¹ Ɗeya ana ɗaha ei ne ishe, kit shida yon ɗafshe yo kristi. ² Kauso ne kunna nguni kika ngu ɗibshe ne'e tong shida lei ei miya. Nen kunna nguni kika ngu ngahangkok gyeɗo yam ei nen angku wara tabu. ³ Kauso nen nda ngu mantiti ta lei gorzoi yiya, ta gorzoi si kah mandu, ke ta Ndeyi ka kristi. ⁴ Lei gorzoi yiya na iko ɗonshu ɗo nama angko ei a hele dom kanni heno ngko kawa ka bobi a bano bu. ⁵ Me lei mands siya na iko ɗonshu nama ei a hele dom wara hena kai ongko kawak kato bu. Ka ai kit kato sakno. ⁶ Kika ka'a mandu na a hena katobui, a ɓabtitik somto duglu, na me 'yak kawa ka mandu ɗo ɓabte somto nama saktik kato, te hatik kato. ⁷ Gorzo kada he kannibu kika si suba ki nama ka Ndeyi. Me mandu te nama ka gorzo. ⁸ Kika gorzo 'ynkosik zug mandu bu. bo ka'ai, mandu 'ynkotek zug gorzo. ⁹ Ke 'ynko gorzok zuk mandu bu. Ki bo, mandu 'yanko tek zug gorzo. ¹⁰ Woi kika mandu suba ɗeyik 'yak tamyas gyeɗo kato, kika taktakaku. ¹¹ Shafki ka'a, a gem abano, mandu a elelik gorzo, nama gorzo a gyerak ka mandu. ¹² Kika mandu hetenok zug gorzo, ka'a ke e gorzo i lei ko siy mandu me lei ei miya hetenok gya Ndeyi. ¹³ Sheryanti guda katku: zina ɗo mandu 'e ɗonshu wara hena ka? ¹⁴ Lei ɗeinos ka'a guda kato shutanteku ta na gorzo an som yo gyeri kanniy 'yak kawa idani bu? ¹⁵ Me deinos ka'anda dunya shuteku ta na mandu an somyo gyera katoi woi 'yak hafta kato. ¹⁶ Me leilo na nda shana ka 'ya woi mu ananndi 'yak ɗafshi bu, ki ban ɗonshu Ndeyi ka'a. ¹⁷ Me a tong ei ngu ɗahai, ne namshe katku bu. ngu dahargko zuk zehe, a ka ei zina bu me ka disa. ¹⁸ Me yo tonoi, ne kolko ta ngu dahargko zuk zehe tong ban ɗonshui, bonku gomshek zehe bu, jon onkok jire ka ka'a. ¹⁹ Me ke an tiku hawotku, kika montitikbiyai ana jire hawotku. ²⁰ Na ngu ngalagko zuk zehei, ngu tishe wo'oto zomu bu. ²¹ Na ngu tishi,y leilo tishe yobi anbgesa yo'oto bu. yo'oto kolshe kizi, yo'oto me sanni. ²² Ngu annadi bano song idi tishi ki seshi hawoto buɗo? Ngu ɓokannok ban Ndeyi keng ɓokankok mamaye anandi 'yabu? Nen angku miya? Nen namku katku? Nen nama katku ka woibu! ²³ Kika ne biska ki gya bomu abano ei ne angku, abano Yeso, aka beɗiy yo onango si namko sinakir, ²⁴ Ɗo iko kunnui, si ndatha anita, "Woi zugono, yo ke bo'yoku. 'ya ka'a ɗo ngu dibik ne'e." ²⁵ Ka'a ke'e si namko gyerwalek bei tina wo'oto, si anita, "woi ei ngarnoi hoyo, tong domno,'ya shida woi lei tomiya ngu diɓa ne'e." ²⁶ Kika lei jajum yiya yom tanko sinakir ken sankok gyerwale woi, ngu eni matok bomu abano kaba na mesheni. ²⁷ Leilo ke ka'a , na tuko sinakir ke sak gyerwale abanoi aka ei suba bui, a ɗeyak lehik zugo ki yo dom bomu abano. ²⁸ Lei ngoiyiya kabte kanni dongo, kabui si to sinakir na mi sek tong gyerwale. ²⁹ Me na ngoi tuko, sa wara kabta zugoniy tuko ke sa sheryak kanni. ³⁰ Woi ei zofko shei ki hawotku zugonsu samɗeno ke gollei 'e. Ke maatonku ngatnsu monsom. ³¹ Menan ramtankok zugogku, a iku sherya bu. ³² Me na bomu abano imu sheryai, ɗo zoha mutik kola idamu, ɗo kada olmunik ma dunya bu. ³³ Kika ka'a, minnno na ngu ndano zukzehe tei zuk zehe. ³⁴ Na ngo kolshe kizi titu wo'oto a bano kika kada dahitku ollek ku bone. Me ka ei mamaye yo turenoi kaba nan n dinon angku 'ya kanni.