¹ Ijemisi, ovbiodogho ghi Oisẹlẹbua bi oghi Ẹbiarian Ijesu Kristi, ji uhọnmuro igbeva ni nai fikhakha oruẹ. ² Oọe erẹmẹn eghọnghọn, imiọmẹn, si vba mi okpokpo ọdọdan, ³ vbiẹmi khi idanmighe ghi adiuduan vba mọ bi iziẹnegbe. ⁴ Ji ziẹnegbe fo obia ghọe nivba da gha vbiohiami, vbẹkẹ aihoemiọn so. ⁵ Sokpẹn, uanikhuan nọ hoẹwain, vbi vbobọ ghọ nọ rọere, Oisẹlẹbua, vbudunọfuain bi aizuyọn ni enọ vbi erẹmẹn, Oisẹlẹbua mọ rọere. ⁶ Vbamiẹn vba miehọn, vbẹkẹ aimọn azioeva, ọnọmọn azioeva mọ rẹbi ikpoghame ghomi ghokun, ni efoo ọkhulẹga. ⁷ Ọọha ni yọ khai oọe khi mọ mi ahoo ghọe vbi Ebianrin. ⁸ Ọọha niyọ ọọha ghuduevaọ, ọimuzẹ vbukpodẹ ghọe erẹmẹn. ⁹ Omiọn nẹsọngbe kha rivbọ khae vbi muzẹmi ghoẹ nọ dae, ¹⁰ si omioin nọ fe rivbi degbere, ọniọ mọkpare enibi ododo nọkhọọ vbogo ekpare. ¹¹ Ovọn nọzẹ re bi igbẹn ghọ tohia ghọe ka ọnoran , ododo ghọe delọkua osẹn ghọe u. Iyọ ni eọha nọ fe hio ẹẹkua vbi damidami ghu ẹẹn nai. ¹² Ihanba ọrẹji uan nọ ziẹn egbe ghi damighe, ọhiọ ọkha unọnsẹn vbọ, mọ mi eru gharivbo, na riruọmi ghọ eni enọ họnmẹkẹe gh'Oisẹlẹbua. ¹³ Uanso khai ta sa danmọi ghe, "Ọni damighe na odo gh'Ọisẹlẹbua ọ da vae," ọhiọ emiọbe ya damọn Oisẹlẹbua, Oisẹlẹbua ne gbọe ya dami uanso. ¹⁴ Ahoo nọbe ghọ diọde nọ hian ruọe vbẹ o nọ damọnighe nọ gbo siọe. ¹⁵ Ehimi ahanma ahoo ghọkhọọe, avbi ọkhọọ, ọkhọọ khaki rohiare eeghọe wui uu. ¹⁶ Vba khai juan tẹvba, imion mẹn nayan. ¹⁷ Egbe gbo han bi ohan nọ ghae erẹmẹn okhumu ọda vae, davbi odo gh'Erha ghọ fuan dotọre. Ọya delọ enibi odidi nọkpare vbehe ghọe. ¹⁸ Oisẹlẹbua mui arivbọ imain ivbi vbe ta gha ta nimai da rẹbimọnmi nọkpao ghikperan vbuse gheba main ghọe. ¹⁹ Vba ẹrẹn ọna, avba imiọnmẹn nayan. Agbọn erẹmẹn tua kha họn, vbakhai gbegbe miohun. ²⁰ Ọhiọ imiohun ghọ ọha ya bi obia nọfuain gh'Oisẹlẹbua. ²¹ Mu uẹẹn erẹmen ghọkhọọ ghi iwien fia bi emiọbe nọri vbehe erẹmẹn, vbidegbere mi eta nakọe, nọ meti simi udu wẹa ²² Rẹhivbeta, khai họin ọkpa, vbẹkẹ vba tẹ egbe vba. ²³ Uan kha heta khọi rọeu, ọrẹbi ọọha nọ kaa ghẹo ghọe vbughe gbe. ²⁴ Ọkaghẹoghọe, ọkpavbehe ni re Ọisẹkhuẹ egbeọea ebẹoghọe kieri. ²⁵ Uan nọfunẹn egbere ka ghuhi nọ ghae, uhi ghi uangbe, nọ rẹkhanin khọi urui ọnọ họin yọ nọ ea, mọ na ọkien ọna hiariba enibọ hia ruọe. ²⁶ Uan kha roegbọe khọ fuain, sokpẹn ọi kui kaagha hi vbo en mi ghọe, ọtẹ udughọe. Ifuami ghọe ahoiọ. ²⁷ Ifunanmi nọi mọn iruẹn vbodao gh'Oisẹlẹbua bi Erha ni khọ na, nudakpa enoi mọn erha bi evba ọron obọ vbi aoyaghonai, nudagbo khẹ egbẹ kpavbi ọriae ghọnagbọn nare.