1 Bulusu ngri aze uri ti Yeso kriti, ni wani mi Timoti, Bulusu ni Filima wani ndu yi. 2 Ni wani yi rina Filima Affiya, ni Akripu wani ti tariku ni Yeso kriti, ni kaze Kpare ti kiri wu. 3 Na ubo-risi ti Kpare ti ni bu, ne kalamiki ti utiyi Kpare, ni ingri kiri yi Yeso kristi. 4 Miri weeri na Kparemi. Rhikpu ti mirifeh na Kpare nawu, 5 Nikre ti mihutu kre tawu, ti khibii ni ungri uri-yii Yeso ni uwhiri miki, na mangri ti ma so ni miki titre. 6 Mife na Kpare ni bimikii tawu na sheru, nhu fe ukla risi ni ndu tisi ti Yeso tshra tshra. 7 Mife tremiki na ngho ngho na miki pya kre khibu wu miki mawani ti mabi na Kpare ri griyii nawu wani. Kre nyi 8 kre-nyi meso ni gbamiki ni uwu Kpare ti dii-kre nawu nuluu kandu. 9 yiso, kibi yeso ni nami khruwu, ume Bulusu ungri riku, misu ngri azeirhi ti kristi iyesu. 10 Miri ludaka kre uwumi Onisimu ti misu intingho ni aze urhi. 11 uwangami ilu ribi nawu, bebe-ngu isi nhawu na-mi. 12 mi tu ngho ndu nibu, uwu miki mi. 13 Mi taryi na uwumi-gami na ti si lu nami ndu rikpu me la ni aze urhi kre undu Kpare. 14 Mena ya lu kandu na bomi nga, ukre ndu Kpare na rhyu miki wu. 15 kre nga-mi nna biwu sabo rekpo gya shi nhu fe ngho gbugbu. 16 Bebemi, usasu ifi nga, nna kra na ifi usu wani. Uwugami su uwu ne igah tawu kre ndu Kpare. 17 Nii bu bii nami, bii na wani ndu uwugami. 18 Kandu ti uwugami lu nawu, rhe ubi nawu kandu, memi mi ya. 19 Ume Bulusu wa kakambe mi na ubomi, mi riya ti kpra na risimi, ubu na risiwu su tami. 20 Wani mi, grime ni nde uwu Kpare nami fe miki pya ni ndu Kpare mi. 21 Mibi na wu kre ti bu ri du ugri Kpare, nami wa kakambe nawu, burelu kra undu ti me wa. 22 Hwa nami kaze tiila, miri so miki nama bimi sabo ni kaze urhi. Feh na Kpare nibilu miri ba kiritu. 23 Epafaras, wani ni kaze irhi, kre kristi Yeso ri chuwunde. 24 Pye ni mawani Makii ne Aristaku ni Dema ni Luku maa-ndu Kpare nimi. 25 Na ugrii kpare ni Yeso ni griiwo. Nasu nye.