¹ Yeso bu ka kaze kpare, ungre idi ni fu kumgba iteh ni khachun. ² Mangre sagabu meh ughu rine reria na ungre de pia ni nor Asabar si ma feh ughu na ugho bii si ma tu nghu. ³ Yeso bu la ni ngre ti ni uboo ughu fu kumgba ku yende tini katete mangri. ⁴ A la ni mangri de a mia ku ise na gree nalu ugho to se ni nor Asabar re na lu ugho ti beh; na buh gree sabo re na wu? A ma kpe na mgbe. ⁵ Nne ma na kaffu a kenghu miki na kushra rumiki ma a la ni gree de, "Ya ubo wu" a yaubo ughu a fe piya. ⁶ Mba pharasiwa a ma ruye si fara rine gahi ni ma fe nghu na kandu ti bii a mafe mangri Heridus ku ki Maria riya wun. ⁷ I Yesu na awu shiaha ma ruye sika Unghoo ugbu mangri bu duma ka Galilee na Judea. ⁸ Rei Urushalima na edom na urdun gon gore ka chru Taya na sidon, de mahuu-ngho tini lulu ugbu mangri ma ba na a. ⁹ A la ni awushiah ku maneh wasi gerenge nghu na nghu kre ni mangri ma brebre na ma ka mun nghu ga. ¹⁰ Mangri ni hi reke ma, glati ugbu mangri bu ka ba na nghu ku na duba nama. ¹¹ Du rukpu ni uhu ti bii ma hu nghu, mari kre meti na vu ku, bubu mu kpare ¹² I gbu ma ku ma ka la ni mangri yi. ¹³ A ka toh ka gashi si bi mangri tini ri ne hu a ma ga fe nghu. ¹⁴ A su ni awu shi aha tini rii bii ma ku mawu ndu shina ma kpe na'a kre ni riya tuma na kre kpare. ¹⁵ Si na ma fe ku sheru tini mazu majoku. ¹⁶ A su ni mba awushiaha; saminutini na'a nde ku Bitrus. ¹⁷ Yakubu uwu zabadee na Yohana wani Yakubu tini so de nama ku ma wu. Buwansis tini su mawu mindre. ¹⁸ Na Andarawus na Filibus na Bartalamawus na Matta na Toma na Yakubu uwu Halfa na Taddawus na saminu ni su kananiye. ¹⁹ NaYahuza Iskariyoti tini riya ybra na nghu. ²⁰ Aka kiri, mangre bu sa ri kandu ga sibi halu. ²¹ Nde mawuni ughu hu, ma ru ti ya bra nghu bi, ma kre ku, "baco na risin ya; ²² Mba ti wa ma re urushalima ba kre, mba joku ni ma sheru mu maka iga nghu mu ko chu mba joku ni iga mangri. ²³ Iyesu bu bi ma ba na ughu shi kre nama kre imii, riya su ku ki shairlan na zu Shaidan? ²⁴ Ni miti ri kro na guma miri gaha ba riya teh ga. ²⁵ Ni kharii tini kre gunughu khirii gaha ba ria ti ga. ²⁶ Ni ingri ribii riya yende shigbava gunughu, ba ria Iya nati ga ti tanughu meme. ²⁷ Ba ngru ni riya ka khirii gre tini shreru, na hi kandu sa ria bwanughu ko riya vhii tsi ni ughu ni khirii. ²⁸ Mila na wu rishe ughu unghe tibii na magri malu lurii nama ka ka su ki. ²⁹ Amma ngru ti ni lu unghu tibii ni uhu Kpare ti si ma beh lurii naunghu ga usu gre bii har na abadan. ³⁰ Iyesu kre kre gami mu kre tini ma kre ku ba so na uhu tisi ga. ³¹ Ini nghu na mawuni nghu ma be kpe ni kaye, si tun dundu, ku na ba. ³² Ugbu mangri ni ma kpe ni kro unghu bu lah na nghu ku ini wu na mawu niwu kpe ni kaye, mari neh wu. ³³ A beh nama ku mbari masu mani meh na mawuni meh? ³⁴ A neh mangri tini ma kpe naunghu ni ma ta nghu ni katete a kre "hu mii manimeh manimi namawuni mii mu nimeh. ³⁵ Du ngru tini lu nghu ti si unghu mu su wani meh lulu na wani wuna na nimi".