1 Kala farisi fonda borey da assariya dondanandiko fo Yan fun urusalima ga kaa yesu do. 2 I ne : «i fo se no ni talibey go ga kaayey naamey harta ? zama i si ga ngey kambey nyune hala i ga nwa.» 3 Yesu tu i se ka ne: «aran binde i fo se no aran ga harta irikoy l'Ordo ga aran naamey sabbay se? 4 Zama irikoy ne: ''ma ni nya da ni baba beerandi " da mo " boro kulu kan n'a nga baba wala nga nya laali hakika à ga bu " 5 amma aran wo ga ne borey se " boro kulu kan ga ne nga baba wala nga nya se gaakasina kan aran hima ga du ay do ay na no irikoy se". 6 Bora din koy si laami da baabo beerandi Yan koyne. Yadin cine no aran go ga irikoy sanno ganandi nda aran naamey sabbay se." 7 Munaficey! Isaya n'a annabitaray te aran bon kan à ne "borey go g'ay beerandi. 8 Da ngey meyey hinne amma i biney mooru ay, yaamo no i go g'ay beerandi. 9 «Dondanandiyanyey mo borey alaadey bon no i go g'i te». 10 Wodin banda à n'a jama ce nga do ga ne i se: «wa hangan, ga faham.» 11 Manti hay kan ga furo boro ra no ga boro ziibandi; amma han kan ga fatta meyo ra.» 12 Kala talibey kaa yesu ka ne à se, «ni ga bay kan ni sanney kan ni ci n'a farisi fonda borey futtandi?» 13 Kala yesu ne i se: «turi nya kulu kan baaba mana duma i ga dagu». 14 Wa si hangan i se. Jine boro Yan kan Dana no. Danaw ga danaw candi, i boro hinka kulu ga kan guuso ra». 15 bitros tu yesu se ka ne : «ma yaseyey feeri iri se». 16 Yesu tu ka ne à se : aran wo si faham no?» 17 aran si bay kan han kan ga furo me ra à ga bisa ga to buzugu ra ga bisa ga to haray haray? 18 Amma hayey kan ga fatta me ra si fun kala bine ra. Hayey din no ga boro ziibandi zama bine ra no miila laaley ga fatta, 19 da boro wi Yan, da zinz kulu dumi, da zaytaray, da tangari seeda ,da sobeyanyey. Wo Yan ga to hayey kan ga boro ziibandi». 20 Amma Jan ka jambe nyun yan ka nwa si boro ziibandi.» 21 Kala yesu dira noodin ga koy tir da sidon laabu. Kaanance wayboro fo kan go ga baafunay noodin ka yesu do. 22 à kaati ka ne: «ya rabbi daouda izo ma bakar ay se. Ay ize wayo folla go ga gurzugandi.» 23 Amma yesu mana tu à se. à talibey go ga nwaarey ga ne: «à gaaray zama à go ga kaati iri banda». 24 Amma yesu tu ka ne: «ay mana kaa kala israela feeji darantey do.» 25 Amma à kaa ka sombu Yesu jine Kane: «rabbi m'ay ga». 26 Yesu tu ka ne : à si hagu. Boro ma zanka kayney nwaari sambu ka no ( dan) hansey se.» 27 À ne: «Oho rabbi amma ba hansey ga wo kan fun tablo bon ka kan banda nwa». 28 Yesu tu ga ne: «waybora ni cimibeero ga beeri, wo kan ni nwaray din ma te». Kala à izo wayo te baani lokaco din». 29 Yesu dira noodin ga koy galili teeko se ya haray, à kaaru gondi fo bon ga goro. 30 Kala jama ka à do, simbarkoy, danaway lutey, da fanakey, da jante komey boobo, i kandey yesu do, à n'i kulu no baani. 31 Jama boobo danbara nda kan beebey go ga Salan, leebantey du baani, gurmey go ga dira, danawey go ga di. I go ga saabu israela irikoyo se. 32 Yesu n'a nga talibey ce ga ne i se: «ay go ga bakar borey wo se zama i go g'ay gana amma i sinda nwaari . ay si ba i ma koy da haray kan nan i ma si koy ga kasam fonda ra.» 33 Talibey tu ga ne: «Manga no iri ga du nwaari kan ga wasa jama wo se sajo ra.» 34 Yesu ne i se: «buuru marje no go aran se?» I ci à se: «iyye da. Hamisa kaina fo». 35 Kala yesu na jama Lordi i ma goro banda laabo bon.» 36 A n'a buuru iyya da hamisey sambu k'i albarkandi wodin banda à n'a buro feeri k'a zanjarmey no talibey se. Talibey mo n'i fay jama se. 37 I kulu nwaa kala i kungu. 38 i n'a nwaa ga cindo margu ga folla iyye toonandi. 39 Boro zambar taaci nwaa wayborey da zankey basi kala yesu na jama sallama wodin banda à furo hira ga koy magadala laabo ra.