1 Yesu ka si ka zu yariko. 2 Na nyumu igri ndi ni kachu nghu i nde nghu su zakka isu oriye mba kubo ugba ruwa asu na nghu boh 3 I ka ne ti hu su kliki shi sa fe yesu ku hu nga mangri bri-bri ji u nghu usu kpuru igri. 4 A ki ka l hiyi mangri si kato lkpe kaku sina durumi si hu nghu ni gahi ti ni ya zo yesu. 5 Yesu ba tshru kachu nghu ane kare ni khre na nghu zakka shi b bebe nghu shi ni renghu miya ti shi ni khiri wu. 6 A shi na khri khri su ba bu-nghuna khi tre. 7 Mahu su ru ju ugri ku rika ni nghu ni ka ni khiri nghu igri ti lu ngho ribii. 8 Zakka bi nyan-de si khre ni dada hu dada ringri isi ni na mna ni kame nghu ti musa na ngho miyu na mba ti ni ma basu na kandu nga mbati ni mi mbre ma mi ya re nama ku who ane ni risi nghu. 9 Yesu bi la na nghu lri nghu kraa sabo ba keri wu nghu wa nyi i su uwu ibrahim. 10 Nyumu uwu ingri ba ti bane sina kra mangri ti ma sa ihi risi nga. 11 Rukpu ni ma hui lkre di ate ri klrii si lila ma rikpu ngho mbami ngi du digbi na urushalima i ma yi khre ku kini kpare yati zeze ba ruh na krii-krii. 12 A khre ni su ngumu lgri ndi ka miti ti na nyu ti yabo ni gu-nghu keri khiri shi wehreba. 13 A bi mawu keri nghu awu shina ma ugba'a ti ni ma riya lu ritchu na-nghu awu ni ngha ya rikpu ti ni mi ya whir ba. 14 Mawu miti umsra nghu su tu saga ni kame ma du-nghu ku ma babi nasu tigba ma nga. 15 A su nyumu ni kare ba nika sika bo tigba a tun du kuma bi mba udu ti ni na ma mawu ti nda namamaba na nghu shi na hu nghu da ni mafe ni ugba'a risi ruchu to ti ni ma lu kame umgba ti ni nama malu richu na nghu. 16 Ti wudidi aba si khre dada umgbaa ti bi nami mi fe awu jeh ni risi nghu ti ni bu nami. 17 Iti keri bela na nghu buhu bulu risi bu suwu risi bulu rishe she nghu ni nghu wucici beya fe ti gba ti be ya bi uko awu. 18 Ti aha buba si khre umba ti ni be nami dada me fe ata ni risi nghu. 19 Bu yasu ti gba ti bu yabi uko ata. 20 Idi nghu ba si ba khre dada mibi u-nghu ti nibi nami bi ba. 21 Mi tshri tshri wu beri ne mangri biri fe ni kachu ti ni bi bata nga beri ga ni kachu tini bata nga beri ga ni kachu tini buba tru nga 22 Igri di bi kre ku mi ya shrimo nawu na iklrii tini bi kher basu wu ribi ngho bi klrii ku mu ru tshru ni kachu ti ni mi ba tru nga. 23 Aki lu ko bu babi ugba mi kalu ni kaze ugbaa rikpu mi whir ba si mi babu na mawu risi nghu. 24 Ti gba lti lal ni mba ti ni makpe na nghu mabo ugba ni kachu nghu mabi ya je ni ti ni suna awu. 25 Uma khre na nghu dada ti ta nghu su awu 26 Mi la nawu na ingri ti ni su na nghu ma yaje na nghu ti ni basu na nghu nga ti nisu na-nghu maya bu. 27 Ari maka lhi yimi mbami ti ni ma babi musu tu gbama ngha, bi na ba su wuma ni lhi yimi naa. 28 Na khikhre mba mi shi du rukpu nghu kaya urushelima ti ni ka urushalima. 29 Ba ma kachu ndi l di gbi betafaji na betanya ni gashi ma ribi kachu nghu ku Zaitu a tu mba udu nghu aha. 30 A la nama ya kame uko ti ihi yi kana, biya hu mu-ngha na ti ni ma sa ni ma sa ye ri to nga nghu bi ba na. 31 Ni nghu ugru mye wuna, aki ko bi ri nghu naa shi la nghu na ku dada isu na nghu ti ni riya lu na-nghu mye na. 32 Mba ti ni ma tu ma maka ma hu mu nghu ka ti ni yesu la nama. 33 Rikpu ti ni maka ri ingri mu nghu bi mye ma ku a ki lu ni bu riri mu ngha na. 34 Mma khre ku dada ri mye. 35 Mma bi ba na yesu uma ju ari utro ma chulu ni miti yesu bu zu risi nghu na mu ngha. 36 Rikpu ni maka si ka ju ari utro ma lugbwa nihi. 37 Rikpu ni digbi na kachu ti ni gashi zaitun te ari mawu ku du-nghu na nghu -ngho ma uma ru mur si rihi kpare na nvunvu kuma hu ndu bo kpoare. 38 Mma khre u-nghu ti si nghu l su oriye ti ni ba ni kame ndeh dada iti kalamiki ni kare ku mur tibri-nghu. 39 Mari bafrisiyawa saga ni kame mangri uma khre naghu igri kukla gbu mawu chuduwo wa. 40 Yesu yeh si khre mi la nawuna ni mbami ma kpi na nghi ari kike maya riya ki. 41 Rukpu ti yesu digbi na kame uko a ki mayi ni ikhre nghu. 42 A khre ku ni kasu ti ni buhu ni kpri gami bubu pye, ari ngho ti ni bi ku kalamiki ba a su mata ruba ni iyiyi naa. 43 Rikpu ruba ti ni mari maka ihi yiwu maya meh kachu go wu su chu kachu go gare si shawu ni ari kachu na ngho ngho. 44 Maya mu wu chulu bwa miti na, na ari mawu wu naa ma sa riya bwa kika ndi sabo ni risi wani nghu nga bubu ga sa hu rikpu khi ya wu nga. 45 Yesu ka ni kame shakpaa kpare niyi su glu shi zu mangri ti ni maka bhual isi. 46 A la nama, ma wa kiri mi yasu kachu ku fe na kpare bi me na nghu na kachu kiri mba khilri. 47 Yesu ka kla ni shkpaa kpare ti mba tigba na mba ti wa ma ka ne nghu tiwu, Mma mu masu tigba ti mangri. 48 Na-nyumu ma sa fe ihi nga ari ugbu mangri ma ko kpetu na ku so risi.