¹ Ma farisiyawa ni ma ti wa ti ma lrii Urushalima kakpi lre na ngho. ² Ma hu ma wundu ta lri lrii falafa ni ma kubo lhri ma sa bo nga. ³ Ma fariyawa ni ma Yahudawa pye ma sa ti lri kandu ga sui ma lri na bo ma, klre ma bi ni uduh ti matiima. ⁴ Rikpu ti ma farisiyawa lri americhu ba, sati lri kandu ga sai lri su wami, ma bi gbee na gbu mangho ti ni ma fe soti naa ma ugba, ka tchri, ugba ti laka na ngho ti ma bi iri so ngho ti. ⁵ Ma farisiyawa nama wa ma ba daka ni Yesu ''Aki lu mawundu tu ma ba ti kri in udah ti ma matiyi nga, ma sa ti na bo ko shi lri falafa nga?. ⁶ Uba klre na ma ''Ishaya klre risheshe ti bu su ma sarri na ni ka ti ni ma wu, ''Mangri nga mi malri di ugba mi ni anyu ma, ka isimikima ti nanyu ni me, malri douzi mi kpududu, ku kla ti udah ma usu ti mangri mbi usu udah ma. ⁷ Buri nami bududu riku, shi ri kla umo na ngho ti su ti mangri. ⁸ Ma bi sabo uda ti kpare shi bi mybree udah ti mangri. ⁹ Uba klre na ma'' nana tisi ti bu bwa sabo udah kpare shi bi udah ti na. ¹⁰ Musa bu klre di tigba ni tigba ni lti na lni wu na ngri ti ni kre ribi ti iti na ini pye, riya fuu. ¹¹ Ka bu klre na in ingri lri klre na iti na ini, ''Ko nangyi uhigle ti bu la bu ni me su korban,'' (Ti malri klre, 'bi na kpare). ¹² Ka bu la fe ahi nga ti ni nghondi na iti na ini. ¹³ Bu meh igri kpare na bi su kandu nga klre udoh ti ma bi nawu na ni. Ni gbu mangho ti usu nyi.'' ¹⁴ Uba bri gbu mangri shi klre na ma ''Glu tu na mi pye wuna, kohuna. ¹⁵ Ba kandu ni kaye ingri ti lri ze ngho yi rikpu ti ika ni kame nghu Ngho ti ni lruye ni ingry lrize ngho yi. ¹⁶ Ingri ti so ni kutu nahutu. ¹⁷ Ka Yesu bwa ma gbu sabo shi ka ame lri, ma wundu da ka ngho kre ti imgbi. ¹⁸ Yesu khre, ''Ubu pye ti ni kohu nga? Bu sa yi nga ngho ti ka ni kame lngri lru age sari ze yi nga. ¹⁹ Kre lri ya ti ka ni isimiki nga klre i ka ni lruhu na shi bo lruye in ziko?'' Ni igvi ma mi Yesu du liri pye isi. ²⁰ U klre ''usu tini lruye ni ingri mbi lri ze ngo yi. ²¹ Klre ni uru ingri, aye ti isimiki, ba ni tarri ribo, kpalriko kuyiyi, wungri. ²² La na ingri ribla bu ngho ingri ni gba chrichri ngho ribi saari, taari ribi, riyi ribi masihri nyigaa lamwu. ²³ Ma timi pye usu ni ingri ku malri ze ingri yi. ²⁴ I nyende ni kachu ngho shi ke ahembra ti taya na sidon nibu, uba ka ni kilrindi ri so na ngri yi ko ti ni te nga ka ungho sa ya ti ta lriba nga. ²⁵ Gynu nyi ka, inghaa di ti nuwa ta su ni uhuribi hutu klre ngho, uba ba lruku ni uho ta. ²⁶ U ghandi su ti Bahelinawa ukru ti Basurofinikiya ngho na lruyi ni huribi na wunata. ²⁷ U klre na inghandi, ''Na mawu kaji fe lri sa si nga ti bi ilri ti mawuchi lu na ma kabu. ²⁸ Ingha be klre na ndi ''Eh, Dada ma kubu pye ni lo rite lri fe yuyu ti lrii. ²⁹ U klre na ingha ndi ''Ti ni bu klre nyi a ya nghu, Ukplre ndi ulruye ni wunatu. ³⁰ Inghandi lre ka ngho lri shi hu wunatu la miti, ukplre ndi u lruye. ³¹ Ka nyende gaga shi ka ahebra ti tgre shi zo sidon ga Nne Galili ni mare ni a hemba ti Dikafolis. ³² Ma bi ingri mghiti ndi ba sa lri ya ti lugri ga, ma kru nggho na di ubo ni ingrindi. ³³ Ka l hi nghu ka kro aye ni gbu mangri ni lriba, ubi ma ingbe bo idu ni kutu ta, U ta ngo shi du ni ilrey ta. ³⁴ Shi ba kayi ni kare, nyii, shi klre ni nghu ''Iffata!'' Ma lri klre ''kuu". ³⁵ Bebenyi ka utu ta klaa, ku bwa irye ta ma rii ngho uba ti ka lu gri pyepye. ³⁶ Yesu la ni ma, na ma klre na ko ingri nga. Ti mbri ti lri klre na ma, ma ti ka klre na gbu mangri. ³⁷ Mangri klangu na nguma shi klre u lu ma mi risisi. U ba na me mgbitu hutu na ma kuilrey lugri.