Sura 2

1 Jirbi hinza banda, hiijay fo te Kanaana, Galili. Yeesu ɲaŋo go nodin. 2 i na Yeesu nda nga taalibey mo burɲe hiija do. 3 Waato kaŋ rayzin haro ban, Yeesu ɲaŋo ne a se: " I sinda rayzin hari." 4 Yeesu tu a se :" Ifo ga ay margu nda wodin? Ay alwaato mana to ka jina" 5 ɲaŋo ne goyteerey se:" Hay kulu kaŋ a ci araŋ se, wa a te" 6 A ka ga gar tondi gulla iddu go nodin kaŋ afo kulu ga za nesiji hinka wala ihinza, i ga goy nda gulley din Yahudancey hananyaŋ se i wane batey waate. 7 Yeesu ne i se:" wa gulley toonandi nda hari." Yadin no i na i toonandi kala meyey ga . 8 Wodin banda Yeesu ne goyteerey se: "Wa i ra ga konda goyey jine bora se 9 A binde i te yadin. Goyteerey jine funa na haro taba kaŋ bare ga te reyzin hari. A si bay naŋ kaŋŋ no a funu amma goyteerey wo ga bay. 10 A binde na arhijo ce, a ne : " boro kulu ga jini ga reyzin hari hanna daŋ jine no. Waati kaŋ borey bugu, a banda i ga kande haro kaŋ si caada. Amma ni wo na hari hanna gaayi hala sohoŋ." 11 Dambara goyo wo kaŋ te Galili, Kanaana laabo ra ga ti sintinay dambara goyey kaŋ Yeesu cabe, ka nga darza bangandi. A talibey mo cimandi a ga. 12 Wodin banda a zumbu ga koy Kapernaum nga, ɲaŋo, kayney nda a taalibey. I goro nodin jirbi yaŋ. 13 Yahudancey paska hano maanu kulu Yeesu ziji ga koy kapernaum. 14 A ka jingara ra ga haw, feeji, nda tantanbal neerako yaŋ gar. Nooru barmayko yaŋ mo go ga goro nodin. 15 Kala a na barzu fo bi de korfo yaŋ. A na ikulu garay ga ka jingara ra hala nda feejey nda hawey. 16 A ne tantabal neerakoyey se: " Wa hayey moorandi ne wo. Wa si ay baaba windo te fatawci nangu." 17 A taalibey fongu kaŋ i n'a hantum ga ne:" Ay baakasina ni windo se go g'ay ton." 18 Kala Yahudancey jine borey tu a se ga ne:" Alaama fo no ni ga cabe kaŋ ga wone yaŋ kaŋ ni te tabbatandi?" 19 Yeesu tu i se :" Wa jingara wo say. Jirbi hinza nda care game ra, ay ga a kayandi." 20 Yahudancey jine borey ne :" zJiiri way taaci cindi iddu no i te ga jingara wo cina, ni mo ni ga a tunandi jirbi hinza nda care game ra?" 21 wo go ga salaŋ jingara kaŋ ga ti nga bumbo ga-hamo boŋ. 22 kaŋ a tunu bukey game ra banda, talibey fongu kaŋ a na wodin ci ngey se. Kulu i cimandi hantumey (tirey) nda sanno kaŋ Yeesu ci ga. 23 Waato kaŋ a go Ursalima Paska se, bato waate boro boobo cimandi a ga kaŋ i di alaamaey kaŋ a go ga te. 24 Kulu nda, Yeesu wo mana ba nga ma ngaŋ naana daŋ i ga zama a ga i kulu bay. 25 Zama se mo a si laami borey ma a no seeda boro fo boŋ, zama a ga bay han kaŋ go a bina ra.