ce, amma i kayna yaŋ no i suuban). 17 Kaŋ Yeesu go ga ziji ga koy Urusalima, a na taalibi way cindi hinka sambu nga banda. Fonda ra, a ne i se : 18 « Wa gune, iri go ga ziji Urusalima, a binde, i ga boro izo noyandi alfagey nda asaria dondonandikoyey se. I ga buuyaŋ ciiti dumbu a se, 19 ga a noyandi dumi cindey se i ma du ga donda a, i ma a barzu, ga kanji. Amma jirbi hinza banda, a ga tunu buukey game ra. 20 A binde Zebede izey wane ɲaŋo ka Yeesu do nda nga zankey. A sombu Yeesu jine ga hã hay fo. 21 Yeesu tu a se : « Ifo no ni ga ba ? » A tu a se : « Ma no fondo, ay ize aru hinka ma goro ni koytara ra, afo ni kambe ŋwaaro ga, afa ni kambe wo » 22 Amma Yeesu tu a se ga ne : « Ni si bay hay kaŋ ni go ga hã. Haro kaŋ ay ga hãŋ, araŋ ga hini ga a hãŋ no ? » I ne a se : « Iri ga hini » 23 A ne i se : « Cimi no, ay haro araŋ ga a hãŋ amma ay kambe ŋwaaro nda ay kambe wo g agora, manti ay no ga a no, amma borey kaŋ yaŋ ay baaba soola a se no i na gisi. 24 Kaŋ taalibi cindey ma sanno din, i mana ma ɲayze hinkey din kaani. 25 Amma Yeesu na i ce nga do ga ne : « Ni ga bay kaŋ dumi cindey kaŋ si Irikoy bay, i jine funay ga i may, i jine boro hanney go ga i daŋ i mayra cire. 26 Amma, a ma si ciya yadin cine araŋ game ra, amma boro kaŋ ga ba nga ma beeri araŋ game ra hima ga may araŋ se. 27 Boro kulu kaŋ ga ba nga ma te jine boro araŋ ra hima ga te araŋ se goyize. 28 Yadin no boro izo mana ka i ma du ga may a se, amma a ma may ga nga fundo no fansayaŋ boro boobo se. » 29 Kaŋ i fatta Yeriko, Jama boobo na gana. 30 A binde, danaw hinka fo go fonda jinda ga. Kaŋ i ma kaŋ Yeesu no go no ga bisa, i kaati ga ne : « Rabbi, Dawda izo, ma bakar iri se. » 31 Jama go ga deeni i ga, ga ne i ma dangay amma i kaati koyne nda gaabi ga ne : « Rabbi Dawda izo, ma bakar iri se. » 32 Kulu Yeesu kay, a na i ce ga i hã : « ifo no araŋ ga ba ay ma te araŋ se ? » 33 I ne a se : « Rabbi, iri moyzey ma feeri. » 34 A binde Yeesu to nda bakaraw, a lamba moyzey ga, sahadin, moyey fiti, kulu i na Yeesu gana.