¹ Ay ga ba ka kaayaŋ hinzanta te araŋ do.seeda hinka wala ihinza me ra no sanni kulu ga tabbat. Ay jin ka kaseeti araŋ gaa, waato kaŋ ay kaa araŋ do sorro hinkanta. ² soho kaŋ ay si noodin, ay ga ye ka woone ci koyne: Hino d'ay kaa ay si jalla borey kaŋ jin ka zunubi te din gaa, da boro cindey kulu mo, ³ Za kaŋ araŋ goono ga seeda ceeci kaŋ Almasihu go ga salaŋ ay do. Almasihu mo mana jaŋ gaabi araŋ se, amma gaabikooni no araŋ ra. ⁴ Zama daahir gaabi-jaŋay do no i na Almasihu kanji, amma Irikoy dabaro do no a go ga funa. Iri mo londibuunoyaŋ no a ra, amma iri ga funa a banda nda Irikoy dabaro araŋ nafa se. ⁵ Wa araŋ boŋ neesi ka di hal araŋ go cimi fonda ra, wa araŋ boŋ guna araŋ boŋ se mo. Araŋ si bay araŋ boŋ se kaŋ Almasihu go araŋ ra no? ⁶ Kala day d'araŋ si hin k'araŋ cmbeero goonoyaŋo cabe. ⁷ Soho iri go ga adduwa te Irikoy gaa araŋ ma si hari laalo kulu te. Manti hala sanda iri ma bara yaddantetaŋ bo, amma hal araŋ ma te haŋ kaŋ ga boori, baa iri ma ciya danga wangay hariyaŋ. ⁸ Zama iri sinda dabari kulu ka gaaba nda cimo, kala day iri ma goy cimo se. ⁹ Zama waato kaŋ iri jaŋ gaabi, araŋ mo gaabikooniyaŋ no, iri go ga farha. ¹⁰ Wo kaŋ se iri go ga adduwa te mo: araŋ jine-koyyoŋo no. A sabbay se no kaŋ ay si nodin araŋ do, ay go ga hayey din hantum hala waati kaŋ ay ka araŋ do, ay ma si futu araŋ se da dabaro kaŋ Rabbi n'ay no araŋ jina-koyyaŋo se, kan manti araŋ halaciyaŋo se. ¹¹ Bananta gaa, nya-izey, kala han fo. Wa jina-koyyaŋ ceeci. Wa te bine-gaabi. Wa te laakal folloŋ. araŋ ma goro nda laakal kanay. Irikoy mo, kaŋ gati baakasinay da laakal kanay koy ga goro araŋ banda. ¹² Araŋ ma care fo da baakasinay garbe sunsumyaŋ hanna. Hanantey kulu go g'araŋ fo. ¹³ Rabbi Yesu Almasihu gomno, da Irikoy ¹⁴ baakasina, da Biya Hanno ra markasina ma bara araŋ kulu banda.