1 Ti uwundu risi ti aze kpare na ephesu wa. ugri ti ungri ti bi njika tamba ni ubo riya ti gno lri kri rite ulla tamba. 2 Mi yi undu tu na undu ringra tu na urumiki ni gba miki bu sa lri ni ni mangriribi ngo maa mu ti ma klre mu ma su zezebo sa su nyi gno bu ba fema usu rii. 3 Bu chruri gna miki ni rumiki klre nde mi. Usa ngya wu na ngo. 4 Mi ba huu gno ti siingo ti ba bwa sabo ni zi mi bii ti kajiji. 5 Taalri ni ko bu lruku na. Yemiki ka shi lu ma wango ti bu kaji lu. Ni bu ye miki naa ngo mi la ba uko tu na ba churite ulla ni kotu na. 6 Bu sa ni ti mi bulri so undu ti nicolata ume pye lri so ngo. 7 Ungri ti ni so ni kutu na hutu ngo ti uhu klre na ma kaze kpare. Ti ngri ti gno mruu mi la na gehe na lri ni uhu risi ti usu ni khiri kpare. 8 Ti uwundurisi kpare na kaze kpare ni Simirna wah. Ugri ti ngri ti gno su kajiji ni ti lri boo, ndi uku shebo lro gaga. 9 Mi yi ringra ni rika tuna bu su ni gno bo na mi yi urii ti mangri ti ma klre ku ma su ma Yahuza usa su risheshe nga ma su shakpa ti ingri ribii. 10 Ka lochri ti ringra ti bu lri ba wa na nga. Hu ingri ribii digbii ti hi wu taa na azelrhi nama mma wu hu, bu la wa ringra ti mu awu. Ti bimiki ya na ruku, mi la bi tata oriye na wu na. 11 Ti ngri gno so ni kutu, kuhu gno ti uhu risi klre na ma kaze kpare. Tingri gno umruu, lruku ti aha la doo ngo. 12 Ti uwurisi kpare ti kaze kpare ni Birgamas ugri ti ndi ti gno so ni kaji riku ti gnoo mblre aha. 13 mi yi ko ti bu te ka bu bi nde mi gbebe me yi ti bu sa tru bimiki na me, pye ni ma ribu ti antibas ti righra mi usu bimiki mi ti ma wu na me tu ni ko ti igrii ribii te. 14 Mi su na gno ndi gyo ni bu ti miri soh nga ubu maga bii ni kukla ti balamu, ti gno klre na balak na ta dru na mawu Israila na ma iri ulri ti nga ka shu lu kparuko. 15 Nyii di ka, ma ndi name tu na bi gbegbe ti nikolatawa. Yemiki, nga ka mi la ba gbaa ni ko tuna ba ta riku ni kaji riku ti anyu mi. 17 Nangri ti so ni kutu hutu gno ti uhu risi lri klre na ma kaze kpare. Ti ndi ti gno nadoo mi la bi na manna lriba mi la bi kike ritete ni nde lrehe ti ma wa ni kike, nde ti ngre si yi ngo, rah gno ngri ti lri bu ndi. 18 Ti uwurisi ti kaze kpare ni tayatira wa. Timi usu ugri ti uwu kpare ti lriyi ta su so mlre ulta ni uda bo ta so kike ma naa pyepye. 19 Mi yi ndu tu na mibii tu na bimiki ni shurii ni gbamiki mi yi gno ti lu ukra ti bu lu kajiji. 20 Ga gno ti mi sa hu lo ni ndi nga u bu iri kabo lu ni ngna me, Jezebel ti lri bri ngo ku gno su gna hukoh. ni. Ni ku kla ta u mbre ma wundu mi nama lu kparuko ni nama irilri ti gumaka. 21 Mi bi rikpu na nu yemiki ka na bi miki ti soh ti bwa kpariko sabo gno. 22 Hu mi la bye ta ni rike tabli ni ma mari la kpariko na ma wa ringra gbulala sai ma lri ye miki ni ribi ndu ma. 23 Mi la ka mawu ta ni iruku na ma kaze kpare pye yi ume mbi iri ghna talri ti miki mi la na ka ka ti ubo ndu ta. 24 Ni ringri mangri ti ma kpi ni thyatira ko ni ngri ti bi ukla mi ngo ka sa yi ngo ti maya bri kameme ti mawa gno igri ribbi ni bi mi klre mi sa bi ringra si na wun di ngo. 25 Nyii ka, bu bii ti gbegbe ka na mi ba. 26 Ti ngri gno nabo ku shi bi undu mi ya lri bo ni gno mi la na riku ni risi ma miti. 27 La ti bi ma ni wagba so kachri ti ma buu ndi pye. 28 Ni ka ti mi bu ni ko ada mi la bi na njika ti huhu. Ungri ti gno so ni kutu hutugno ti uhu risi klre na ma kaze kpare. 29 Na nghu ti ni su na utu, na hu ngho ti ni uhu ri khre ni mba ti khiduzi kpare.