¹ Naungh mu su farui kre kpare ti Yeso Christi, uwu kpare. ² Ka toti ni ma wa ni gangambe Isheya mgri ti huko Hu, me ya ti tu uwu ndu me nikachu wu, ti ni ya mai hii lu. ³ Lilla ti ndi beri bii ni kamehji, me Ihi lu ni itiyi, ma Ihi ndi lu risisii. ⁴ Yohana ba, shi kalu Baptisma ni kamehyi na kre-kpare ti baptisma ni ti kuuu rehba ni ihii kpare ti remuhki ongh ti bii ni ngrii Lu. ⁵ Igbu magri tti Yahudiya na mangrii ti Urushalima ma ka nanghu. A lu nama baftisma in kugbo Urdun, uma ka kre ugho ribii tini malu. ⁶ Yohona ka kru Itru ti majuwhi ti misha ni Ishi unghu, shi ka ree dandra na ritu. ⁷ A kre, "Ngrii ndi ya ba ti ni ya duh me, ti ni kra me na kusheru; Isha ho dagba unghu mi ba yah ku ree gah. ⁸ Milu lu nayinan baftisma na manyi; ughu ya ba lu baftisma na wuna na uhu kpare. ⁹ Ni kpri Ndi, mu Yeso rii ka Nazarat ti miti Galili unghumu Yohana bi lu naghu Baftisma ni kugbo Urdun. ¹⁰ Da ni Yeso Nhruye ni kamai manye, Ahu kare bu fu, si uhu bu shi-ruba kama ugru mase. ¹¹ Lilla riuu rii kare, "Bi su uwumi, tini mari jekulowu. ¹² Ma-nyi- uhu risi be la naghu kuna ya kame Jihi. ¹³ Shi ti ni kameji tru kpri awu shinen, ningha mu ngrii ti bii ba ti bin ungh. Yohana ti na rii mawusi kpare chu nghu saboh. ¹⁴ Rikpu ni ma ruh Yohana Yeso ba Galili shi ka kre kre kpare. ¹⁵ Shi, kre, rikpu rii lu na kre kpare di gbi, ruba ni Ihii Bwa ongh ti bii lu shi buh kre kpare gah. ¹⁶ Ni ka khre ni Nyu Galili,shi wu. Sima na Andarawas wani ungh, ka ta tarbo ni masu mba ti ruu Njeeu. ¹⁷ Yeso kre naungh, bani me, meya sawu biya su ngrii ti run mangrii. ¹⁸ Ni nghamu ma bwa tarko ti run njeeshi duh Yeso. ¹⁹ Da Yeso kree ka gahii shi feh Yakubu uwu zabadi, na Yohona wani, Ma kpi ni kame kwalekwale mariye rii mai tarko lu. ²⁰ Yeso bima, ma bwa itima zahadi saboh ni kame kunglu (wasi) na mangrii ti ma gluma na ma duh Yeso. ²¹ Da ni ma ba kafarnahum, ni kpri sati Yeso yaka kame shakpati kla ikre. ²² Uma fe kubii meki, ku kla-nghu basu to ti mba kuwa ngha, usu na ku sheru na ku gba wangyi. ²³ Ni ngha mu ngrii ndi ni kam shakpa kre kpare ni su nakubii uhu a lu ugvu na-gho-gho. ²⁴ Ku, aiki ni yi su naungh na wu, Yesu ti Banazare? Bi ba ti djhi yi lubwa? Mi wu ngrii ti bisu. "Bisu uhu uwu kpare" ²⁵ Yeso gbu kpajuku ni gah ngrii di, shi kre, ruu Nyu shi ruuye ni gah nghu. ²⁶ Shi uhu ti bii chunyu ta miti, shiruuyana Lilla ti gba. ²⁷ Gba mangrii bilu mayi shi myhekuma,''Aiki su nahu? ki kla rihye na kusheru shi ree kren ni uhu ti bii mari duh kre unghu. ²⁸ Kre unghu i gbu kachu meme, na miti na gbu galili. ²⁹ Da ni riiye ni shakpa kre kpare, maba kirii Sima na Andawus, na Yakubu na Yohona. ³⁰ Na nghi ubo sima ba ngho na piye rike umor fenghu Yeso kre ngha ti boungh bia. ³¹ Yeso ba shi ba ya boh nghu shi ya sonde rikpe umor bi bwa nghu sabo a du yeso shi lundu na naghu. ³² Na Nuri ni inu shika, ma bi mangrii ti maa na bia na mba ti ni masu na uhu ti bii. ³³ Gbu koh ma ba feh nghu ni gahii. ³⁴ Yeso na mba tii, bama na pia, na rikye shi nama pia shi chu uhu ti bii, shi ba bwama sabo ma kre gaah ma zezeh who kpare yeh. ³⁵ Da ni ruu na chuchu, ni kachu djtrahu, shi ruye ka kachu ba mangrii ningha mu shi ka feh. ³⁶ Sima na mba ti ma kpi naghu ma-ne-nghu. ³⁷ Ma feh unghu, ma kre naonghu, kuma rii newu. ³⁸ Shi la nama, yi ya koninyi ni kame uko ni ti ma ti nayi, shi me kre kre kpare, unghu mu sa mi bami. ³⁹ I krii ni Galili, ka kre kpare ni shakpa shi kah juhuhu ti bii. ⁴⁰ Ngri kukemu ba nanghu, shi ka bhe nghu, i shu miti shi kre naunghu, "Ni bi nami pia. ⁴¹ Uhu rii naunghu, Yeso di boh onghu shi taba unghu, shi kre mebi mirii ya nauwu pia." ⁴² Na beh beh ungh da gama kre kikemu bi feh pia. ⁴³ Yeso gbe nghu uto si ku na ya nghu-nghu. ⁴⁴ Shi la nauaghu, hu bu ba la ni ngrugaa, yakla giiunghu ni Frisit, shi di unghu ti ni bi feh pia yin dn Musa lar nama ma lu. ⁴⁵ Nda ni ka, kaye shi ka ri klrii ikre ndi ba ku, ku kpafu, Yeso bu babi ka ni kame uko di kuma gan-ga, i kati ni uko ti kame ji, na-nyumu ari magri bekri ka ka kachu- nghu.