DCS-Mirror-parfait-ayanou_dic_jas_text

Bhɔ̃lèda 1

¹ Jaki, atô Lagô èya klignon Jesucrisi wa lobénougnon, ibàlê kougbà sor dià isàlêla yokou. ² Aniyi yokou na djàká wêli kádi, ano wouhogni, gbiyràlia gnénéla agnià ³ ma ayibélésá gba agna pôtêtê gbiyraliá ignê plèkoufàli. ⁴ Atali plèkou faliagni ika ipôsa agnini nou sê akayini yrimolé, sê bèblogbi ti agnini gnoumolé. ⁵ Ma gnonkpô ka agnini dégali batêni, ô yralé Lagô ,ôkala ô min gnin pôwôtêni ni ízala yralini kou yàli boubô yralê lahô mi ní ô gné wami. ⁶ Ma ô yralê pôtêtêni sê ôna titrèlê, ma liô titrèlèla kouna djigné êkou gouéli, dê popo louha bolêkou ni êpala éyi daboha. ⁷ Ma dènè gnonkpôni na gougougba klignon yiôkou wonou, ⁸ gnonkpô liô nilà kougiglalê mon, ô nonhou nonhou ni kplô. ⁹ Anowléliô nilà bêkà djaká yéléô or klibiôni ¹⁰ ni gnêbêloua ma djàká yéléô or zié wêliani inèza ôyi kou na youyê koulà kloini. ¹¹ Yrou vala bokou lièli kadini, ou sié goloubakou, ni youyèa blézô ni ê nanonha mlon. Gnèbèlouha sakou monla, ô biadà or nounougbià nédé. ¹² Plèkou mènon gnéni liô zouêla têti gbiyràliani ma daliô ô zouêla têti, ôyi poupou wlougbléani lié a Lagô zoula doukou wáwà lahôhaza. ¹³ Gnonkpô nanougbà, dè gbi yrali gnéné lahôni: " gbiyralia wlê Lagôni" inèza Lagô gnégni gbiyrali gnéniô ni ôfa ôyigatiti gnonkpô gbiyralini. ¹⁴ Gnonkpô gnonkpô i orbatèla ougôni gnénéhô ifayô gbiyralini ni ifayô fin. ¹⁵ Ni wà walala wahou wan wàbà zi gnégnikô í, yrimoléla, gninlà koué. ¹⁶ Ana mlonlê kou na wàwà nohouógni. ¹⁷ Gninli nania bohani, gninli giglàlêla kou wlê Lagôni, sanili itô. Liôni zouzou kétchila nilakou. ¹⁸ Lagô nougba ôka agni poupou gnin ô nouawlê lopéliani, sê aka ô têkawan lélé bor ô yali ô noulàni. ¹⁹ Ayibéléyi na wáwá nowouhô gni, èya gnonkpô gnonkpô plokô sê aka noukouipo, ana lopé fafá, anapá fafá gbougblê, ²⁰ inèza gnonkpô ô gbougblê palià inou Lagô ô pôsà. ²¹ Êzani dê apalabô gnégnia boà èya kanon bilila agni doukou, akouzi pôwôtêni nouwêliakô igoliola ágninia ni iyi mino sê ikala agnan ougouiya géyrissa. ²² Azou Lagô nouwêlia klikpàni èya ana blolé ô noukouyi poliàni yikô daliô ayi gatiti agnan gougouli fala agni igàdàbô. ²³ Ma gnonkpô ka nouwêlià noukoui po ni or niyàkou nonhoulêni, ô kouna gnonkpô liô wlélà ô tchrí nè klià kaho lioni. ²⁴ Ô wléna ô koukou tàkpahà ní dê ô mlêlani, ô bogáni sê ô kliá koulà kou. ²⁵ Ma liô nonhoulêlana nouha wlê djrémakou, djréma gnèla pôwôtê ni inouhoulê kôkô apôsa, inibà alopégnon bolákoulé, gnoupalê yimon gnéni sê izoulà djréma klikpani. ²⁶ Gnonkpô ka gougougbà ôlé Lagôgnon ni ôya or mionha ni ninoulini, ô gbia or pôlêa ni or palouà lé sokou titi. ²⁷ Palou kpôla ni oula pàliali kou Lagô klikou, ilégba aklalè kouwouho èya kouzi wlê bô wa gbayrissalini èya ana koulê poupou ni nê gnégnini.