Sura 4

1 Wato kan yesu maa kan farisi fonda borey bay kan nga go ga baptisma te , zama talibey goono ga ba ga bisa yohanna waney . 2 (zama yesu bumbo si ga baptisma te amma a talibey no) 3 a dira yahudia laabu ga ye galili. 4 A gana ga bisa samariya ra . 5 A kaa ka to samariya kwara fo do kan se i ga ne sychar faro kan yakuba no nga izo Isufu se jarga. 6 Nodin no yakuba dayo go .Yesu kan farga diirawo sabbay se goro dayo meyo ga a .zaro guuru iddata ra no. 7 Kala samarance wayboro fo kaa zama nga ma hari guru , kala yesu ne a se : "ay no hari ay ma han ". 8 Zama a talibey koy kwaara ka ŋwari ceeci. 9 Kala waybora ne a se : " Nin yahudance i fo se ni g'ay haa hari kan han ay kan ga ti samarance ? Zama sabayan si yahudancey da samarancey game ra . 10 Yesu tu a se ka ne :"da ni ga Irikoy noyaŋo bay ,da bora kan ne ni se "ay no hari ay ma han". don nin no ga ha nga mo ga ni no haro kan ga fundi no. 11 Waybora ne a se : "alfa aran sinda logo dayo mo ga guusu ".Manga no aran ga du haro kan ga fundi no ? 12 Wala araŋ beeri ga bisa iri baabo Yakuba no kaŋ n'iri no dayo da mo a haŋ a ga ,nga da nga izey,da ngey almaney ? 13 Yesu tu ka ne a se :"boro kulu kan ga haro wo han ga ye ga ma jaw . 14 Amma boro kan ga haro kan ay ga no han si ye ga ma jaw.Amma haro kaŋ ay ga no din ga ciya hari mo kaŋ ga boosu a ra ga to nda fundi hal abada gaa " 15 Waybora ne a se : " Alfa ay no haro din kaŋ ga naŋ ay ma si ma jaw koyne da mo ay ma si ye ga kaa ga hari guru koyne ". 16 Yesu ne a se : " koy ga ni kurŋe ce a ma kaa ". 17 Waybora ne a se : " Ay sinda kurŋe " , Yesu tu ka ne : " ni ci cimi kaŋ ni ne ni sinda kurŋe " . 18 Zama ni du kurŋe gu , wo kaŋ go ni se sohon manti ni kurŋe " wo kaŋ ni ci din cimi no ". 19 aWaybora ne a se : " Alfa ay di kaŋ ni ya annabi no ." 20 Iri babay sududu tondi kuuko wo boŋ ,amma araŋ ne urusalima no ga ti sududu yaŋo nango ". 21 Yesu ne waybora se: " hakiika ay ga ci ni se alwati go kaa kaŋ manti tondi kuuko wo boŋ no araŋ ga sududu baaba se , wala urusalima 22 Araŋ go ga sududu boro kaŋ araŋ si bay se . Iri wo go ga sududu boro kaŋ iri ga bay se .Zama faaba si fun kala yahudancey do. 23 Ba da yadin alwato go kaa , heé ba sohoŋ a kaa , kaŋ sududuko cimi- cimey , ga sududu baaba se biya da cimi ra . Zama baaba go ga borey din dumi ceeci . 24 Irikoy ya biya no borey kan yan ga sududu a se , hima ga sududu a se biya da cimi ra ". 25 Waybora ne a se : " Ay ga bay kaŋ almasihu ga kaa , (bora kaŋ se i ga ne kristi ) . D' a kaa a ga hay kulu ci iri se ". 26 Yesu ci a se: " Ay no ga ti nga , ay kan go ga salaŋ ni se ". 27 Alwato din a talibey kaa ka gar , i kulu dambara da kaŋ a go ga salaŋ nda waybora , amma boro kulu mana ha l fo no ni ga ba , wala i fo se ni go salaŋ nda wabora ? 28 Kala waybora na nga foobo naŋ noodin ga koy kwara ra ga ci bofey se . 29 Wa kaa ga di bofo kaŋ n'ay baafuna deede ay se . Wala almasifu no ? 30 I fatta kwara ra ga kaa yesu do . 31 Alwato din yesu talibey go ga kakam ga ne : " Rabbi ma du haŋ ŋwa" 32 Amma a ne i se : " ay gonda ŋwari kaŋ aran si bay " . 33 Talibey go ga care haa wala boro fo kande a se ŋwari no? 34 Yesu ne i se " ay ŋwaro ga ti ay ma bora kaŋ n'ay donton miila te k'a goyo kubandi". 35 manti araŋ ga ne a cindi handu taaci dumiizey wiyaŋo ma to ? ay ga ne araŋ se wa araŋ moy sambu beene ga farey gune l to wiyaŋ . 36 Boro kaŋ ga wi hima ga du banandi a ga albarka margu mo fundi hal abada wane kaŋ ga naŋ bora kaŋ ga duma da bora kaŋ ga wi ma farha care banda . 37 Zama ya din no yassey fo ci "boro fo ma duma ,a fo ma wi " 38 Ay n'araŋ donton araŋ ma wi haŋ kaŋ araŋ mana duma. Boro yaŋ goy araŋ furo i goyo albarka ra . 39 Kwaara din ra samarance boobo cimandi Yesu gaa waybora sabbay se kaŋ a ci ga ne " a salan ay se ay baafuna kulu boŋ." 40 Waato samarancey di , i n'a ŋwarey a ma goro ngey do ,nga mo goro i do jirbi hinka koyne . 41 Boro boobo cimandi a sanno kaŋ a te sabbay se . 42 I ne waybora se : "iri go ga cimandi manti zama ni salan iri se amma zama iri bumbey iri ma a sanney se , da mo iri bay kaŋ nga dayno ga ti ndunŋa faabako cimi-cimo. 43 Jirbi banda a dira nodin ga koy galili . 44 Zama Yesu bumbo ne : " I si annabi kulu beerandi nga laabo ra " 45 Kaŋ a kaa galili , borey n'a kubayni .Zama i di hay kulu kaŋ a te urusalima buco do , zama ngey mo koy buco do . 46 Yesu ye ga kaa galili labora nango kaŋ a na haro bare ka te duvan. Kapernahum, bonkoono soje beeri fo kaŋ izo sinda baani, 47 waato kaŋ a maa yesu fun yahudiya ga kaa galili , a koy yesu do k'a ŋwarey ga ne a ma kaa ka nga lzo kaŋ ga ba ga bu no baani. 48 Kala Yesu ne a se " Araŋ si cimandi abada kala d'araŋ di dambara hari yaŋ da alaama yaŋ ". 49 Kala soje beero ne a se : " Alfa kaa za ay izo mana bu". 50 Yesu ne a se " Koy ni izo ga funa ". soja cimandi da sanno kaŋ yesu ci a se k'a dira . 51 Waato kaŋ a go dirawo ra kala a banŋey kubanda ga ne a se ni izo mana bu a ga funa . 52 Kala a ni ha alwaati fo ra no a du baani . I ci a se ka ne : " Bi wiciri kambu guru iyyanta ra no konno n'a tan ". 53 Baabo bay kaŋ waato din no yesu ci ga ne : " ni izo ga funa " . Kala bumbo da nga almayaley kulu cimandi yesu gaa. 54 Wodin ga ti alaama hinkanta kaŋ yesu te alwaati kaŋ a dira yahudiya ga koy galiili.