1 "Rẹji angẹl nọ ri vbi ọsẹ vbi Efesu vin: Ena wui eta ghi onọ mu ahiẹnhiẹn ihiọn vbi ọbọ ọdiọn gghoe bi ọnọ shan vhi use ghi eba mu urukpa an ghi igolu ihiọn, 2 "'I ein ebi vba u bi obia nọ ohiae ghi ovba bi oziẹn ghi oziẹnegbe vba, I ein khi vbai meti ziẹngbe ghi ọhọbe, I ẹin khi vba danmi enina tae khi apọstu ni nain u, sopkẹn nini nain u, vba ho nain miẹn khi ashan ọ. 3 I ẹin khi vba mọin oziẹn ghi iziẹngbe, vba gbo shan emi nọ bun rare ohiọ ghi ein mẹn, ọsẹkpẹ ri iyọ, ọi ghẹ vba. 4 Sokpẹn I mọin ọna rẹhan vba --vba kpare vbi ihọnmẹke nọ okpao. Ọhiọghọna, vba eere ehe ni vba dade. 5 Oẹkẹdeluẹin ni vba u eninii vba kpao u. Si vbai oẹkẹdeluẹin, mio vbae ji re mu eba mu urukpa vba kpavbi ehe ghọi. 6 Sokpẹn vba mọn ọnan --vba mọn ikhuẹkẹi ji emini evba Inikolashan u ni mẹmẹn gbo nẹn ghuẹkẹi. 7 Ukha mọn ukpeho, daehọ ghi ebi Etin ọ ta main evba osẹ. Rẹji ọnọ khuosho mio rehe nain rẹ e vbi oran agbọn, nọ rivbi iparadise ghi Oiselebua.' 8 "Rẹji angẹl ghi osẹ oghi Simaina vin: 'Ena ni khi eta ghi.ọnọ kpao bi ọkpehinmi --ọnọ u nọgbo che kiẹn ọnọ rivbọ: 9 "'I ẹin ioya, ẹsọn bi aimọin ovba (sokpen mi vba fe), bi arunuria ghi enọ tae khi Iju ni nain u (sokpẹn nain u yọ --isinagọg ghi Esun ni nain u). 10 Vba khai lofẹn ghi ioya ni vba o e. Kaoghe! Esu mu egbe nọ da fi eso vhuse ovba ghi vbi ẹkẹ ighan na da damin vba ghe, bi ni vba da oya vbi ikpẹdẹ igbe. Vba u ata rẹ si uu, mio ri eru iriere ivba. 11 U kha mọn ukpekho nu da ekhọ ebi Etin ọ ta man enọse. Ọnọ khuosho ya mọin iregbegbe vbi uu nọzeva." 12 "Rẹji angẹl ghi osẹ oghi Ipagamọs vin: Ena ni khi eta ghi ọnọ mọn agada nọ mọn akodeva nọ muu: 13 "'I ein ehe ni vba deha - ehe ni akpete Esun ri. Ọrẹriyọ, vba totobọ mu ein mẹn gbain, vbai sin amiehọn ghi ovba vbẹkẹ mẹn, akiẹ vbi ẹdẹ ghi Antipas nọ riọse ogho omẹn, ọnọ wu atan ni, nan gbe vbuse ovba, eni Esun da ẹẹin. 14 Sokpen I mọn emi eso ni kọọ mu vba obọ: Vba mọin eso ghuse vba ni nain totobọ mu amaman ghi Ibalam mọin, nọ main Ibalak nọ fin idegbagan vbi odao ivbi Isrẹl, ni nain da ebae iuọbo ji ẹreọ bi awee oghẹẹ. 15 Vbi ukpodẹ ọkpani, vba gbo mọin. eso ni nain totobọ mu amaman evba Inikoleshan. 16 Oẹkẹdeluẹn, ohioghọna! si vba u yọ, mi o rotua vae ga vbare, mio ri agada nọ dianre vbi unu mẹn ri osho gi nain. 17 U kha mọin ukpehọ, da eho ni Etin ọ ta ma evba osẹ. Rẹji ọnọ khuosho, mio mu eso vbi imana nan rikhi vbi uhegbe mio gbo ri udo nọ fan na vin ehin nọgbọn khi, ein ni uanso iẹin sokpẹn ọnọ miọ e.' 18 "Rẹji angẹl ghi osẹ oghi Tiatira vin: "Ena ni khi eta oghi Ovbi Oisẹlẹbua, nọ mọin ẹo enibi oeinmi erain bi aẹ nọ rẹbi oẹnmọn na remi gbo o. 19 "'I ein emini vba u - ihọnmẹkẹ, adiuduan bi igami oziẹn ghi iziengbe ovba, I ẹin ghi ebi vba u ọgbon nan ọ lẹ ọni vba u ikpao. 20 Sokpẹn I kọ ọnan ghi vba obọ: vba ziẹnegbe ghi okhuoho Ijezibẹl, nọ chie gbọe oẹn. Rẹji amaman ghoe ọ tẹi evba ivbiodogho mẹn ni nai.gbi uẹin oghẹẹ ni nain gbo ebae. iuobọ ji evba ẹreọ. 21 I rẹghẹ nain rẹ oẹkẹdeluẹn, sokpẹn, oi ho nọn rẹ oẹkẹideluẹn vbi uẹn igboẹ ghọe. 22 Sanẹoa! mio fiẹ ghi vbi ikpalẹ emiamin bi eninain kpaẹ gboghẹ hivbi ioya nọkhuae, sọ i u khi nain oẹkẹideluẹn vbi a u ghọe. 23 Mi o ri uu gbi ivbiọ e, evba osẹ mi nan gbo ein khi mẹmẹn ni khi ọnọ gualọ ahoo bi udu. Mio rẹ ni otu ọkpaọkpa vba zẹn enibi au ghọ e. 24 Sokpẹn rẹji enọ kẹre vhuse ovba vbi Itaitira, rẹji. agbọn erẹmẹ ni nain mu oni amaman na, bi nain ẹin. bi eso ọ chọe emi nọ dinmi ghi Esun - rẹji vba i tae 'I chie mu ihiẹ ovbehe he e vba.' 25 Ọkpẹrẹ ri iyọ vba ghe muọin toto sẹvbọ hi vae. 26 Ọnọ ghuoso nọ gbo u ebi u sẹ vbi ikpehinmi, rẹji ọ mio mu iyi nain hivhi uhọnmọn evboo ọdọdan. 27 'Ukpinkhun nọ rẹ rẹnain shan, eni bi akhe ghi owẹ mọn gbo nain rẹ chiẹn esesẹmi.' 28 Eni bi e miẹn mie vbi odo era mẹn, mio nẹ gbo ri ahiẹnhiẹn ewievbiẹ nan. 29 U kha mọn ukpehọ, daeghọ ghi emini Etin ọta ji evba ọsẹ.'