¹ Irikoy na wone kulu te araŋ se araŋ kaŋ manti Yahudance kaŋ sabbay se, ay Bulos, ay ciya kasu ize Yeesu Almasifu sabbay se. ² Ay ga tammaha kaŋ araŋ ga bay kaŋ Irikoy na ay beerandi nda kaŋ a na goy yaŋ talfi ay ga araŋ bafuna boriandiyaŋo se. ³ A wane baayi tuganta din sabbay se no a na goyo din talfi ay ga, kaŋ ay hantum araŋ se kayna fo; ⁴ Da araŋ na wo kaŋ ay hantum kayna fo din caw, araŋ ga faham kaŋ ay na cimao bay Yeesu Almasifu boŋ. ⁵ Waato din boro kulu sinda beeray baaru hanna kaŋ ga haniya ga ka boŋ, zama i na tugu andunɲa se amma, sohoŋ, Irikoy na baaru hanna bangandi a wana diyawey nda annabey se kaŋ a ka waani biya hanno do, kaŋ ga naŋ i ma du ga goy Irikoy se. ⁶ Cimi sanni tuganta wo ga ti, za Yahudancey nda borey kaŋ manti Yahudancey ma du ga Irikoy albarka harey fay nda care game ra, ikulo mo ma ciya Irikoy kunda almayaali yaŋ ga fay ngey nda cara game hay kulu kaŋ Irikoy sijiri i se, zama ikulu margu Yeesu Almasifu bande-- Wodin ga ti l'injila. ⁷ Sohöŋ ay ciya Irikoy goyteeri kaŋ ga baaru hanna fe, goy kaŋ ay mana to ay ma a kubandi, amma kaŋ Irikoy na ay no ga goy ay ra nda a wane gaabo. ⁸ Ba kaŋ ay ga ciya ikayna ikulu ra, Irikoy bakaraw nda gomno ra kaŋ a na ay no ay ma baaru hanna fe borey kaŋ manti Yahudancey se, nda wo kaŋ Almasifu toonandi iri se, kaŋ ga beeri kaŋ boro kulu si hini ga a deede. ⁹ Ay goyo ga ti ay ma boro kulu fahamandi Irikoy sijiro, hay kaŋ Irikoy gaayi tugante za gayyaŋ, za waato kaŋ a na hayey kulu taka. ¹⁰ Wo kaŋ a soola nda nga beera, a na cabe mo Malayka beerey kaŋ yaŋ go beene kuuro ra a wana jama do kaŋ a cimandi Almasifu ga. ¹¹ Wodin no Irikoy soola za gayyaŋ kaŋ sinda me, wodin mo no a kubandi Iri Rabbo Yeesu Almasifu goyo ra. ¹² Yadin ga, sohöŋ da Iri go ga adduwa te, iri ga hini ga maanu Irikoy nda naanay, nda kaŋ sinda humburkumay. Zama iri ga naanay Yeesu ga, kaŋ na Irikoy sijiro kubandi. ¹³ Yadin ga ay ga ba araŋ ga araŋ biney ma si funu hari boobo kaŋ ay go ga di taabi ra newo kaso ra araŋ sabbay se, hari yaŋ kaŋ ga araŋ gaakasinay araŋ ma du ga beeri Irikoy sanno ra. ¹⁴ Zama Irikoy na wone kulu te araŋ se, ay go ga sombu ga ŋwaaray iri baabo Irikoy gaa. ¹⁵ Nga ga ti cimandikey kulu baaba kaŋ yaŋ go sohoŋ beene kuurey ra, nda ganda laabo boŋ, nga mo no ga ti bafuney kulu takakwa. ¹⁶ Ay go ga adduwa te a wano gaabi beero ra, Irikoy ma araŋ no hina a ma aran gaabandi mo nda nga biya hanna kaŋ go araŋ ra. ¹⁷ A ga adduwa te Almasifu ma bafunay araŋ biney ra, zama araŋ cimandi a ga, araŋ ma du ga ciya mo danga tuuri ɲa kaŋ kaajo sinji ga boori, nda fu kaŋ i cina tondi daaru boŋ, ¹⁸ kaŋ ga nan araŋ ma du ga faham, nda borey kulu kan yaŋ i ka waani Irikoy se, Irikoy bakasina ga tafay, a ga ku, a goy beene, nda mate kaŋ a ga guusu nda, nda almasifu baakasina. ¹⁹ Zama bakasinay wone ga beeri kala nan kaŋ ni si hin ga faham nda, amma bakasina din sabbay se ay go ga adduwa a ma araŋ kulu toonandi nda nga biya. ²⁰ Irikoy ga hini ga hari yaŋ te kaŋ ga bisa hay kaŋ iri ga a hã nda kaŋ iri ga miila, nda a dabaro kaŋ go ga goy iri ra sabbay se. ²¹ Darza nda sabuyaŋ ma bara a do alwaati kulu ra hala abada. Amin.