¹ I goono ga salan jama se yaadin cine, kal alfagey da Irikoy windo jin funa da saduci boroyan kaa ka kan i bon. ² Kankami go i biney ra , zama Bitros yaŋ goono ga borey dondonandi ka buuyaŋ tunyaŋo waazu Yesu maa ra . ³ I na diyey di ka daŋ kasu kala suba ,zama wiciri kambo ban ka to . ⁴ Amma boro boobo kaŋ yaŋ maa sanno din n'a cimandi, alborey bayaŋo mo kaa ka to sanda boro zanbar gu cine. ⁵ A suba binde, i koyey da arkusey da asaria dondonandikoy na care margu ursalima ra. ⁶ Hanana kaŋ ga ti alfaga beero go noodin, nga nda kayafa, da yohanna, da Iskandari, da alfaga beero dumey kulu. waato kaŋ i na diyey kayandi borey bindo ra. ⁷ I n'i hã ka ne: Dabari woofo dumi wala maa woofo no araŋ na woone wo te d'a? ⁸ Bitros to da biya hanno. Gaa no a ne i se: Araŋ wo jama koyey da arkusey, ⁹ hunkuna araŋ gono g'iri guna nda goy hanno kaŋ iri te boro zaŋaykom fo se, da haŋ kaŋ do mo no bora din du baani. Araŋ boro kulu da Israyla jama kulu, araŋ ma bay kaŋ Yesu ¹⁰ Almasihu maa ra, nazara bora kaŋ araŋ kanji no, kaŋ Irikoy tunandi ka kaa buukoy game ra maa wo ra no boro wo goono ga kay araŋ jine baanikooni. ¹¹ Yesu ga ti: tondo kaŋ araŋ cinakoy donda, kaŋ ciya cinaro boŋo. ¹² A cine fo mo si no kaŋ do faaba go, zama maa fi si no koyne beeno wo cirey kaŋ Irikoy no borey se kaŋ do tilas iri ma du faaba. ¹³ Waato kaŋ i di bitros da yohanna bine-gaabey, i di mo kaŋ boroyaŋ no kaŋ mana caw, talkayaŋ mo no, jama go dambara. I bay mo kaŋ bitrosyaŋ go Yesu banda za doŋ. ¹⁴ I go ga di mo bora kaŋ du baani go ga kay i banda, i sinda mo hay kulu kaŋ i ga ci. ¹⁵ Amma waato kaŋ i n'i lordi ka ne i ma fatta yahudancey arkusey marga ra, jama binde saaware ngey da care game ra. ¹⁶ I ne: mare no iri ga te borey wo se? Zama haciika alaama bambata fo te i do kaŋ bangay taray kwaaray urusalima boro kulu se. Iri si hin k'a ze mo. ¹⁷ Amma zama baaro wo ma si say-say ka tonron jama game ra, wa naŋ iri ma kaseeti i ga ka ne i ma si ye ka salaŋ boro kulu se koyne maa wo ra. ¹⁸ Ga no i na diyey ce k'i lordi ka ne i ma si salaŋ, wala i ma si dondonandi kulu-kulu Yesu maa ra. ¹⁹ Amma bitros da yohanna tu ka ne i se: D'a ga saba Irikoy jine iri ma maa araŋ se ka bisa iri ma maa Irikoy se, kal araŋ ma sanno dumbu. ²⁰ Zama a si du ka te iri ma jaŋ ka dede haŋ kaŋ iri di da haŋ kaŋ iri maa. ²¹ Waato kaŋ i kaseeti diyey ga ka tonton, i n'i taŋ, zama i mana du fondo ka du k'i gooji jama sabbay se. Zama boro kulu goono ga Irikoy beerandi haŋ te sabbay se. ²² Zama bora kaŋ boŋ baani nooyaŋ alaama goyo te ga bisa jiiri waytaaci. ²³ Kaŋ i n'i taŋ, i ye ka koy ngey jama do. I na hayey kulu dede kaŋ alfaga beerey da arkusey ci ngey se. ²⁴ Waato kaŋ jama maa, i na ngey jindey tunandi Irikoy gaa da bine folloŋ ka ne:Ya koy beero, nin no na beena nda ganda, da teeku nda hay kulu kaŋ go i ra mo te. ²⁵ Ni biya hanna do mo, ni tamo iri baabo dawda me ra ni ci ka ne: ifo se no ndunnya dumey follo, jamayaŋ mo ga hari laalo miila? ²⁷ Zama haciika hirodus da bilatos buntos margu birno wo ra, ngey nda dumi cindey da israyla jama, ka gaaba nda ni tamo Yesu kaŋ ni daŋ. ²⁸ Zama i ma hayey kulu te kaŋ me ni kamba da ni saawara waadu ka ne ga te. ²⁹ Soho mo ya Rabbi, guna i kaseetiyaŋo. Ma naŋ ni bannyey ma ni sanno salaŋ da bine-gaabi kulu. ³⁰ Ma ni kambe salle baani nooyaŋ se, hala alaamyaŋ da dambari hariyaŋ ma te mo ni tam hanna Yesu maa ra. ³¹ Waato kaŋ i te adduwa, nango kaŋ i bara din zinji. Ikulu to mo da biya hanna, i na Irikoy sanno ci mo da bine-gaabi. ³² Jama kaŋ cimandi ra, i biney d'i miiley yanafolloŋ no. Koyne i ra boro kulu si ne kaŋ jinay kaŋ nga ga dabari ya nga wane no, amma hay kulu kaŋ go i se jama kulu wane no. ³³ Dabari bambata no diyey na ngey seeda no nd'a, Rabbi Yesu tunyaŋo boŋ. Gomni bambata mo go ikulu boŋ. ³⁴ I ra mo boro fo kulu mana jaŋ hay fo, zama i me-a-me kaŋ yaŋ gonda batama da windi yaŋ, i go g'i neera, ga kande hayey kaŋ i neera nooro k'a jisi diyey jine. ³⁵ Diyey go g'a fay-fay boro fo kulu se, mate kaŋ ga saba nda boro fo kulu laami. ³⁶ Boro fo goono kaŋ maa yosi, kaŋ diyey na maa daŋ barnaba(kaŋ a feerijo ga ti bine gaabi-ize) Lawi boro no, kubrus laabo ra boro. ³⁷ A gonda fari kaŋ a neera. A kande neero ka jisi diyey jine.