DCS-Mirror-parfait-ayanou_dic_eph_text

Bhɔ̃lèda 5

¹ Alili dèza Lagôh ôh didialèhouan,lègbassè ôh wawawouho, ² sah anôhoulè walouni,Chrissi ôh didialèssacou,ôh walagni,ni ôzoulèla oyiga Lagôh côh pèlou agnaza lègbassè gnègnè bêh ni wlè sraka nanan sacou. ³ Toutoussacou,ini toutou mlôli,ya gnèkpa mlali,ina couhagni ni,sah ica kplôkplôhouan gah nama. ⁴ Anan nouh toutou wèli,ini pômla wèli,ini silili,inila yènani bônôcoucou,ilili gnoupalè nounougbi. ⁵ Eza,allibéléyinan,toutou wèlimlogbi,ani inila kplôlili,ani gnèkpamlali,izôligba bagoglouali,nîh djalili Chrissi ya Lagôh ôh gnèbèli douani kah. ⁶ Gnôkpô mlogbi nan gbialèagni sècoulè nouwèlini,massè dalè baza Lagôh ôh gbougblèa lli gnèkpa mlawouho coh. ⁷ Ayamoi nan coulè samlogbini. ⁸ Issôco aliba titikpa,ni ôplè aléssi lièli Clouégnon nîh! ⁹ Massè youyê nilè lièli coulè bananan boani,pliali ya nouawlè ¹⁰ Assa inanilèla Clouégnon nîh zôh, ¹¹ ni anan coulè titikpôani lèh lobolini,ma dèza apayi palouni. ¹² Eza ili zié saca iwanèla zouzou gaillèni loupi, ¹³ ma ibo piôla palouni,niôlè lièlini,massè ibo niôla lih lièli. ¹⁴ Eza iloupiola gba:ganon,môgnon pila,boco coucouhouan nédi,ni Chrissi yi môh cohannia. ¹⁵ Azoulè plècou ilila gblimalèli ya ni,ini pômlahouan sacou,ma coguiglalèhuoan sacou, ¹⁶ aflo tagnia,massè yria gnou. ¹⁷ Eza ana liô bêh,ma ayibélé sah gba Clouégnon ôh pôssa mon. ¹⁸ Ana louho ayi nounco:toutou wèlimô.Ayé dèza kplôkplô wougô couh,atchalè tchalè ayi lagôwèli,lamlili ya,ya lagôli,léh ya pôlinilè boubiéli Clouégnon, ̀ ¹⁹ ²⁰ apalè côya côh To Lagôh gnou iboaza,agnan Clouégnon Jésus Chrissi ôwliani, ²¹ agnihouan lalèla ayi Chrissi ôh anhnoani ayi doucou. ²² Wlingni,ala ayi agnitié cluico douco,lègbassè Cliuégnon, ²³ massè houndi léh wlon ôh clouégnon lègbassè Chrissi lila palou outou,ilila ôyèkè,ni ôh léla gbonéssagnon. ²⁴ ma,samloa paloua ziôlèla Chrissi nîh,wlin ah yiclossa soliôa boani wagnitie ́noun . ²⁵ Houndié gni,awama agnan wlin,lègbassè Chrissi wala paloua,ya lègbassè ôzoula ôyi ouza pèlou, ²⁶ sah ôcayou loupi wèliani kplialè,dèh ôh kplialèlô gnouwli zou gnouani, ²⁷ sah ôcayô palou nanoua cluicou lah,ini kpafouni,ini gagada,ini wloulèli mlougbi ni,ma kplôli ya pôwôtôlini. ²⁸ Sah houndié cala wawlin wama lègbassè wah yèkê sacoh.Ôh wala ôwlon wa ôyi. ²⁹ Massè gnonkpô moogbi laza ôh yi lèh yèkê zômlèlè,ma ôh lié yè ni ôh clayè nan,lègbassè Chrissi nèli paloua yokou, ³⁰ massè ali ôyokou coulèhouan. ³¹ Iza gnonkpô yila ônon ya ôtou yocou wlou,ni ôyei ôwlon séli,ni wayi yèkê mlou léli. ³² Dalè wèlia tèni,iloupi dalèlia Chrissi ya paloua zah. ³³ Itioulabô,gnonkpô gnonkpô wama ôwlon ôyi sacou,sah wlon zouh ôgnitou.