¹ Nowlihouagni,waca gnôkpô kowloulè ôliô nola yè gnégni ni,agnihoua kala Sani wougôha ni,agnrougouéléô koh pôhoun wougô ni. Wlé néhi cluîh,itica gbini yirô. ² Ah palè palè kôkô,ya aca Chrissi ôh djréma noh. ³ Gnôkpô kah toutou gbah ôyi bêh lilini,ôni bèléni,ôyi ôh bacluî. ⁴ Gnôkpô gnôkpô bia ôyilè loboli,ni ôyi wèlini ni ôyé ôyi wloufiali ôyiza,ni inika yigada gnonza, ⁵ massè gnôkpô gnôkpô yé ôyilè gbaco bèli. ⁶ Gnôkpô liôh wah tchala nouwèlia ifatagba ôh noh ôh nanboa ôh tchalôa koh. ⁷ Anan gbia ayi:wassili Lagôh. Sah gnôkpô yéla golou,ôyéssa sah cloh. ⁸ Ôh goléla ôh yèkèa zahni yéh yrili ôh yèkèa zah sah,mah ôh golila wougôha zah ni yîh loko ya loko loko lèh wougôha sah. ⁹ Anan gnrougoué nan kouli,massè ayi tagni nania ni sah,anica gnitali. ¹⁰ Eza,daih aca djolila,a no nan yaléaboa koh,satchri anowlihoua pôtètèni koh. ¹¹ Awlé bôgo kado îh ziélagni nan wléani, ¹² wabo walagba wakala wayi nan clah yèkèani nîh kassialèga gnah adiôko,sah cluîh técagni biah Chrissi ôh dablassoua zah. ¹³ Massè wah liôla koh wayiga wah nôhoulèla djréma koh,mah wah wagba ah diôko,sah waca wayi wloufiali agnan yèkèa ni. ¹⁴ Nan bôzah,wêgougé léla gba îh fialè néhi wlouh agnan Clouégnon Jésus Chrissi ôh dablassoua niwlou tromalèhoun bôh, ôh naza popoa boliôla dablassoua yri,légbassè îh lélô popoaza ! ¹⁵ Massè sani bèlé gba îh diôko anni éna diôko,iléla bèni, légba élili gnèkpa léliou. ¹⁶ Poupoué ya vali gnéni Wabo yila danilè mini kodjé,y à Lagôh ôh Israëli. ¹⁷ Essôko gnôkpô nan biasséhoun cluîh,massè ibèli Jésus ôh yibéléla nan yèkèa koh. ¹⁸ Nowlihouagni,agnan Clouégnon Jésus Chrissi ôh wougôha koagni koh! Ecossè !