Ugrii 24

1 Na uwchuni ikpri ni ndi ti ridiu, ma ba uko ribii na ugho kyengbi ti nima medu. 2 Ma fe ma djhwa kike ru ni ukoribii. 3 Ma ka kame, ma fe igga Dada yeso nga. 4 Rukpu ti mari gaa nganiwa mari aha thi ni krooma uttro ti rikpakoh. 5 tshretshre ru mangha di shi ma shii risi ma so ni mitti, ma mie mangha ngaha, "usu kuki ko buru nne mba rinngha ni kame mba mafu"? 6 Isa su ni minga, ma runghu! Gaahu, ni iri kre na yi na rukpu ti ni tee nayi ni Galili, ku mari ya ti di uwu ngri ni ubo mangri ribii? 7 Mariya gbranghu ni kaku, ni ikpri ti attra riya bi yende". 8 Mangha ngaha ma gaa shi hu ikre ngho. 9 Ma rhi uko ribii shi ka la ni Awu shi ndi na ringri ma. 10 Bebenin, Maryamu magadaliya, Joana, Maryamu inii Yakub, na mangha saga ka la ni mbati zezebo. 11 ko kutundu ma isu ka chakre ni mbati zezebo, a masa bi na mangha dinga. 12 Bitrusu yende shi kri ka ko ribii, shi doyi ney kame nghu ihu uttro lini ti ma bwa nanghu nanghuma. Biturus wure ka kiringhu, shiri gaaunghu ti ri kri. 13 Humi, aha ni kame ma mari ya uko ti mari bii ku Emmawu, uglo nghu aso mil andra rhi urushalima. 14 Mari tanjokre nghu ti ri krii. 15 Mari tanjokre ri miye, Yeso ka doh ma riya. 16 Ko iyi ma sa fuh ti ma hu nghunga. 17 Yeso miye ma ku," Buru kri shi ri tanjokre kii na?" 18 Ma ti mari bi ku Kilopas yenghu ku, "Ira bubu mangba ni Urushalima ni sa hu nghu ti ri kri ni kame ipri ngami nga?" 19 Yeso krhe nama ku "Aki ri kri?" Ma yehnanghu ku nghu ti kri na yeso ti Nazara nisu ngri tuhuu ko, ti lu gbogbondu na kre kpare, Ife kibii na kpare na mangri pye, 20 Ko ruku tigba na mba tibiyi ma dingho na ma wunghu shi gbranghu ni kaku. 21 ka yi na somikkii ku nghomu riya kre israila sao. Eih, nangaha, Babein usu kpri attra mu ti ugha na kri. 22 Ka mangha ti ma ti na yi nayi mayii,ma ka uko ribii na chuchu, shi sa ka hu ngho nga. 23 Ni maka hunghanga, ma wure ri kre ku ma hu mawundu kpare ni ma kre nama ku iyande isu na rinngha ngho. 24 Ringri mangri ti ma ti na yi ma ka uko ribii shi ka hhu ku isu nyinmu a musa hungho nga. 25 Yeso kre nama,"Buu abududu mangri,Busu na djwa mikkii bii nghamba tu huko ma kre! 26 Isu mbgimgbi ni kristi na wa ringra ngami shi na ka ni ugbuungha" 27 Ningha,E'zeze na musa,ka na nbakuhuuko, Yeso kla nama ungho ti riya fe ngha ka ti kambe-kpare kre. 28 Ni ma digbi na uko ti mariyaa, Yeso lu ka ngho riya. 29 Ko ma mujengho "ti na yi, hu ichu ru ru" Yeso do shi tsa na ma. 30 Ni su tirisii na ma ihi falafah, shi dubo, ah imbri ngho, a nama. 31 Ningha iyi ma ifi, shi ma hhu nghu, ni nghha, I wurebi ni iyi ma. 32 Ma kre na nguma, "usu ngyimu rukpu ti ni ri kla nayi kanibe-kkpare mikii yi ri miyi?" 33 Mayende rukpukpun shi wure ka urushalima. ma ka deh na awu shi indi na mba ti ma ti nama. 34 Ma kre nama"Ti risheshen Dada yende i ruu ni Biturus pye". 35 Ma la na ma ugho ti ti kri nama ni ihi, na uto na ma hundho rukpu ti ni mbri flafa nama. 36 Ni mati re krenghongami, Yeso ngugnu ti ni katete ma, a kre nama ku,"khiyi mikkii ti na wuna". 37 Tshretshre ruma, ma ga ku usu uhuu. 38 Yeso mye ma, usu ki ri ngya wu? Buru miyhe ki ni mikki wuna? 39 Nee ubbo mi na uhho mi na, usu mi na nghumi. 40 Ikla nama ubbonghu na uhonghu. 41 Masa biinga sobo na kuimmru, na ku gah. Yeso miye ma," Bu so na irii ti ri? 42 Ma nanghu inje ti ma ye. 43 Ibu shi re ni iyi ma. 44 Ikre na ma "Ngami mu usu kre mi ti mi kre nawu rukpu ti mi teh nawu, Ngami mu usu unghu ti ma wa ni plambe ti musa na mbati huuko na Zabura ti ni ba Kimulu". 45 Ningha i fuh nama kuhu shi ma huu kakambe kpare. 46 E' kre nama ku, ngami mu ma wa, ku kristi riya wa rika, shi riya gyande ni kpri attra. 47 Krekre yemiki na kulurii ti ughu ribii ya abu mitti shrashra rii urushalima. 48 Buu bu hu ngami na ritsitsiwu na. 49 Humi,miya ti tundu nawu ngho ti itimi tanghu.ko bu ti tsa ni kame koh se ma kru wu na riishwi ri kare". 50 Yeso bi bi maruye ka digbi na Bethani. E'rai ubu ngnu shi duboh nama. 51 Ni nghu duboh nama, ma hinghu yha kare. 52 Ma Dourisi nanghu shi wure ka urushalima na ku muru. 53 Ma tsa ni shakpa, ri Dhou kpare wa.