¹ Aẹnẹn nọkhua amiọin vbi einmin. Okhuoho nọri ovọn voo egbe,ni uki riọe vbi odotọe aẹẹ, eru ghi ahiẹnhiẹn igbeva riọe vbi uhọnmọn. ² Mọn hanma, ọfi urun vbẹkẹ afivbẹmi, ọrivbi ọriaa ghi ọmọn ivbiẹmi. ³ Agbo Mina aẹnẹn ọvbehe vbi einmini kaoghe! Idragọn nọkhua nọ vbae nọ mọin uhọnmọn Ihion bi ekhuamin Igbe, eru Ihiọn riọe vbi uhọnmọn. ⁴ Urumu ghọe wọlọ ahin eha ghi ahiẹnhiẹn a vbi einmin ọhiẹ nain kuọ vbi oto agbọn. Ọni Idragọn muzẹe vbiẹ, odao ghi oni okhuosho nọ hoo nọ vbiẹ ọmọn, noda u khi ọkha vbiẹ ọgbọnọmọne. ⁵ Ọvbi omọn, omọn ọmọhe, nọ ri ukpẹkpi ikhuun rẹ ẹvboo eremẹn. Amiọe ọnọ mọn ji Oisẹlẹbua vbi ẹkpete ghọe. ⁶ Ọnọkhuoho lẹ lọde vbi ọdagbe, ehe ni Oisẹlẹbua da ẹhẹn ghe khẹoe, nada gbẹo kaoghọe vbi Ikpẹdẹ ẹgbẹẹn vbo di bi ẹhan bi Ikpẹdẹ egbọeha. ⁷ Ẹghẹna oshio rivbi einmin. Imakel bi angẹli ghọe kpai Idragọn khọn oshio, ọni Idragọn bi, angẹli ghọe da nain kpa nain khọn oshio. ⁸ Sokpẹn ọni Idragon oimọin itotomisẹ rẹ khuoshio. Ọhiọghọna, ehe ki rivbọ nain bi angẹli ghọe vbi einnuin. ⁹ Ọni Idragọn nọkhua ni--ẹyẹn nute na chiọe esun, nọ tẹẹ otọ agbọn erẹmen-afiọe fio vbi oto agbọn, evba angeli ghọe afinain rẹkhuanin. ¹⁰ Ida hin urun nọkhua vbi einmin, "Ẹgbẹna amiefe vae, itotomi, ẹghẹọba ghi Oisẹlẹbua main, bi Iyi oghi Ikristi ghọe. Ọhiọ ọnọ sui imiọn main ẹzọr afiọe fiọ vbi otọe, ọnọ so nain ẹzọr vbi odao ghi Oisẹlẹbua main odanmi bi ason." ¹¹ Nain khuoshio ghọe rẹshin ere ghi Oghogho bi eta ghi Irosẹẹ gho nain, Ọhiọ nain họnmọn ẹkẹe ẹdẹ agbọn nain, na kha rẹ u. ¹² Ọhiọ ghọna, vba kha ghọnghọn, vba einmin, bi erẹmen nọ deha vbọ. Sokpẹn ikhueo ji otoagbọn bi olokun Ọhiọ esun vae ji vba. Ọvoin ji nọkhua, ọhiọ ọẹnin khi ovbi ẹghẹ kere nọ mọin. ¹³ Bi ọni Idragọn rẹ ẹn khi afiọe fiọ vbi otọ agbọn, ọlẹ khuọ ọni okhuoho nọ vbi ọmọn ọmọhe ni. ¹⁴ Sokpẹn amuin Iguabiruẹn eva ghi akala nọkhua ni ọni Okhuoho, nọda meti tin lodẹ vbi ehe na ẹhẹnin khẹoe vbi ọdagbe. Ọna ni khọ ọni ehe nada gbẹo kaoghọe vbi ẹghẹ, ẹghẹ nọbuun, bi ushọnmọn ẹghẹ- Kpavbi ọdao ghi ọni ẹyẹn re. ¹⁵ Ọni ẹyẹn kui ame da vbi unu dianre enibi ẹdẹ node rọe kiẹn iogho rẹ siọe kua. ¹⁶ Sokpẹn otọe ri ikhọbọ ni ọnokhuoho. Otọe taan unu ghọe a miọ ọni ame ọọn ni Idragọn ku da vbi unu ghọe dianre. ¹⁷ Ọni Idragọn da min ohun ghi ọni okhuoho, ọda kpare khe kpai uanmin ghọe nọkẹre gbegbe, enọ rẹkhain uhi ghi Ọisẹlẹbua nọ gbo muin Irọsei ghi Ijesu mọin. ¹⁸ Ọni Idragọn da muze vbi ekhae ghi eikiki ghi olokun.