1 Iri wo zamam wodin se kaŋ seeda marga bambata wo cine goono g’iri windi, kala iri ma hay kaŋ ga tin ka ga furu, nda zunubo mo kaŋ go no ga iri naanu. Iri ma iri zura kaŋ ra Irikoy daŋ te mo nda suuru 2 iri ma mo sinji Yeesu gaa kaŋ ti iri cimi beero jine bora nda timmandikwa mo. Nga kaŋ ma kaŋjiyaŋ bundo taba, han kaŋ don haawi no Farhan kaŋ I daŋ a jine sabbay se. A goro mo Irikoy kambe ŋwaaro ga 3 wa a guna, nga kaŋ suuru nda zunubi kooney gaaba kaŋ I te a se. zama araŋ ma si farga ga naŋ araŋ bine ra 4 araŋ mana tangami te jina ka to nan kaŋ araŋ g’araŋ kuri mum zunubi gurjay ra. 5 araŋ dirgan yaamaryaŋo kaŋ I te araŋ se, I cabe araŋ se danga ize yaŋ cine, kaŋ se ay izo ma si donda Rabbi gojiyaŋo, ma si futu mo wati kaŋ a deeni ni gaal. 6 zama boro kaŋ Rabbi ga ba no a ga dan fondo ize kulu kaŋ a ga ba mo a ga a barzu. 7 wa hini suuru nda deeniyaŋ zama Irikoy go ga te araŋ se danga ize cine nooya, wala ize go no kaŋ baaba si deeni a ga? 8 Amma d’araŋ si du goojiyaŋ kaŋ boro kulu ga du nga ba ra, yadin ga araŋ ya ize yaŋ no kaŋ sinda fondo no manti halal izeyaŋ 9 wo din banda iri ndunnya baabey kaŋŋ ga iri gooji, iri ga I beerandi mo, sanku fa iri baabo kaŋ go beene, nga kaŋ se iri ga hima k’iri boŋ kaynandi ga funa. 10 zama haciika iri ndunnya baabey din n’iri goji jirbi kayna fooyaŋ ma te kaŋ I di a ga hagu, amma nga wo ga a te iri al barka se, hala iri ma du ga margu nda hananyaŋ. 11 Goojiyaŋ kulu, alwaato kaŋ I go no ga a te a ga hima bine saray, manti bine kaŋi no, amma kokor banda gaa, a ga adilitaray albarka no, lakkal kaŋay wane, borey kaŋ dondon a do se. 12 wodin sabbay se, wa araŋ kambe fargantey d’araŋ kaŋjey kaŋ jaŋ gaabi mo gaabandi. 13 Araŋ ma fonda kayyanteyaŋ te araŋ cey se, hala bora kaŋ go ga simbar ma si goori, amma a ma du baani. 14 wo himma daŋ ka lallal kaŋay garay ceeci araŋ nda boro kulu game ra. Wa hananyaŋ mo ceeci nda himma kaŋ boro kul si di Irikoy da bora sind’a. 15 Araŋ ma haggoy hala boro kulu ma si ye nda banda Irikoy gomno se. a ma si te kaaji fotto ma zay ka fun k’aran kaŋkam, ka boro boobo ziibandi. 16 Araŋ ma haggoy zinateeri ma si bara araŋ ra, nda boro kaŋ si Irikoy gana, danga isuwa cine, nga kaŋ na nga hayjinetara neera ŋwaari tu fo se. 17 zama araŋ ga bay kaŋ wodin banda, ba kaŋ a ceeci nga ma albarka tubu, I wangu a se. zama a mana du daama ka wo kaŋ te barmay, baa kaŋ a n’a ceeci nda mo mundi. 18 zama araŋ mana ka tondi kuuko do, kaŋ gaa boro ga hin ga lamba, kaŋ gaa danji di. Araŋ man aka kubay do kubay bi, da beene hirriyaŋ haw do. 19 da hilli heeni nda sanni jinde. Jinda din mo, borey kaŋ yaŋ ma ra a ŋwaaray ka ne a ma si ye ga sanni fo tonton ngey se koyne. 20 zama a sandi I se I ma lordo gana kaŋ ne : ban da alman no ka lamba tondo gaa, I m’a catu ka wi nda tondiyaŋ. 21 wo kaŋ te ga humburandi mo hala Musa ne : «ay humburu gumo kala ay ga jijiri», 22 amma araŋ kaa sihiyona tanda do, nda Irikoy funikoono birno do kaŋ da ti urusalima, beena wano, nda Malayka zambar-zambarey farha marga do mo. 23 Araŋ kaa hay-jina marga kaŋ maayey go hantumante beena ra do. Araŋ kaaa Irikoy do mo, kaŋ ga ti boro kulu ciitikwa. Araŋ ka borey kaŋ ciya adilante Irikoy jine kaŋ I toonandi biyey do. 24 Araŋ ka Yeesu do mo nga kaŋ ga ti alkwali tajo sasabandikwa. Araŋ ka kuru say-sayyaŋ da kaŋ ga hari hananyaŋ ci kaŋ bias habila sarga wano. 25 wa haggoy fa, araŋ ma si wangu Irikoy kaŋ go ga salaŋ se. zaman da borey kaŋ yaŋ wongu ka ma nga kaŋ kaseti I gaa se andunna ra mana koma sanku fa iri, d’iri ga banda bare nga kaŋ kasetiyaŋo ga fun beena rag aa. 26 waato a jinda no ka ndunɲa zinjandi, amma sohon a ana alkawli sambu ka ne: «a cindi sorro folloŋ koine, manti ganda hinne no ay ga zinji bo, amma hala nda beena mo» 27 sanno wo mo: a cindi sorro folloŋ koine, a ga cabe kaŋ hayey kaŋ I zinji, danga hayey kaŋ I taka nooya, I g’I kaa zama hayey kaŋ si zinji ma goro. 28 woodin sabbay se binde, iri kaŋ yaŋ ga du koytaray kaŋ si zinji, iri ma iri saabuyaŋ cabe, kaŋ ra, iri ga goy te kaŋ ga kaan Irikoy se, Iri ma a te nda gaakuri nda humburkumay mo. 29 zama iri Irikoyo ya danji kaŋ ga ŋwa no.