¹ Bulus, Sila, ki Timoti a ban Ndeyi a Tassalonikaku a tong Ndeyi boti ki bomu a bano Yesu kiristi. Tili modi ki deino lahiya deyi tong zehe ki nguni. ² Lei tamiya mu ishe kunnuk Ndeyi a kakku shafku, kit shida yo mu dibshe nguni tong donshu mu. ³ Mu dibshe nguni an ladubu a dom Ndeyi mu ki bomu me rutanku yo ona jire, ki ndaltu. Ki habri zoha tili ka ka eiyo a dom tong bomu Yeso kiristi. ⁴ Yagananno ngu ana ndaltu Ndeyi, mumanankotik wung lukua, ⁵ Eni Ndeyi mu ndino gyem ku ki bei eni modabibu, me ki mene ki gyem kelui bu'uno ka a ke'e ki bei Ndala. Me kika ka'a, ngu manankotik muni mu shida biyai yiya a hotokku me a katku. ⁶ Ngu deyanku ana shutu ki muni me bomu a bano, kit shidayo ngu biskanko eniy a tong bone tim ki kuyu ki gyem kelui bu'uno. ⁷ Kika ka'a, ngu deyanku yak a gyem shafki biyaiyo a Makidoniya ki yo Akaya zuniy yo onankok jire. ⁸ Me gyemanku nen nda eni Ndeyi duto lei tiya, ma makidoniya ki Akaya modato bu. Kika ka'a, me lei tiya ona jiret ku gyem Ndeyi nduto. Kika ka'a, mu ndalanko mu anku ta 'yabu. ⁹ Kika zuni guda kasu a anshe somo shida ndishe mu gemanku. A ashe billai yo ngu waglano gyem Ndeyi ki bei daha goro do ngu daf Ndeyi a zau. ¹⁰ Zuni anshe ta ngu geshe lah ki baba, yo hafta si ki mato. Woi si ne Yeso, yo bida muni ki bei yabtu tilii yo isno.