¹ Theophile, ayi salan ay tira sintina ra, harey kulu kan yesu sintin ga te da mo ga cawandi za sintina ga. ² kala hana kan ina sambu bena ra, wato kan a na lordi yan no biya hanna do harey diyawey kan yan a subane yan se. ³ A gurzugay yan co banda, a bangay ise bafunante, a na ino mo seeda bobo, a te jirbi weitaci a go ga inga bon cabe diyawey din se, a go ga sobey ga salan ise hari yan kan ga Irkoy koitara guna. ⁴ Wato kan igo ga margu care banda, Yesu na i lordi ga ne ima si mooru urusalima, amma ima sanka kan babo te batu, wo kan ay na aran kabaran din da, a ne ise. ⁵ Zama Yohana na baptisma te haro do harey, amma aran wo, ne da jirbi manante yan, aran ga du biya hanna ra baptisma. ⁶ Kala diyawey margu ina hayan te a se: Rabbi, alwato din ra non ni ga ye ga Israila koitara gorandi? ⁷ A tu i se: manti aran wane no aran ma bay zamaney da alwatey kan yan baba dan inga bon daboro ra. ⁸ amma aran ga du dabari fo, biya hanna ga ka aran bon, aran ga te mo ay seeda ko yan urusalima ra, da yaudiya labo ra, da samaria labo ra, kal anduniŋa me. ⁹ Wato kan ana wone ci banda, ina sambu wato kan igoga gune, kal bure fo ka ga kome i moize ga. ¹⁰ Kan i go ga bena gune, wati kan a go koy, guna boro hinka fo kan gonda bankarey koirey yan bangay ise, Ine galile borey, i fo se aran go ga key ga bena guney? ¹¹ Yesu wone, kan isambu ga ka aran game ra, ga koy bena ra, ga ye ga ka alhali fonllonka ra kan aran diya a go koy bene. ¹² kala iye ga ye urusalima, olivier tondidaro, kan go urusalima jarga, jando ga sabanda habufo cine. ¹³ Kan i to, i karu da ka beena fuwo ra, nango kan idona ima key; I go ira Bitros, Yohanna, Yakouba, Andraos, Filibos,Toma, Bartalami, Matta, Yakuba, Alfa ise, Siman kan gonda anniya, da Yaude, Yakuba ise. ¹⁴ I kulu te affolon sobbey ga koy jiney adoua ra, hal da weiborey, da Mariama, Yesu wane nŋaco, hal da keyne alborey. ¹⁵ Zari wodin yan ra, Bitros tune ga key ceyze alborey gamera, jama kan margu ga sabanda boro zangu da waranka. ¹⁶ Bitros ne: ceyze alborey, kal day harey din ma kubey, kan yan biya hanna jine ga kabarandi kan yan fun daouda mayo ra yaude bon kan furo borey kan na Yesu di jine ¹⁷ Ina kabu iri ra, da mo a goronda ba goy follon ka wo ra. ¹⁸ Alboro wo, da talo din banando a du fari fo, a kan, a pati inga gahamo bindo ra, gunda ra jiney kulu sey sey. ¹⁹ Urusalima borey kulu ga bey harey wo ga, kal nan kan se icina ga ina faro ma dan Hakeldama, kan a ferijo ga ti kuro faro. ²¹ akal day yadin ga, borey din kan yan na iri dum alwato kulu kan iri nda Rabi Yesu goro care banda, ²² za Yohanna Batista ga kala zaro kan ina sambu ga ka iri game ra, i ma du ira afo kan ga hangasiney da iri ga te seeda a bu ga tune yaŋo dine bon. ²³ Ina boro hinka keyandi: Yusuf kan i ga ce Barsaba, kan gonda maa daka kan se iga ne Yustus, da matiyas. ²⁴ Wodin banda, ina addu wone te: Rabi, nin kan borey kulu biney bey, cabe boro hinka wo ra wo- kan ni subane. ²⁵ Kan ganan a ma du kanandi goy bajino wo ra da mo diyaw tara wo ra, kan Yaudas furu ga koï nga koira. ²⁶ Ina maa hinka dan caca, mo caca kan Matiyas bon, kan hangasiney i weï cinde fa ga.