DCS-Mirror-parfait-ayanou_dic_1jn_text

Jan 2

¹ Na wouhogni, ikleágni balini sè atignegni nou. Ma gnonkpor ka gnégni nou, aka agnan gnonkpor lopéla agniga atoa yokou, JESUS CHRISI kplorkplor yoha. ² Or lélior za, ma blia bouboa w gnégni. ³ Lini-ni,ayissagba ayilor,aka or djréma korka. ⁴ Gnolèlagba:"oryi LAGÒ,nior djéla or djrema koua,kaklougnon mon ni nouawléa nikou. ⁵ Ma gnonli yila or nou wèlia korkouzini, LAGÔ or waloua kouyor gagassakoani. Sa nè linini, ayissa gba LAGÔ ni akoulè. ⁶ Gnon nèlagba orkoula LAGÔ nini or nonhou nasê JESUS oryigalili nonhoula. ⁷ Wawa wouhogni, iklika agni djrèman lélé, ma gorgorbla djréman mê ignèhagni bor zorbordani. Gorgorbla djréma, alé nouwêli anouba. ⁸ Yria bouboa kouni izié agni djréma lélé léla nouawlè CHRISI ni èya agnini , titikpokpoua pior koulani ni tchrinè lièlia koussida gani. ⁹ Or nèlagba or koula lièlianini ni or nila orno wlè wani or kou korkor titikpokpouani. ¹⁰ Gnonlior wala or nowolèa kou liè liani ni gnègni yilor doukou paliani nior nikou. ¹¹ Ma lior zorla or nowlèni kou titikpokpouani ni or nonhouin titikpani; or niyi dè or mlè niyi ma titikpa nouhor yiforgnon koy . ¹² klè agni na wouholiagni, ma agna gnegnia vior agni CHRISI orgnliaza . Iklè agni ato, ma a yibèlè lior or koubla dè poupoua borkla zorha. ¹³ Iklé agni gnebli gni, ma assia dèvléa. Ikléa agni, wouhogni ma ayi toa. ¹⁴ Ikliba agni ato, ma a yibèlè lior or koubla dè poupoua borbla zorha.I kliba agni gnebli gni inèza atèni ni LAGÔ or wèlia kouhagnini ni assi dévllèa. ¹⁵ A na wama trè-trè poupouni èya bakoula borha. Mon gnonlior yala poupoua, LAGÔ or waloua ni mon nikou. ¹⁶ Ma liboubo koula poupou niniani,ibatè iyro or bakoulahor yokoua, ibatè iyro orba orkala, èya wawala kpagni wahia ni. ¹⁷ Poupoua ya ou nanèba yi pli, ma orlir nèla LAGÔ labèa yi korkorkou. ¹⁸ Wouogni, akoussi gbèbèlèyriani ni anoula gba dévléa yéla, tagnini dévléa orzousi kpagni doukou ni lininimi ayibèlè sagba akousi wlantchihi y gbèbèlè yriani. ¹⁹ Wawlou agni nédé, ma waniba agnini nè lialè ni ikakounonsè orléba agni ninèlior, or ya agnisor yiba bononha bolo bli. Ma wawloa agni ni sè orkaba agni palia gbê orniba agni nikou. ²⁰ Ma agni, ani têtia lior or kpor la or gnlia ni agni bouboa agni nouawlèa. ²¹ Izié ka agni msê ankala nouwlèa yi ma izié agni izèza, ati bèzaya ni kplala-kpla ni nouawlèa nikou. ²² Inonlè kpa kplougnonha, inilior or yibèlèla gba JESUS léla klignonka? dè nègnonkpor ni lèla dévréa a la LAHÔ or wouhoa waha dè or yibèlèla ato LAGÔ ha ni or yoha JESUS. ²³ Gnonlior or yibèlèla LAGÔ or yohani,ni toa ka ni dènè lior or yila sa gbè LAGÔ or yoha monlani, or mob ma or monms or yiklou ato LAGÔ. ²⁴ Ma agni, lia noula poupoua oubolè dassia ikou agnini ni klou akouklou yohani èya or touni. ²⁵ Ni ania li or na kaba agni gninha:korkor nè poupounanoua. ²⁶ Ikli agni dènèlini wa wassaha agni na bonobha kouza. ²⁷ Ma agnazani, têti ani lani kouagnini korkor ni anan bat̀ tchagnon ormon. Ma or têtia tchala agniboani ni akoula nouawlèaniani,inika kplakplou wèlimon; akoulè or yikor or tchalia i anilani. ²⁸ Ni porplèni na wouhogni. akoulr̀ orni ya dè or ksls yiani aka plèkou tènon kali èya atihor bor troumalè ziéni dè orkala yiha. ²⁹ Akassayi gbè or giglalèkouni, ayibèlèhi gbè gnonlior koula kougigla lèlianiani orni orwloulè.