¹ Boro boobo kokari ga sokne fondo hanno ra hayey kan te iri gama ra za sintina, kan i tonandi iri do. ² Ga funu borey kan ciya mo seda yan da baro goyteri yan. ³ Yadin no ay mo kan na hayey dini kulu fisi ga bori, ay di kan ay himma gi sola fondo hanno ra ga dede ni se ya nini tiofilos darajanta a. ⁴ Ni ma du ga cimo bey hayey kan i nini cawandi bon. ⁵ Koy hirodus zamano ra alfaga fo gono kan ma zakaraya a biatar kunda ra mo no a go. A wonde ma Aliizabetu aruna hamey ra wondoyo fo no. ⁶ I boro hinka adilanteyan no kan go ga dira irikoy lordey da farillaey kulu ra, ⁷ amma i sinda ize zama Alizabetu ya yeygunu no, I boro hinka mo zenu. ⁸ Hane ka kan Zakaraya bare irikoy bageyanra, jinga ra ga nga alfagatarey goyo te a wone kudu sigiro bon. ⁹ I na suban matekan i dona ga te a ma turare ton. ¹⁰ borey jama mo go tarey ga duwawu watikan a go no ga turara tonu. ¹¹ Kala malaika fo bagey a se ga key turare tonuyan bagado kanbu wanri. ¹² Zakaraya lakalo tunu, hamburukumay beri fo kan abon . ¹³ Amma malaika a ne a se ma si hamburu zakaraya zamma irikoy ma ni wanra se, ni wonde ga hay ize aru, ni ga ce mo hahaya. ¹⁴ Waran ga du bine kani da farahan ,boro boobo mo ga farahan da hayan wo , ¹⁵ a si duvin walla baji gabante han ,a ga ciya i beri irikoy gine , zamma a ga to do biya hanno za yanwo gunda ra . ¹⁶ Israila boro boobo ga bare ga ka raabi do , a ga dira irikoy gine da Iliya hinno da biya , ¹⁷ a ga baabey biney bare ga ye izey ga , turantey mo ma sintini ga dira adilantey fondey ra .a ga wodin te ga du ga sola rabbi se jama solante fo rabbi se ¹⁸ Zakaraya ne malaika se : " mate no ay ga bey kan hayey wo ga te? zamma ay zenu ay wode mo jirey ba. ¹⁹ Malaika ne a se: " ay ga ti Jibrailu ay ga kay no irikoy gine, i ney dontone ni do ay ma kande ni se baru hanna wo. ²⁰ Sonhno guna ni ga ciya beebe ni si hinni ga salan kala hanna kan hayey wo te , zamma ni mana cimmandi ay sanney ga, kan ga te mo i wonne lokaco ra. ²¹ Jama go ga zakaraya batu tarey. I go ga mamaki da a gey yan wo jingara ra. Watikan a fatta, a ma na hinni ga salan, i faham kan a di bangey yan jingara ra. ²² A sobey ga alama yan te din ga kambey amma a si hinni ga salan. ²³ Watikan zarey kan a himma ga nga goyey te ban, a ye nga koara. ²⁴ jirbey din banda a wande te gunde . a nin ga bon dabu handu gu . a go ga ne :" hankan irikoy te ay se neya , ²⁵ wati kan a ney guna da goni , kan a neye hawo ka ay jama gine . ²⁶ Sonhon handu idunta ra , irikoy na malaika jibriilu samba yahuda koara fo kan ma nazaret ²⁷ ra wondiwo fo kan ma mariama kan mo i alkawal i ga hijandi isufu borofo kan funu dawuda ga do. ²⁸ Malaika to mariama do ga ne :' Ay go ga ni fo , ya ni du gomni beri. Rabbi go ni bade ." ²⁹ Amma a kurtuney sanno se ay nin ga han fo yan fo dumi no wone? ³⁰ Malaika ne ase:" ma si hamburu , mariama zamma ni du gomni irikoy do, ³¹ guna ni ga te gunde, ni ga hay mo ize aruboro,ni ga ce 'Yesu' ³² a ga ciya I Beri i ga ce mo Ibero kulu Ize. Rabbi mo ga no a kayo Dauda karga. ³³ A bga mey Yakubu windo bon hal abada. A meyra mo sin da me." ³⁴ Mariama ne malaika se :" Mate no wone ga te , zamma ay mana bey ga kani da aru boro ,?" ³⁵ malaika ne a se :" Biya hanna ga ka ni bon , I Bero kulu hinno ga ni dabu , wodin se no izo hannanta kan ga hay , i ga ce Irikoy Ize ." ³⁶ Sohon guna ni yaizo Alizabetu te gunde a zeney ra. A handu idonta neya nga kan i ga ce weygunu. ³⁷ Zama hayi klulu no sihini ga mongu Irikoy se ." ³⁸ Mariama ne :" guna ay wo Irikoy konwan no a ma ciya ay se mate kan Irikoy baaro ci ." Kala malaika dira. ³⁹ Kala mariama wassi ga tunu ga koy tondi darey Yahuza labu koara fo ra . ⁴⁰ A furo Zakariya windo ra ga Alizabetu fo . ⁴¹ Za Alizabrtu ma Mariama fo yan wo , kotia kan go a gunda ra jumpo farahan se , Alizabetu mo to da biya hanna a. ⁴² A na ginde sambu ga ne:" Albarkante ga ti ni weborey ra, albarkante mo ni gunda izo. ⁴³ Mte ga te kan ay Rabo yan ka ay do? ⁴⁴ Zamma guna watikan ni ginda to ay hanga ga, kotiya kan go ay gunda ra jimpo farahan se. ⁴⁵ Albarkante mo ga ti nga kan cimandi kan hay kulu Rabbi ci a se ga te ." ⁴⁶ Mariama ne :" Ay fundo ga Irikoy siffa , ⁴⁷ ay biya mo ga farahan Irikoy ay fabakoa ra ⁴⁸ zamma a na lakal ye nga konyan keyna yan bon, ⁴⁹ zamma , wo guna , zamaney kulu gey ce albarkante. Zamma nga kan gonda hinni na hari beri yan te ay se, a mayo mo hananante no. ⁵⁰ A wone gomno ga ga dumi zamani ga koy zamani ga borey kan ga berandi se . ⁵¹ A na gaabi cabe da nga kambey ; a na borerey kan go ga foma ngey biney miley bon . ⁵² A na koy ize yan furu ganda ga funu ngey hinni kargey bon. ⁵³ Ana borey kan si berandi yan ra sambu bene, a na borey kan harey kungandi da hari hanno yan amma arzakantey a ni garey hari kulu si. ⁵⁴ A na kamba dan Israila a tamo se , a ma du ga fongu ga gomni te se, ⁵⁵ (mate kan a cio iri kayey se) Ibrahim da a hamey se hal abada . ⁵⁶ Mariama goro Alizabetu do handu hinza, ga aye nga koara. ⁵⁷ Sonhon lokaco to kan Lizabetu gin ga izo hay, kala a na ize areu hay. ⁵⁸ Awone gorogasiney da a yeyizey ma kan Irikoy nin ga gomno baabandi a se kala ka ga farahan a ban de. ⁵⁹ Sonhon , zari hakanta ,kan i ka ga kotiya ban bongu ,i ga ba i ma a ma dan Zakariya mate kan i ga baabo ce da , ⁶⁰ amma yonwo ne :"a a , Yahaya ga ti a ma ." ⁶¹ I ne se :" Haba boro kulu si no ni yayizey ra kan i ga ce yadini ." ⁶² I na alama yan te baabo se ga di matekan a ga ba i ma kotiya ce da . ⁶³ A wanrey allo .ga hantum a bon" Yahaya ga ti a ma" . I kulu mo dabara . ⁶⁴ Sahadin da a meyo feri a dena mo sintin ga goy. A salan ga Irikoy siffa kala hamburukumey kan a windanta borey kulu bon. ⁶⁵ Hayey din kulu seya seya tondi daru yahuda koarey kulu ra. ⁶⁶ Borey kulu kan ma ise ni gayi ngey biney ra, ga ne :" I fo no kotia ga ciya? Zama Irikoy kamba go a bande " ⁶⁷ A baabo to da biya hanno ga annabitarey te ga ne: ⁶⁸ " Siffayan ma bara Rabbi Israila Irikoyo se zamma a kande gakasiney da fanssa a jama se. ⁶⁹ A na fabba hilli fo tunnandi iri se nga goytero Dauda windora . ⁷⁰ Nga goytero Dauda hamey ra mate kan a na ci nga don annabey me ra . ⁷¹ A ga kande fabba giri komandi iri ibarey da borey kulu kan giri komnamey kambey ra . ⁷² A na wone te a ma gomni te iri kayey se, a ma fongu mo nga alkawali hanananta, ⁷³ ze yan wo kan a ci Ibrahim iri baabo se. ⁷⁴ A ze a miri no, wati kan a niri komandi ga ka iri ibarey kambara, ⁷⁵ iri ma mey a se hamburukumey si, hananan da adilitarey ra, a gine iri fundo me mudu. ⁷⁶ O ! ni mo kotiya i ga ni ce I Bero Kulu annabo, zama ni ga dira Rabbi gine ga a fonda hanse, ni ma jama fo sola a ka yan wo se. ⁷⁷ Ni ma fabba berey no a jama se zunubu yafa yan do harey. ⁷⁸ Wone ga te irikoy gomni bakbana se kan se weyna funnu yan giri zure ga funu bena ra a ma yalaw , ⁷⁹ borey kan go ga goro kubey ra da buyan yumey cire. A ga wodin te a ma iri cey kuru lakalkaney fdondey bon. ⁸⁰ Sonhon kotiya beri ga te gabikonu biya ra, a go mo sajo ra hala hano kan a bangey Isra ila se.