¹ Kulu Festus ka kwara ra. jiirbi hinza banda ga, a tunu Cesare ga ziji Ursalima. ² Sargay tekoy beero nda Yahudancey jine borey koy ga Bulos kalima Festus jine ga salan nda gaabi, ³ ga dogonay ceci Festus do Buloŋ i ma koŋda Ursalima, i ma du ga wi fonda bon, di go ga koy. ⁴ Amma Festus tu i se ga ne Bulos go kasu nodin Cesare ra, a ne koyne nga bumbo ga ye nodin. ⁵ A binde borey kaŋ yaŋ ga hini ma ka iri banda, da taali go a do kulu i ma'a kalima nodin. ⁶ Kaŋ Festus te jiirbi hakku ga koy jiirbi way banda, a zumbu ga koy Cesare. A wane suba a go ga goro ciiti nongo do, a lordi ga ne i ma kande nga se Bulos. ⁷ A binde, Yahudancey maanu a do ga sobey ga Bulos kalima nda taali boobo. ⁸ Bulos binde na ŋga bon fansa ga ne: "Ay mana taali kulu te ka gaaba nda Yahudancey mayrey, wala nda jingara, wala nda Cesare. ⁹ Amma kaŋ Festus go ga dogonay ceci Yahudancey do, kulu a na Bulos haŋ ga ne: " Ni ga ba ni ziji Ursalima ay ma du ga ni ciiti?" ¹⁰ Bulos ne: " Cesare ciito do no ay ga hâ nango kaŋ i hima ga ay ciiti. Ay mana taali kulu te Yahudancey se mata kaŋ ni bumbo da ga bay gumo wone. ¹¹ Kulu nda da ay na taali fo te kan to ay se wiyan ga, ay si wanji i ma wi. Amma da ay kalima yaŋeyy manti cimi no, boro kulu mana hima ga ay noyandi i se. wodin se, Cesare no ay ga ce." ¹² A binde Fostus saware nda sata borey. Kulu a tu ga ne : "Ni hâ Cesare ga, ni ga koy Cesare". ¹³ Jirbey din banda bonkoono Agripa nda Berecia ka Cesare ga Festus se zuure. ¹⁴ I goro jirbiyaŋ, a banda Festus kande Bulos sanno bonkoono do. A ne: " A ne: "Felix na alboro fo nan ne danga kasu ize. ¹⁵ Kaŋ ay go Ursalima, sargay teyaŋ jine borey nda Yahudancey jine funay ka ay do nda kasetiyan albora din boŋ ga hâ i ma daabu. ¹⁶ Wodin boŋ ay tu ga ne manti Romey naamu no i ma wi. Taali koyo hima ga du daama, a ma koy nga tuumakoy jine, ga du sanni kaŋ ga a wa da tuumakoy." ¹⁷ Wodin se kaŋ i ka care bande newo, ay mana batu. A wone suba ay goro ciiti nongo do ka fondo no i ma kanda albora. ¹⁸ Waato kaŋ a tuumakoyey ka ga kay ga tuuma, ay di kaŋ taali kulu kaŋ i ci a boŋ, ba afo manti cimi sani no. ¹⁹ Amma i du kakaw foyaŋ nga dey bumbo diina boŋ nda boro kaŋ ma Yeesu kaŋ bu, nda kaŋ Bulos ne a ga funa. ²⁰ Ay te boŋ haway nda mate kaŋ ay ga sanno guna nda. Kulu ay na hâ hala a ga ba a ma koy Ursalima i ma ciiti sanney wo sabbey se. ²¹ Amma alwaato kaŋ Bulos hâ i ma nga gaayi hala i ma bonkoono sanni kokoranta batu, ay binde na fondo no ga ne i ma gaayi hala ay ma du ga samba Cesare." ²² Agripa ne Festus se: "Ay mo ga ba ay ma albora wo sanney se." Festus tu ka ne: "Suba ni ga hangan a se." ²³ A wane suba Agripa nda Berenicia ka nda jaama boobo ngey banda. I furo fuwo ra nganda soojey jine funay, hala nda kowara jine borey. Festus na fondo no ga ne i ma kande ngey se Bulos. ²⁴ Festus ne: " Bonkoono Agripa nda araŋ kulu kaŋ yaŋ go ne iri banda, araŋ di Alboro wo; Yahudance zambar saware ay ga Ursalima nda newo. I kuwa ga ne : " A mane hima ga funa koyne." ²⁵ Amma ay bay kaŋ a mana hay kulu te kaŋ ga to se buyan. Amma zama a hâ nga ma di bokoono, ay mo na sanka sunbu ka samba nodin. ²⁶ Amma ay sinda hay kaŋ ay ga hantum bokoono se. Wodin se ay kanda jaama kulu jine, wana wana ni Aggripa, ay ma du ga bay hay kaŋ ay ga hantum sanno ciine ra." ²⁷ Zama ay wo se, a ga hima hay kaŋ si hagu, ay ma kasu ize samba, ay ma jaŋ ga taali kaŋ go a boŋ cabe.