1 Ka mi hu ni boriye ti ngri gno ti ni rite riku ni kakanbe ni heyi ni hezi, ma chuu ndi ni chu tamba. 2 Mi hu uwundurisi lokaka lri lugri ni iri la laka anga maa ti ku kukanbe ti ma chuu ndi. 3 Ba ka ngri ndi ni alre ko ni miti ko ni amemiti ti ni mah ti mah ti ku kakambe shi kla ndi. 4 Mi lungu mbri klre ba ko ngri ndi ti ma fe na ku kakambe ka shi kla ndi. 5 Ka ngri rikuku ndi klre na mindi ''ka lungu yi. Hu miji ti uhhru Yahuza ni lri Dauda u mabo. Ngo yi ti ku kakambe ndi ni uchu tamba. 6 Me hu chugbe ti ande ni katete ti riti iriku ni malri ube chu chu ane ni ma ada. U ti iri niyi so ngri ti ma wu ye uso ni rikpri tamba ni lriyi tamba ti ni su uhu risi tamba ti ma tu ma ndu ni miti pye. 7 U ka shi hi kakambe lruye ni bo lriyi ta ni ngri ni ti mih ni rite riku. 8 Ni rikpu ti ihi kakambe ma iri ihe chu ane ni ma rikuku awu aha ni ane lruku miti ni heyi chugbe ko nandi so ni mgbolo ugba risi laka mlo ni wane ti usu ukru mawu risi ti ti kpare. 9 Ma tunyi lrehe, ''Bu Mma ti he kakambe ka shi ku chu ta ma wuhwu ka ni wayi tu ba yah mangri na kpoare ni lre koh pye mangry ni miti. 10 Bu bi ma so miti ni firist ti du zi kpare yi mata tii ni rite ni miti. 11 Ka mi hu ka shi hutu kugri ma wundurisi brimbri lree lrita lriku ta atete ni ma lri be chu ni ma lri rikuku. Pye ma ma su minyi awu ni minyi awu na minyi. 12 Ma lu gri umma chugbe ti na wu ti ni bu riku ni gno bo, kukpakuriri tcheru naa riku rikuku ni luwri. 13 Ka me hutu mawani ngo ti ma lu na are ni miti na kame miti ni Nnee-pye name ma klre. Tu ti ngri gno ti ni rite riku ni chugbe ni luwri bi rikuko gbu-gbu na gbu-gbu. 14 Ma ibe chu ane klre ''Na su nyi'' ma rikuku lruku miti shi douzi.